اسكريبتات سليم ومسك

اسكربت ١٤

"أحببته حتى أقنعني أن ما مر من العمر قبل مجيئه كان انتظارا له."

اكتر جملة بفكر فيها، هو أنا ممكن بعد كل العدوانية اللى جوايا من ناحية صنف الرجالة احب حد؟! ولا هتجوز لمجرد أن أريح أمي من حملي عليها؟! هلاقي فعلا اللى يحبني ويشوفني واحدة مميزة ومفيش غيرها ولا هيبص لغيري

_ أنتِ يا جلابة المصايب يا بلوة هانم

قطع تفكيري المريض صوت ماما ألطف واحن شخص في الدنيا بعد وفاة بابا مفضلش ليا غيرها هي واخواتي البنات وبالرغم اني الصغيرة بس بحس اني مسئولة عنهم كلهم بصتلها

_ عايزة ايه يا سميحة مش هتسيبوا الواحد للاوفر ثانيكج يعني ايه البيت ده ، وبعدين مبتخبطيش ع الباب يا سمسمه افرضي بغير يتخدش حيائي يرضيكي

قلعت الشبشب وزي اي ام مصرية أصيلة نشلت ع الهدف

_ اه... بيوجع ياماما ... داخلة ولا كانك فرقة مكافحه المخدرات ليه حصل ايه مانا عارفه انتو مصايبكوا كتير قولي قولي يا سميحة

_  سميحة في عينك ياقليلة الادب أنتِ كنتي فين وانا بربي اخواتك

_ طب اولا دي مشكلتك مش مشكلتي  اني متربتش وكمان ناسية انا كنت فين يعني ناسية وجباتك كأم ..تبا لنساء هذا الجيل ..... يامامااا خلاص والنبي متعضيش ..ياماماا

_ أنتِ يابت حد مسلطك عليا جيالي ع اخر الزمن تطلعي عيني ، نسيتني جايه ليه ... هنعمل ايه في المصيبة اللى جبتهالنا

بصتلها بكسوف ووطيت وشي في الارض
_ انهي مصيبة اصل انا حوارتي كترت بصراحه

للاسف المرة دي امي مسكتني نفس المسكه اللى كانت بتمسكهالي وانا صغيرة لما الضيوف بتيجي واطلب فلوس قدمهم من يومي وانا متربية على الاخلاق

دخلت اختي الاكبر مني علطول  ميران _ ايه ياماما في ايه

_ اخرة صبري جيالي بكارثه

_ يالهوي ياماما بتشرب مخدرات ولا متجوزة عرفي

_ايه ياميران الاوفر ده وبعدين لو هببت كده امك هتكتفي بضرب الشبشب زي البرص .....وبعدين سيبني ياماما كده ثواني كده

عدلت هدومي وعدلت لياقه البيجامه وقولت_ لقيت شنطه ف الارض وانا جاية من الكلية وطلعت فيها فلوس وكارنية ورخصة عربية

_بس كده؟

_اه اومال أنتِ فاكرة ايه

_وتخديها ليه هي بتاعتك مش قولتلك مليون مرة متاخديش حاجه من ع الارض

_اه ياماما حصل فعلا كل يوم بتقوليلي كده وبتقوليلي مخدش شكولاته من حد لو قالي هوديكي لماما  ارحميني ياماما انا شحطه في تالته كليه مش في تالته اول

بصتلنا ميران وضحكت بهدوء زي عادتها وقالت _ طب بعد اذنكوا هدخل اغير

_بت