_يعني إيه مش موجود ؟ أنتو بتهزروا ؟!، سابوه يمشي أزاي ؟!، أنا ، أنا لازم أدور عليه
حسيت أني تايهه متلخبطة ، هيسيبني ويمشي تاني ، وجع قلب تاني_ أهدي يامسك مينفعش تمشي ، دي أول ندوة ليكي تعمليها ، مينفعش تسيبي الناس، وتمشي
رديت عليها، وأنا على تكة واعيط ،ومحدش يعرف يسكتني، ماهو مش كل شوية هيبعد ما كده كتير بقى ، ردت عليا أسيل
_ الدكتور بنفسو قالك أنو أتنيل خف ، وبعدين دا مش عيل، دا شحط كبير ، هتخافي عليه اكتر مني ؟! دا اخويا ياست
معجبنيش كلامها هي أصلاً مستفزة حرباية ، فعلاً متقمصة دور عمتو الحرباية
_ اه أخاف عليه اكتر منك ، وبعدين شوفي مش هو شحط، وكبير بس معندوش دم، بالله معندوش دم المصيبة أنو خف ، خف، وأفتكرك أنتي ، وأمك وفاكر كل الناس إلا العاقة أنا ، دا انا لو حد تافف في حياتي مش هتبقى كدة
_ طب يالا بقى الندوة هتبدء ، يالا
يارب صبرني على كتلة البرود دي لو كيس شيبسي اللى تايه هتبقى خايفة، وقلقانة عن كدة ، بصتلها وقولت
_ بت أنتي قاعدة هادية وساكته كدة، وعلى قلبك مراوح ، أنتي عارفة هو فين صح؟
بصتلي وأتوترت وقالت
_ ماهو بصى آه عارفه ، ايه يعني هتعمليلي ايه ، وأقولك كمان هو طلب أنك متعرفيش حاجهبصتلها بخوف وقلق وتوتر أحساس الفقد مش سهل وبالذات منو هو ، هو كان كل حاجة في حياتي ، بيقولوا أن الست بتغير الراجل للأحسن ، بس هو ، هو فعلا اللى خلاني عايشة ، فوقت على صوتها وهي بتقولي
_ يلا يابت روحي أقعدي، وركزي في الندوة
_ دا أنتو عيلة تعر ، منكو لله ياشيخه
بدأت الندوة وكان أغلبها بنات ما طبيعي يبقى أغلب المتابعين بنات طالما الموضوع رومانسي ، ما حنا بنموت في المحن والسهوكة ، كانت أغلب الاسئلة خفيفة، وكنت بجاوب بهدوء ظاهري بس من جوايا دماغي بتاكلني هموت وأعرف راح فين
_ بدأتي بقى كتابة من أمتى ؟
_ بالظبط ،بالظبط من سنة ونص، وشوية صغنانين
بصولي وضحكوا سألت واحدة تانية
_ بيقولوا أن أكتر الناس اللى بتضحك، بيكونوا أكتر الناس اللى زعلانة ،ومكتئبة، وأنتي أسكربتاتك مصنفة كوميدي رومانسي
_ أنا يابنتي مكتئبة ؟! شكرا على ثقتك الغالية ، بصي مش بالضرورة أن الشخص عشان بيضحك يكون بيخبي حزن ، أنا بطبعتي بضحك بسبب ومن غير سبب والله
سؤال ورا سؤال منهم الجد ومنهم اللى بيسال أزاي يحترف الكتابة ،ومنهم اللى بيسال عن حياتي ، حسيت أحساس غريب ، أحساس بالخوف والأمان في نفس الوقت ، مسكت السلسلة اللى جبهالي من سنتين ولقيت عيني راحت ناحية الباب لقيته واقف بيبصلي وبيضحك ، لمجرد أني لمحت ضحكته، ضحكت شبه الهبلة ، اتقدم خطوة ورا التانية ولقيته بيقول
YOU ARE READING
اسكريبتات سليم ومسك
Randomهنعيش ونشوف معاناة وظروف .. والفرحة ح ترجع من تانى والدنيا هتبقى مصالحانى .. حالنا بيتغير فى ثوانى وفى غمضة عين فى سباق ماشيين .. وفراق وحنين الشدة تملى تقوينا .... وتبين مين قلبه علينا على حس الأمل اللي مالينا .. عايشين راضيين دا ياما حكايات .. أول...