اسكريبتات سليم ومسك

اسكربت ١١

_ يارب بقى ناقصة أنا الفون يفصل مني لله ، كان لازم أعمل استرونج ومن وأقول هاجي لوحدي.
عدا ساعة واتنين والتالته قربت تعدي والشارع ضلم اكتر لا ماهو كده كتير بقى ، بصيت لقيت توكتوك لالا مش أنا اللى أركب توكتوك ، احيية دا كلب لا أنا بركب توكتوك عادي
_ لو سمحت لو سمحت ياسطاااا
أقسم بالله دا مش صوت بني أدمه دا صوت حماره تايهه ، وقف وقالي
_ أيوة يا مدام عايزة ايه
مدام؟! أنا يتقالي مدام دا انا لسة فرفورة مكملتش ال٢٤
_ على فكرة أنا أنسة
رد بمنتهى البجاحه وقلة الادب أبو عيون عسلي تجنن مني لله
_ على فكرة أنا مش هطلع بطاقة أنا عايزة أجرش التوكتوك واروح أنام فيتقولي عايزة ايه يا تسيبني اروح لحالي ي اساتذة ولا تحبي أقولك يا ابلة
في الطبيعي كنت عليت صوتي وشوفت مين فينا تون صوته اعلى بس للاسف فيه كلاب قولت بمنتهى الهدوء والادب وده نادرا يحصل
_طب بقولك ايه وديني النصرانية يلا
بصلي وقالي
_ أنزلي يابت من التوكتوك غوري يابت بقولك هجرش عايزة تروحي النصرانية طب ماوديكي حدود ليبيا احسن
_ علفكرة بقى دي مش أخلاق ولاد بلد ياسطا انا بنت ولوحدي هتسيبني كده ترضها لاختك
سكت كانه بيفكر ومردش كملت وقولت
_ طب تردها بنتك
بصلي بغيظ بس والله ماهسكت ماهو هيوصلني يعني هيوصلني
_ أمك
_نعم بتقولي ايه
_بقولك ترداها لأمك
بصلي بغيظ بصراحه منكرش أنو شكلو لطيف مش زي اي سواق توكتوك شوفته أنا مني لله على دماغي
_طب اتفضلي
أفتكرت أول حاجه اتعلمتها من صاحبتي لما تركب توكتوك نحدد الاجرة اول حاجه قولت بمنتهى الثبات
_ بقولك ايه هما خمسة جنيه هتاخدهم مااشي وهتوديني لحد باب البيت ماشي
لف وشه ليا وقالي
_ أنزلي يابت من هنا انتي هتقرفيني يعني الساعه ١٢ بليل وواقفه ف حته لوحدك انا لولا ان منظرك محترم كنت قولت انك لامؤاخذة وقرفاني وهوديكي النصرانية وهتديني خمسة جنيه؟! مش عايزة بالباقي لبان يابت
لميت نفسي وقولت اتربي عيب
_طب طب بص شوف عايز ايه بس وصلني الله يسترك
_ يسترني؟!
