اسكريبتات سليم ومسك

اسكربت ١٠

_ قومي يا آخرة صبري كل ده نوم
_ ماما ياماما ياحبيبتي سيبني أنام حتى يوم الاجازة اليتيم اصحى بدري لية
_ نايمه لحد العصر قومي يابت هاتي فطار
_ عصر اية ياماما الساعه لسة ٨ الصبح انتٍ عايشه معانا بتوقيت انهى دولة مش فاهمه
_ خلصي يابت قبل مابوكي يصحى
_ ماتنزلي ابنك هاا ماتنزلى ابنك ياماما دا احنا حتى لسة ناقلين فى منطقه جديدة وانا معرفش حد وممكن اتوه هو مش راجل ماتنزليه
_ اخوكي ياقلب امه كان سهران يذاكر طول الليل ياقلب امه
_ هو سهران يذاكر وانا كنت سهرانه العب ياماما صح جاوبي بصراحه جبتوني من انهي مقلب زبالة
بصتلى وضحكت وملست على شعري وقالت
_ معلش ياست الدكتورة متزعليش خلاص هنزل انا خليكي انتِ هنا
حسيت أني غلست عليها ورديت بوقاحه
_ اي ده بقى ياست سمسمه يعني تصحيني وتفوقيني وبعدين تقولي لا هتنزلي أنتِ عايزة تضيعي عليا الفسحه العظيمه دي ف الأسانسير
بصتلي وضحكت
_ يابنتي أنتِ هبلة يعني شحطه وكبيرة ولسة بتخافي من الأسانسير لية يامسك هياكلك انزلي على رجلك يامسك
_ هنزل ١٦ دور على رجلي ياماما ليه لقياهم في كيس شيبسي
_ يلا يابنت الهبلة من هنا قومي
قومت غسلت وشي وجبت عباية سمرا  من بتوع ماما البسها عشان مش لاقيه هدومني لسة بننقل جديد والدنيا بايظه ولفيت الخمار بتاعي ولاجل حظي النحس كان مكرمش
_ خطافه عيال عليا الطلااااج خطافه عيال ونازله تسرح بمناديل اية المنظر اللى يقرف ده
_ يلا ياحيوانه مش وقت مرقعتك قدام المرايا انتِ مش نازلة لخطيبك تحت انتِ نازلة المطعم ومحدش هيقبلك ولا هيركز معاكي اصلا ااه قبل مانسى هتنزلي لحد الدور ال ١٤ع رجلك عشان الاسانسير باظ بليل ونسيت اقولك
_ طب اعدل الخمار طيب
_ هو فين الشبشب
__________________________
نزلت وانا بدعي ربنا أن محدش يشوفني لسة مكملتش الدعوة لقيت جارتنا اللى تحتنا فتحت الباب وبصتلى حته بصه ولا اجدعها ظابط بيمشط إرهابي
_ امممم انتِ مين بقى ياحبيبتي أصل أنا عارفة كل الناس اللى معانا
الله يكرمك ياماما هو ده اللى محدش هيشوفني دي قاعدة فى قفا الباب
_ اه ياطنط أحنا لسة ساكنين جديد
بصتلي تاني وقالت
_ امممم وسيبتوا مكانكوا ليه بقى
اااه انتِ طنط حشرية ومالوا
_ والله ياطنط نفسي اكمل كلام معاكي بس امي عايزة فطار ولو مجبتش الفطار بسرعه هتفتكر ان حد اداني شكولاته ورحت معاه او بعاكس ابن الجيران فبعد اذنك عليكم السلام ياطنط
قفلت الباب الحمدلله ودخلت اخيرا يارب على الاستجواب اوووف
_ انتِ بقى الساكنه الجديدة.
ااه يادي النيلة
_ اه ياحبيبتي انا للاسف الساكنة الجديدة بعد اذنك كده
خدتها جري على السلم لحد الدور ال ١٤ كفاية اوي اتعرف على ناس بمنظري ده والله اخيرا وصلت لباب الأسانسير اية يعني هنزل فيه ١٤ دور هنزلهم ف مينيت كده بفتح لقيت واحد فيه طب ادخل ولا استنى مانا مش عايزة ادخل  معاه مانا معرفوش ومش عايزة انزل لوحدي كل ده برضوا لو اتعطل بيا هصوت ازاي ولا مين...
