🐺Unicode🐍
ဘေစင်က ရေစက်ကျသံ တတောက်တောက်ကလွဲ တိတ်ဆိတ်နေတဲ့ ရေချိုးခန်း။ လူနှစ်ယောက်လွတ်လွတ်လပ်လပ်ရေချိုးနိုင်လောက်အောင်ကျယ်ဝန်းတဲ့ bathtub ထဲ ရေစိမ်ရင်း ဘောင်ကိုခေါင်းမီပြီး သူ့ညာလက်သူပြန်ကြည့်နေတဲ့ရှောင်ကျန့်။ အကြည့်တို့က မှုန်မှိုင်းပြီး တစ်စုံတစ်ခုကို လွမ်းလွမ်းဆွေးဆွေးနဲ့ တွေးတောနေသလို။
ခဏအကြာမှာပဲ မှုန်မှိုင်းမှိုင်းအကြည့်တို့မှ ခပ်စူးစူးအကြည့်အဖြစ်ကိုပြောင်းလဲလို့ တည်တင်းခက်ထန်လာတဲ့ မျက်နှာနဲ့အတူ ရေမျက်နှာပြင်ကို ရိုက်ချလိုက်တဲ့အသံက တိတ်ဆိတ်နေတဲ့ရေချိုးခန်းထဲက တတောက်တောက်မြည်နေတဲ့ ရေစက်ကျသံကို ဖုံးလွှမ်းသွားခဲ့တယ်။ အသက်ရှူသံတို့က တဖြည်းဖြည်းမြန်ဆန်လို့ တစ်စုံတစ်ခုကို ဒေါသထွက်နေသလို တစ်ကိုယ်လုံးလည်း တဆတ်ဆတ်တုန်ယင်လာခဲ့တယ်။ ထို့နောက်မှာတော့ ရေချိုးခန်းအပြင်ဘက်က ကြားလိုက်ရတဲ့အသံကြောင့် ရှောင်ကျန့်လည်း ရေချိုးခန်းတံခါးရှိရာသာ အလိုမကျစွာ စူးစိုက်ကြည့်မိတယ်။
"သခင်လေးရှောင်။ မနက်စာအဆင်သင့်ဖြစ်ပါပြီ။ သခင်ကြီးနဲ့သခင်မကြီးက သခင်လေးရှောင်ကို ရေချိုးပြီးရင် အမြန်လာခဲ့ပါတဲ့။"
အခန်းအပြင်က အိမ်စေလေးရဲ့စကားအဆုံး ရှောင်ကျန့်ရဲ့မျက်နှာဟာ အစောပိုင်းက ဒေါသထွက်နေခဲ့တာ သူမဟုတ်တဲ့အတိုင်း ရုတ်ချည်းပြောင်းလဲလို့ အိမ်စေလေးကို ချိုချိုသာသာပြန်ဖြေလိုက်တယ်။
"ကောင်းပါပြီ။ ကျွန်တော်လာခဲ့မယ်လို့ ပါးပါးနဲ့မားမားကို ပြောလိုက်နော်။"
"ကောင်းပါပြီသခင်လေး။"
အိမ်စေထွက်သွားတဲ့နာက် ရှောင်ကျန့်လည်း ရေပန်းအောက်ကိုဝင် ရေထပ်ချိုးပြီး တက္ကသိုလ်သွားဖို့ရာ ဝတ်စုံပြည့်ဝတ်ဆင်လို့ အောက်ထပ်ကို ဆင်းလာခဲ့လိုက်တယ်။ အောက်ထပ်က ထမင်းစားခန်းထဲမှာတော့ ရှောင်ပါးပါးနဲ့ရှောင်မားမားက ရှောင်ကျန့်အလာကိုစောင့်ရင်း စကားလက်ဆုံကျနေကြတယ်။ ရှောင်ကျန့်က ပြုံးပြုံးရွှင်ရွှင်နဲ့ ခုန်ပေါက်လာပြီးထိုင်ခုံမှာ ပေါ့ပေါ့ပါးပါးဝင်ထိုင်လိုက်တော့ ရှောင်ပါးပါးက မျက်မှောင်ကြုတ်ပြီး လှည့်ကြည့်တယ်။
YOU ARE READING
PSYCHO FRIEND (Season-2)
Mystery / Thriller🐺Unicode🐍 အိပ်မက်လေလား...တကယ်လေလား... #Monster Start Date: 23.6.2021 End Date: ... 🐺Zawgyi🐍 အိပ္မက္ေလလား...တကယ္ေလလား... #Monster Start Date: 23.6.2021 End Date: ...