_ قصدي يعني يفضحك
_ ابوس ايدك اسكتي واركبي
ركبت معاه وانا مرعوبة في ظروف تانية كنت هكلم اي حد من اهلي يجي ياخدني بس كالعادة كل مرة حظي الاسود بيبهرني طول الطريق بيستغفر كل مايشوف شارع فاضي ومضلم يستغفر ربنا كأني أبتلاء مثلا ، في لحظة لقيته وقف ولقيت كذا راجل واقف قصدنا ومحاوطين التوكتوك، اترعبت لقيته بصلي وكانه بيقولي متخافيش
واحد منهم بصلينا وقال
_ أنزلوا بقى ياحلوين كده
نزلنا وبمجرد مانزلنا وقفني وراه وقالي
_مهما حصل متنطقيش بكلمه
اترعبت وخفت للاسف أسوء احساس ممكن اقابله واتعرضله هتخطف او اتقتل وانا لوحدي ومعايا راجل غريب طب ع الاقل اروح لامي اكل الكيكة اللى عملاها واللى رعبني اكتر صوت الراجل وهو بيقول
_ ياتسيب التوكتوك يا تسيب السنيورة دي
قلبي اتقبض ساعتها وفضلت ادعي ربنا ينجيني من الموقف ده ، لقيته بيقولهم
_التوكتوك ده وبايظ اصلا وحالته خربانه ومش هيجبلك فلوس
يابن كوم شكاير الجزم انت بتسلمني تسليم اهالي ياخي منك لله يشيل ويحيط عليك ارتحت لما لقيته بيقول
_اما بالنسبة للاستاذة دي فانا صدقني مش هسمح لحد يلمسها قبل ما اموت وانتو مش هتلبسو نفسكوا ف قضيه وممكن تشوفوا غيرها كتير من غير تعب
لا لا جدع واقنعني
_هو كلامك حلو بس انا مش هطلع بلوشي
_والمطلوب؟
_بص بحالتك الكحيانه دي يا تجيب باكو مقفول ياتسيبلنا المزة والتوكتوك بمزاجك ياتسيبهم غصب عنك
رد بسرعه وقالهم
_انا معايا ٥٧٣ جنية بالظبط خدوهم وحلال عليكوا وعلينا
رد التاني بمنتهى البجاحه وقلة الادب شخصية حقيرة اقسم بالله
_ ياتجيب الباكو ع بعضو يا تسيب الحته دي والتوكتوك يلزموني
حسيت بيه كانه بيحسب حسابات كتير تايه ، قولتله بصوت واطي
_ انا معايا ٤٠٠ جنيه علفكره
رد وقالي
_هاتيهم
اداهم الفلوس وسط مفاوضات عجيبة عشان الكام جنيه الناقصين وبالعافيه سبونا نمشي كانهم سيبنلنا الزكاة بتاعت رمضان مثلا؟! حقيقي مشفتش بجاحة كده، فضلنا طول السكه حاسة اني تايهه مرعوبة خايفة والاسوء من كل ده ايدي بتترعش ، سمعته بيقولي بعصبية خفيفة
_ لا بقولك ايه فوقي كده الله يكرمك مش ناقص مصيبة كمان ويغم عليكي
معرفتش ارد عليه او أقول اي حاجه غير اني اعيط واقوله
_أنا اسفة
يمكن تهوري السبب في كل ده تصرفاتي اللى مبحسبهاش قلة اهتمامي وتركيزي يمكن لو كنت ركزت ع الاقل اني اشحن الفون مكنش كل ده حصل ، او يمكن لو مكنش هو شخص محترم كان سابني ليهم وريح دماغه أو الاسوء كان هو اللى ممكن يكون اسوء كابوس ليا
مرحمنيش من دماغي غير صوته وهو بيقولي
_أهدي أهدي ده نصيب كده كده بيكي أو من غيرك كان ممكن ده يحصلي بالعكس كان ممكن يموتوني لولا الفلوس اللى انتي دفعتيها
معرفتش اوقف عياط للاسف كل مبيتكلم ويحاول يهديني دا بيخلني احس بتانيب ضمير اكتر مانا لو اشحت كده محبش الا العياط والشحتفه
وصلنا للنصرانية وسالني على عنوان بيتنا صمم يوصلني وانا طول الطريق بعزف اشهر مقطوعه نكد للاستاذة عبلة كامل
_ طب هتبطلي ندب وعياط ولا هتفضلي تجعري كده لحد مايفتكروني خاطفك واتدبس ف مصيبة تانية
تجعير؟! أنا بجعر لا دانت ليلتك سوده
_ انا بجعر
_ اه بتجعري واقولك شكلك يقرف كمان وانتي بتعيطي هاا واقولك بصراحه كده انا مش طايقك اصلا
طلع بابا على صوتنا اول ماشوفته جريت عليه وفضلت اعيط ومن حظه الاسود ابويا فهم غلط وشك فيه ماهو منحوس بقى
_انت عملت ايه في بنتي
_ ياعم والله ماعملت لها حاجه دي من ساعه ما شوفتها والمصايب بتلاحقني
بصيت لبابا وحكيتله على كل اللى حصل ، لقيته بصله وقالوا
_يابني انا مش عارف اقولك اي ، انت اي حد مكانك كان ممكن يسيب بنتي وينجي نفسه
رد عليه بذوق واحترام وحلاوة وجمال ، عالي صوتك يامتخلفه عالي صوتك وافضحي نفسك
_حضرتك بنتك زي اختي وانا معملتش حاجه ربنا يطمنك عليها بعد اذنكوا
لقيت بابا طلع فلوس وادهاله وقال
_توشكر يابني
_دول لية؟!