_ انتِ يابنتي
قطع تفكيري صوته انسان تنح اقسم بالله
_ يارب هتدخلي ولا لا بدل وقف الحال ده
_ اوووف داخله اهو
دخلت وكل دور الاسانسير بينزله بتوتر اكتر وبفضل استغفر ربنا وللاسف كان صوتي عالي جدا
_ ياربنااا يابنتي هو الاستغفار حلو والله وكل حاجه بس مش كده براحه وترتيني
نسيت التوتر وبصتله لا معلش هو يزعقلي ليه اية يعني اما اتوتر شوية صغننين
_ وانت مالك هو انا بستغفر من بؤقك دا انت تنح ياجدع
_جدع تصدقي اني مشفتش في وقحتك انتِ معندكيش ذوق
_ انت اللى معندكش دم شايفني متوترة تسكت الله وبعدين مش عجبك انزل
_انزل اية هو انا راكب اتوبيس وبعدين انتي اللى دخلتي دخلتي ليه
بصتله بغلاسه وقولت
_ اهو كيفي كده
_ بقؤلك اية ياسوكا روحي عالجي كيفك ده
لسه هرد عليه لقيت عم محسن البواب فتح باب الاسانسير علينا من كتر خنقنا محسناش اننا وصلنا للدور الارضي وان الاسانسير وقف وصوتنا مسمع لشارعين قدام
محسن:  خير ياضاكتور سليم في ايه في ايه يا اساتذة
_ دي استاذة دي دي بياعه سجاير بتخطف عيال بتبيع اعضاء
_ دا على اساس انك بقى دكتور يابني انت واخد شهادتك من كفر الدوار دا لو انت دكتور اصلا
_ انا مش هرد عليكي وهروح مشواري احسن من خلقتك دي غوري
_ ياخي اتلهي
نزلت جبت فطار وفطرنا وعدى اليوم بكل احداثه العجيبة وعدا يوم ورا يوم ورا شهر يجر شهر
___________________
_ يابنتي انتِ برضوا مصممه على موضوع السفر ده انتِ وخطيبك
_ ياماما ده مستقبل مصطفى وشغله كله هيبقى هناك
_ يامسك انا امك انا اكتر واحدة عارفه انك عايزة تسيبي البلد وتهاجري انتِ لو سافرتي مش هترجعي
_ يوووه ياماما وبعدين انتِ مش اهم حاجه عندك تشوفيني مبسوطه انا والله هبقى مبسوطه معاه هناك
_ لا يامسك يابنتي عيشو هنا البلد دي احسن من غيرها ورب هنا هو رب هناك تبقى قدام عيني يابنتي
_ياماما بقى هو خلاص رتب ظروفه وشغله وكل حاجه
_ يابنتي انا عايزكي جمبي افرضي حملتي ولا ولدتي مين يكون جمبك وياخد باله منك
روحت جمبها وحضنتها وقولت
_ماما اهدي انا هبقى كويسة برا والله ومصطفى كويس متخفيش وياستي ساعه الحمل والولادة هبقى انزلك هنا مصر  ماتقولها حاجه يابابا
_ هقول اية ياستى امك هتفضل ماسكه فيكي ومتبته اقولك حاجه يامسك امك تعبت فيكوا يمكن لو حد ليه الفضل انكوا تبقوا كده بعد ربنا فهي امك انا مكنتش بعمل حاجه غير اني بشتغل وبس حتى مكنتش بشيل هم فلوس مصاريفكوا ودروسكوا امك هي اللى كانت بتتصرف وتخطط هتصرف ايه امتى هي دايما اللى كانت بتذاكر وبتلاعب وتوديكوا المدرسة وتعاقبكوا  هي الل  لو حد منكوا تعب كانت بتفضل طول الليل سهرانه واحيانا كانت بتعيط امك لو اخوكي اتاخر برا دقيقه بتبقى على اعصابها وانتِ لو اتاخرتي في معاد النبطشية بتاعك دقيقه بتبقى متوترة مش قلة ثقه فيكي لا خوف وقلق على حته منها انا كل ذكرياتي معاكوا اني كنت بلعب معاكوا وننزل نتفسح اه بقلق عليكوا وبخاف عليكوا بس عمري ماهكون زيها تفتكري بعد كل ده هي هتقدر تستغنى عنك انتي او اخوكي  عشان انتي عايزة تسافري
بابا كان بيقول كل كلمه وهو عينه مليانه حب لماما بصيت على ماما لقيتها بتبص لبابا بحب وبتعيط حبيت علاقتهم اوي ببعض رغم السنين دي كلها ومع ذلك لسة حبهم بيكبر وبيبقى اقوى من الاول اتمنيت اني انا ومصطفى نبقى كده بس للاسف مصطفى كل همه فى الدنيا الشغل والفلوس منكرش انو طيب ومحترم بس كل همه فى الدنيا الفلوس
_ روحتي فين يابنتي
فوقت من افكاري على صوت بابا وقولت
_معاك معاك يابابا انا بس سرحت فى كلامك شوية
بصلي وضحكلي وطبطب على ايدي وقال
_ سن الشباب هتبقى عايزة تجربي كل حاجه وتحكمي بنفسك هتحسي ان راينا عبارة عن قيود عليكوا بس صدقيني الغربة مُرة وخصوصاً لو مع واحد زي مصطفى مصطفى كويس بس مشكلته انو هيفضل دايما فى شغله ومش هتشوفيه غير قليل وانتي بطبعك مبتحبيش الاختلاط بحد وهتفضلي لوحدك هناك وسط بلد وناس وعادات غريبة وباردة بس لازم تجربي بنفسك
__________
_جيلنا حته دكتور هيشغل فى الطوارئ معانا بس اية جان على الآخر
_يابنتي اتقى الله بقى عيب
_ والله يامسك قمر ولا عينه الخضرا بقى هيححح
_لا اشوف استغفر الله العظيم  يابنتي يخربيت شكلك اتلمي بقى بس حلو لنفسه ولمراته بس بقى.
