عنفوانك وقلبي💔

البارت الأول

فاطمة العامري ✍️

مشهد -

جان يمننه خطار اجه من يم الزلم حته يسلم عليهم اباوعله شلون يضحك ويسولف بكل ثقه وصوته الجهوري وحجيه الموزون ويفر بسبحته وكاعده كدامه خالته وبته وخواته المزوجات جانن جايات والكل كاعد واني اصب جاي
قدمت الجاي لخالته كالت يمه فدوه لعينج
حته جايج يخبل اشكر ومهيله والغده اليوم من ايدج مضكت اطيب منه بتسمت وكتله بالعافيه باوعت خالته عليه وكلتله

خاله هنيالك عله هل مره هم جمال هم نداره هم اخلاق بالعافيه عليك يمه يوم عيد الكه لوليدي مره مثلهه

هو باوعلي وصغر عيونه نوب باوع لخالته وبتسم وكال

تلكين تلين انشاء الله وين رايحه النسوان ويفر بسبحته وكمل السالفه ويه اهله اباوعله وگلبي يفرفح شوكت يشوفني بگلبه
مو بعينه احسه عادي تعامله وياي صح مامقصر وياي ويخاف عليه ومايوم طلبت شي وماجابه بس ماشوف الحب بعيونه مااحسه يحبني مثل مااحبه واموت عليه يحجي ويشاقه ويه بت خالته واني گلبي ماكلته الغيره رحت للمطبخ اكمل غسل الماعين شتميت عطره عرفت اجه للمطبخ تقرب عليه وخله الستكاين وكال

راح اروح للأ ستقبال يم الزلم صبوا بعد جاي ودكي الباب ولطلعين لطارمه ابد

هزيت راسي واباوعله ودايخه بي خاصتنآ
من يفتر بالبيت او يشتغل مادري ليش احبه
اكثر اتمنه يشاقيني او يتحارش بيه بحب مو بس بالغرفه لان بالغرفه احس يريدني بغير دافع فأضل اتمنه قربه هو ماكو اثكل منه خارج الغرفه يتغير ميه وثمانين درجه

مشهد 2

جان عصبي ويصيح اني بعد ماتحمل گلبي خلص كتله بعصبيه

كافي عاد تعبت الى متى ابقه اني بنظرك مربيه لجهالك وخدامه بيت اهلك كافي عاد
ارحمني تعبت

ليش شمقصر وياج عفتكم يوم بلا اكل طلبتوا شي مني ماوفرته جبت عليج مره
شتمتج طرتج ضربتج شنو تعبتي سنة الحياه هاي كل مره واجبه تهتم بيتهه وجهاله ورجله شنو الجديد بالموضوع

اي صح كلامك بس الاهتمام مو بس بالماده
انته دائمآ عصبي ومتتفاهم وحابسني بالبيت لا طلعه لا دوام حته لاهلي كوه اروح
وو حته وكمت ابجي بألم

ماكدر احجي كل الي بكلبي يشوف الزواج تعامل جدي وقوانين لازم نطبقه ونفذه بدون مناقشه او رأي

اني حنان راح احجيلكم قصتي بحلوه ومره
اتمنه اكون خفيفة ضل وتستفادون من اخطائي وتتعضون منه وتكون حياتكم حلوه وسعيده
اعيش ويه عائلتي بشكل عادي كأي عائله طبيعيه جبيره ماراح احجيلكم أسمائهم وأعماراهم وأدوخكم بالتفاصيل بس الي يجي بالقصه من اخواني او خواتي اذكره المهم اني وسط اخواني خواتي ابويه عسكري وبسبب وضيفته طلع من منطقته الي هيه الفرات الأوسط والعشائر والكرايب لبغداد هو وحيد اهله وثنين بنات يعني عماتي فاخذ جدي وبيبي ويا لبغداد وشتره بيت بسيط على كدهم وعماتي مزواجات وخلال هاي الفتره من يروح لدوامه ويرجع باجازته جان يشوف بت جيرانهم الي هيه امي فعجبته حيل طبعا ابويه كم مره حجانه قصة زواجه من امي وقصتهم الغراميه مع انو احنه تربينه محافظه ومحد يحجي بقضايه حب وماحب بس هو يحجيهه برحابت صدر ومبتسم المهم هوجان دائما يوكف بالباب ويشوفه من تروح تسوك لاهلهه لان هيه ماعده اخو بس اخت اصغر منه يريد يحاجيه وهيه كلش ثكيله ومتنطي مجال لذالك زاد تعلقه بيه وخطبه وصارت القسمه امي عايشه ويه ابوهه رجال جبير بالعمر وامه. ومرة ابوهه الي هيه متخلف وهيه جابتله مره وزجتة من امي على كبر وصارت امي وخالتي بس
يعني ابوي ماعنده اخوان بس ثنين خوات وامي هم ماعده اخوان بس اخت وحده فاني ماعندي لا عم ولاخال وامي وابوي طلعوا الفرق وخلفو عشيره
المهم عماتي عدهم ولد وبنات بس بعدين علينه يعني بس نسمع اخبرهم وخالتي هم عدهه عشيره مثل امي يحبن يخلفن لان جانن محرومات من الأخوه والاخوات وعلاقتنه بيهم طبيعيه بس خالتي تجيني وامي تروح لهم
من تزوج ابوي وستقر وصار عنده ثنين جهال رجع لمنطقته وستقر بيه بأحده محافظات الوسط