_عشان الفلوس اللى دفعتها يعني وتعبك
_دا عوض؟! انا مبقبلش العوض يا استاذ
_يابني انا....
_حضرتك كده بتغلط فيا بعد اذنك انا مش هاخد اكتر من أجرة السكه بس غير كده مش هاخد حاجه
_طيب يابني عايز كام
_اللى تجيبه ياحج مش هختلف
_طب هي كانت هتديك كام
بصلي وضحك وبعدها دارى ضحكته جته القرف في حلاوته هو وضحكته وغمزته انا بركز في اي دلوقتي يحرقني
_احم خمسة جنية يابابا
_غوري على اوضتك يامسك جتها نيلة اللى عايزة خلف
_توشكر ياحج
_انصرفي يامسك
وعدا اليوم وافتكرت ان خلاص الحدوته خلصت على كده، حدوته سواق التوكتوك الوسيم اللى انا حتى معرفتش اسمه ، مكنتش اعرف أن دي البداية
_______
_يالهوي يامريم مش لاقيه الفون بتاعي
_ احسن تستاهلي عشان تبطلي ام الاهمال ده
_بت بت انتي قلبتي على امي كده ليه
_جتك مو انتي بجد متخلفه خلصتي شغل متاخر وانتي عارفه انكو ناقلين في مكان جديد لا وكمان مهنش عليكي تشحني الفون وزعلانه ان حصلك كده امبارح
_بت بت متصدعنيش بقى وبعدين والله اتعلمت خلاص
_طب حد عملك حاجه طيب
بصتلها وضحكت هتفضل هي هي مريم مش صحبتي وبس لا اختي وامي واكتر واحدة بتخاف عليا وبتفهمني رديت وقولت
_لا ياست محدش عبرني ولا اتغرغر بيا للاسف
مسكت مخده وحدفتني
_ياشيخه غوري بطموحك القذر ده.
لقيت بابا خبطت ودخل ومد ايده واداني الفون
_ ايه ده هو انا نسيته برا
بصلي وقالي
_لا يانايمه نسيته امبارح مع سليم وسليم كلمني الصبح وجابهولي
_هو سليم يحترم وكل حاجه بس لامؤاخذة سليم مين
_ سليم اللى وصلك امبارح طلع مهندس ميكانيكا
_نعم ؟! دا ازاي لا يابا اكيد بيشتغلك لو مهندس اي اللى يخليه يشتغل على توكتوك
_لا ياناصحه هو اصلا مقاليش حاجه هو صلحلي ماتور العربية اللى برا اللى حضرتك جبتي اجله ولما سالته قالي انو مهندس بس معرفش يتعين
_ياسلام افرض بيقول كده وخلاص
_تعرفي تسكتي يامسك اسكتي هاا علفكرة امك اقترحت اننا نخليه يوديكي ويجيبك من الشغل وانا وافقت هاا
عيلة ديكتاتورية اقسم بالله بقى دكتورة صيدلانية قمر زيي تروح الصيدلية في توكتوك، يالا توكتوك توكتوك
___
عدى شهر ورا شهر لحد مابقالي اربع شهور اعرف باشمهندس سليم او بمعنى اصح الاسطى سليم اتعرفت انا وماما على اخته الصغيرة ف اخر سنه فى كليه أعلام ومخطوبة و ولدته ، اكتشفت شخص تاني بالرغم انو مهندس ومعاه شهادة جامعية بس مقعدش على القهوة زي شباب كتير مستني يتعين بشهادته كان بيشتغل كل حاجه في سبيل انو يصرف على تعليم اخته وجوزها وعلاج امه بعد وفاة ابوه ، عرفت أنو بيحب الشاي اللى بقرنفل وبيتعب من القهوه، بيحب يسمع اغاني الست أم كلثوم ، كان بيشغلها دايما وهو جيبني او موديني شغلي ، بقيت اعمله شاي في مج حراري وادهوله وافرح وانا شايفه ابتسامته ليا على الشاي بس السؤال اللى حيراني فعلا أنا ليه بفرح وبركز في التفاصيل دي ، عقلي خايف يعترف بحاجه زي دي