_ لا سينجل بس هيبقى دكتور قلبي
لقيت دكتور احمد زميلنا بيعرف باقي الاستف بتاعنا عليه مهتمتش اشوف شكله وطنشت 
_ انتي!
_ اهلاً وسهلاً بخريج جامعه كفر الدوار وجاي برجلك كمان يابجحتك ياعم
_ انا بجح ياوقحة
_ أقولك مين الوقحه
احمد_ بسسس في ايه اهدوا انتو الاتنين انتو تعرفوا بعض
لسة هيرد مسبتلوش فرصة وقولت
_ معرفة الندامه
_ هتبقى مهببه على دماغك باذن الله
_ على دماغك انت  بقؤلك اية انا عاملة دماغ مش عايزة وش
_ دماغ!؟ انا قولت من الاول البت دي بتشد حاجه
_ ياخي شدتك سحلية قرعه من دونك قصدي على كوباية النسكافيه وبعدين لحظة انا ببررلك ليه اوعى من وشي انا راحه اشوف شغلي
_________________________
عدت فترة كبيرة اكتر من ٦ شهور بصراحه كان محترم ومبيتكلمش معايا كتير غير ف الشغل منكرش انو عجبتني علاقتو بمامتو وطريقه تعاملة مع الناس مطلعش زي ماكنت فكراه بس انا لية زعلانه عشان طلع كويس ولا عشان لالااا انا مينفعش افكر اصلاً ولا اقارن شخص بشخص اهدى كده انا فرحي بعد شهر ونص بالظبط اكيد التفكير والتخاريف دي من التوتر
______
_ يابنتي اركبي معايا الدنيا مقطوعه واحنا نص الليل اوبر اية اللى هيجي دلوقتي
_ لا هتصرف يادكتور سليم متشغلش بال حضرتك
_ انا هوصلك زي اوبر على فكرة مش هغتصبك اركبي بدل ماحد يبصلك بصة مش تمام  على الاقل تروحي تشوفى حصل اية بدل مانتي متوترة كده
بصتله شوية وقولت
_ انت عرفت منين اني عايزة اروح عشان في حاجه ماتقولي في ايه
بصلي شوية وغمض عينه حسيته بيرتب افكارة وقال
_ علمي علمك امي اتصلت بيا برضوا وقالتلي اجيبك واوصلك هاا ممكن بقى نروح
بيكدب عليا احساس جوايا اكدلي انو بيكدب عندت معاه وقولت
_ برضوا لا هستنى اوبر
_ انتي حرة اولعي يكش الاقي اللى رايح واللى جاي بيتحرش بيكي
عدت حوالي ربع ساعه ولاجل حظي النحس سواق الاوبر لغى الاوردر انا حظي جاي في ديل سحلية عانس والله
_ اوووووف مبتردش لية يامصطفى .... اخيرا رديت يامصطفى
_ لا ياحبيبتي انا مامته اذيك يامسك
_ اااه اذيك ياطنط ممكن تصحي مصطفى عايزه فى حاجه ضروري
_ مش قولتلك مبحبش طنط دي وبعدين مصطفى نايم عشان وراه شغل مش فاضي ياحبيبتي لكلامكوا ده اما يصحى ويفوق هخليه يكلمك
_ ياطنط كلام ايه انا عايزة يجي يوصلني البيت
_ اطلبي اوبر يامسك اتصرفي ياحبيبتي مش كل حاجه مصطفى وبعدين باباكي رن على مصطفى كتير وانا محبتش ازعجه ياريت مترنوش عليه بليل عشان بيكون نايم يامسك
اتهرقت من اللى بسمعه كمية تحكم وتسلط رهيبة بس لحظة لية بابا هيرن عليه كتير اوي كده اموت واعرف حصل ايه
_ اموت انا فى الحته المتدينه دي
_ ماتيجي نختم القران مع بعض ونسمع السيرة النبوية
يانهار ابيض عليا وعلى ايامي كملت بمتحرشين منك لله ياسليم يا شعراوي لازم تدعي مبصتلهمش ومشيت شوية...... يادي النيلة جايين ورايا احييية بقى . لقيت سليم ساند على عربيته ومديني ضهره جريت نحيته وقولت
_ سليم سليم يلا يلا نمشي دلوقتي يلا
بص لاقي الاتنين البقر دول  لسه مكملين قلة ادب ومعاكسه
_ والنبي ياسليم سيبك منهم ويلا بالله عليك دول باين عليهم صيع يلا بلاش مشاكل
بصلي بهدوء كذا مرة وقال
_ حد منهم لمسك
_ والله لا بس يلا يلا
دخلني العربية وقفل الباب بتاعي وكان لسة هيركب ونمشي ولولا ان العيل الحيوان استفزه وقال
_ ايوه كده ياسولي اسمع الكلام عشان تبقى جود بوي
_للأسف طول عومري باد بوي
اضربوا حته علقه انما ايه حاجه كده اورجينك عااش سليم عاااش