اسكريبتات سليم ومسك

اسكريبت ٤

"احبك بقدر التشتت الذي بيننا، احبك بقدر السكوت المفاجئ بيننا، احبك بقدر العقد التي بيني وبينك، احبك حتى وان ظهر لك عكس ذلك."

_اااه ياماما الحقيني بطني بتتقطع
_البسي يامسك وهننزل عند دكتور نبيل حالا

لبست بالعافيه ونزلت عند الدكتور نبيل مش فاهمه ماما بتسيب الناس كلها وتروح ليه بالذات يكونش عملها عمل على رجل نمله حافيه

_هي عندها القولون ومينفعش تشرب قهوة دى حاجه بسيطه متقلفوش

سبنا وقعد على المكتب وقلع نضارته وقال
_بس انتي كبرتي اهو يامسك وبقيتي حلوة اوي

حلوة في عينك راجل نتن وبكرش احب اعرفكوا دكتور  فجله ده عنده ٤٣ سنه وبكرش ومتجوز ٣  منه لله بيتجوزه على ايه بكرشوا المدلدل ده
ردت ماما عليه وقالت
_مسك كبرت وبقت عروسة دى ف اخر سنه ف كليه زراعه اهي
_قسم ايه بقى يامسك
_بيوتكنولوجي
_اممم يعني تقدري تنزلى تتدربي معانا ف المعمل هنا وتدربي معانا واهو تبقى تحت عيني

رديت عليه وانا نفسي اقلع عينه الى تدب فيها رصاصه راجل شايب وعايب صحيح
_تحت عينك ازاى يعني
_قصدي تاخدى خبرة واهو محدش هيخاف عليكي ويعلمك زيي
ردت ماما الله يسامحها يعني من قبل مافكر حتي وقالت
_طبعا هتنزل تدرب هي اصلا كانت بتدور على مكان تتدرب فيه
رد بابتسامه تنحه تقرف شبهه وقال
_طب عظيم اوي هتنزل المعمل تتدرب تحت اشراف دكتور سليم هو ماسك المعمل حاليا عقبال مانلاقي حد واهي مسك جت تعالى بكرا تتعرفى عليه يامسك وتشوفى المعمل

_________________________________________
روحت البيت انا وماما وطبعا انا مش طايقه نفسي ونفسي الطم من اللى امي عملته فيا
وامي راحت بسرعه الصاروخ قالت لخالتي  مش فاهمه اي الحكمه ان لو حصل حاجه لازم كل اخواتها يعرفوا
وجيه تاني يوم اللى المفروض هنزل عشان اقابل البيه اللى هيدربني
بس طبعا عشان انا طمعت ف الحظ الاسود لوحدى السما مطرت اليوم ده  قولت مش مشكلة ونزلت ولبست اشيك طقم وجزمه عندى وطلبت اوبر كمان وبمنتهي الشياكه نزلت واتكعبلت على وشي قدام باب العمارة  فرجعت البيت وكلمت دكتور نبيل واعتذرت وقولت هروح تاني يوم
_________________________________________
_طب انا مالى وخداني معاكي ليه
_بقؤلك اية يا بسمه انتي مش صحبتي لو مكنتيش جمبي يوم زي ده تبقى جمبي امتي
_هو امتي راحه تتجوزي بلاقرف انتي راحه تتنيلى تشتغلي
_اهو دا اللى فالحه فيه الجواز الجواز
_بت انتي بقولك ايه الدكتور اللى اسمه سليم اللى هيدربك ايه نظامه خاطب متجوز مطلق ارمل وساكن فين وعنده اخوات بنات عشان هيبقوا عقارب معروفه ميقرفوكيش بعد كده
_انتي مهزءة  هل انتي مهزءة خلاص خلتيه اتجوزني وبعدين واحد مجايب نبيل فجله اكيد هيبقى بكرش زييه
_ادينا طالعين فوق اهو وهنشوف
طلعت وخبطت على باب دكتور نبيل محدش فتح قولت اخبط ع المعمل وفعلا دخلت اوضه السحب ملقتش حد فخبطت على اوضه الاجهزة كذا مرة ورا بعض
_انتي يابني ادمه ياغبيه انتي مبحبش حد يخبط عليا وانا ف المعمل وقولت كده مليون مرة ولا محدش نبه عليكى
انا كنت فى دنيا تانية بصراحه الولا قمر وعنيه ملونه واسمراني وطويل وشاب بعضلات كده مش زي عمو فجله ده يخربيت حلوه امه ويخربيتى انا شخصيا انا مركزة ف اي  ... فوقت على جعورته قولت مبدهاش بقى لازم اظبطه
_انت بتعلى صوتك على مين ياعديم الادب انا الدكتورة مسك المفروض تعرف بتكلم مين متتكلمش بعنجهيه وغباء كده