راح احجيلكم عن حياتي بأختصار من جنت ضغيره صارت حرب التسعين ويه الكويت جنت صغيره وخالتي منطقتهم صارت بيهه الوضع خطر فاجوا يمنه كلهم ولد خالتي 5وبناتهم 7 الولد فاتعرفنه عليهم اكثر بذالك الوكت
وجان واحد من ولد خالتي عينه عليه جنه كلنه نلعب إخوانه الي بعمرنه مو الكبار بس هو يوكف يبوع من بعيد يضوجني تصرفات شبي ميجي يلعب بس يباوع بقوا يمنه اسبوعين طول هاي الفتره الدنيا مشتعله واحنه الجهال عدنه احله ايام لا دوام لا مدارس الكل بالبيت بس لعب واكل ونشوف اهلنه مخبوصين بس احنه مو يمنه جانت من تصير صافرت الانذار نكوم نكمز ونضحك بس اول مره خفنه من شفنه اهلي خافوا لان شي جديد حته اذكر خالتي كامت طلع بقناني الغاز طلعهن بر دربي بيهن عله السريع وتصيح وخروا راح ينفجرن واحنه مندري شنو السالفه
ههههههه من اذكر الموقف اموت ضحك يعني صافرت الانذار شلهه علاقه بالقناني الغاز جانت ناس فقره
كلشي تصدك واذكر كضيناهه عله تمن عدس
وهمزين جان عدنه هوايه تمر من البستان كواني صار التمر حلويات بذاك الوكت
بس شنو هو اكل بسيط بس طعمه يجنن
لسه طعمه اذكره شكد اطبخ واهتم بس احس مو مثل اكل امي وخاصتآ المه والجهال تستبق عالاكل يصير يخبل

راحت الايام ورجعوا بيت خالتي لبيتهم
خلي احجلكم عن طبعي ومواصفاتي اني كلش حركه واحب اللعب واشاقه ودلوعت اهلي واسوي مشاكل ويه اخواني ماكعد راحه امي دائما ترزلني
شكلي حنطويه مملوحه عيوني كبار سود جذابه حواجبي ثخان وجهي بيضوي وشعري طويل واسود كلش حب شعري ومهتمه بي ياهو الي شوفني يكول جنج هنديه وناس تكول تنكطين ملح جنت احس نفسي محبوبه بين الناس وين مااروح ناس تبتسملي وجرون خدودي ويكولون تخبلين فاهذا الشي زادني ثقه بنفسي احس روحي مميزه بس ابد مو مغروره واحب كل الناس واثق بيهم وعندي برائه بتصرفاتي وعفويه المهم
جنت بدايتي موكلش شاطره هههه اصلا مو بس بدايتي حته نهايتي كضيتهه بالدفعات بس دائما اصير المراقبه واروح وارجع على الاداره واكتب اسماء والغياب وفعاليات ونشاطات الصف كلهه عليه وهيج شغلات حته افلت من الدروس
واحب الرسم بشكل واحب التلفزيون ونهار كله اتعارك ويه اخواني عليه واحب الأفلام الرومانسيه كلش وخاصتا العربيه القديمه واكثر شي افلام عبد الحليم حافظ اويلي اكثر فلم حبيته (يوم من عمري) ومن جنت صغيره احب القصص بس جان ماكو لا نت ولا هاي القصص الحلوه همزين ماكو هو اني بلا قصص جنت حالمه واحلم بفارس الأحلام نوب اقره قصص هههههه جان نحرفت 😅

فنجحت من سادس الابتدائي بعجوبه لان جنت مااقره ابد ولسه اذكر رحت استلم الشهاده وميته خوف وأهلي يهددون بيه اذا رسبتي نبطلج واتخبل
فالحمد لله نجحت واجيت اركض من المدرسه للبيت الي يشوفني يكول طالع أوله على العراق 😂
وجنت ستوني لابس ربطه يعني بس حجاب لاجبه ولا عبايه
فمرت الايام والشهر عادي بالعطله ارسم العب اتفرج وقليل اشتغل بالبيت لان خواتي اكبر مني شيلات البيت بس امي دئما تحب تصخرني علمود مااصير فاهيه وأتكاسل حته تعلمني
فصرت اول متوسط وبلشت قصتي ويه اول حب انتظروني ويه البارت الثاني