FDA 3: SPELL LOVE - COMPLETE

Kabanata 29

"AW," napangiwi siya nang tumaob na naman ang banana boat na sinasakyan nila Juan, Simon, at James.

Mga apat na beses na yatang tumaob. This time mas malapit na sa shore. Tawang-tawa siya pagkatapos nang mag-try sumampa si James e tinulak ito ni Simon. Iginanti naman ni Juan si James at itinulak si Simon.

"Juaaan!" sigaw pa ni Simon. Nahuli naman ito ni James kaya hinila ito palayo sa banana boat gamit ng suot nitong lifevest. "Langyaaaa!"

"Hahaha!"

"Lunurin n'yo 'yan para magising sa katotohanan!" sigaw rin ni Maha.

"Hoy, Akuma! Shut up!"

"Bleeeh! Oppa Juan, one point! Simon the loser, zero!"

"Youuu - Haymeeeee!"

Nilunod na talaga ni James si Simon.

Si Maha sakay ng jetski na siyang humihila sa banana boat na sakto lang talaga sa lima. Nakatali sa mukha ang suot na salakot habang nag-vi-video sa tatlo. She has still her sungglasses on. Simpleng one piece bikini ang suot nito na sinuotan nito ng denim shorts. Mas malakas ang loob nito dahil may lifevest kahit 'di masyado marunong lumangoy.

Pagbaling niya sa kaliwa niya ay patapos na si Balti sa ginagawang sand castle. Medyo malayo ito sa kanya. Nakikipaglaro roon sa batang lalaki at babae na magkapatid yata. Ang laki ng ngiti habang inaalis ang baso-baso para mapatayo ang isang tore.

"Yes!" anito saka nakapag apir sa dalawang bata. "O, dalawang tore na 'yan ah."

"More! More! More!"

"Naku!" Balti chuckled. "Kayo naman. Paano kayo matututo kung 'di n'yo susubukan? Halika, turuan ko kayo. Ganito lang." Hayan, nagturo na nga si Sir Balti paano gumawa ng sand castle sa dalawa. "Ingat lang sa pag-alis ng baso." Inalalayan nito ang kamay ng batang babae. The other kid was observing them. "Very good, gentle, almost there."

'Yong pareho kayong 'di marunong lumangoy pero naisipan n'yong mag-beach? Hanggang mababaw lang tuloy silang dalawa ni Balti kanina. Kung sana malakas loob nila kagaya ni Maharlika. Kinunan niya ng stolen pictures si Balti. Iba talaga ngiti ng 'sang 'to kapag kasama ang mga bata.

He would really make a good father.

Nakagat niya ang ibabang labi.

Biglang naging mukha ng mga anak nila ang dalawang batang kalaro nito. Kung paano nangyari 'yon? Naggagala na naman imagination niya. Hay naku, Niña!

"Anong iniisip mo, ha?"

She was snapped out from her own fantasy nang maupo sa tabi niya si Balti. Wait! Kanina pa ba siyang nakatulala sa kawalan?

"H - Ha?"

"Ha?" he chuckled. "Ham, Ma'am?"

Natawa siya. "Loko!"

"You were looking at me earlier then you were suddenly lost in your thoughts. I got curious. This will live in my head rent-free kapag 'di ko malalaman ang sagot."

"Alam mo napaka-chismoso mo talaga," tawa pa niya ulit dito.

He smirked. "I know."

"Manghihina ka yata kapag 'di nakasagap ng balita."

Humagalpak ito ng tawa. "Don't change the topic, Ninin. C'mon, spill it out."

She paused for a little while and smiled at him. His eyes were full of anticipation similar to the curious eyes of a little child - full of wonders and excitement.

"Naisip ko lang bigla -"

"Ang ano?"

"That you would be a great father to your future kids."