عنفوانك وقلبي💔

البارت الثالث

فاطمه العامري ✍️

فبيوم رحت لزهراء وسلمت عليهه وبكلبي كومه حجي ودلي اسألهه عليه واعرف كلشي عنه وتفاصيله بس استحي
فضلينه نسولف ونفتر بساحة المدرسه فاني كمت احجي عن اهلي واخواني وخواتي وكلشي يتعلق بيه وهيه هم تحجي واني كلي اذان صاغيه
فكالت احنه اربعه ثنين ولد وثنين بنات
اخويه الجبير وسام مزوج وعنده بنيه
والثاني اني بلعت ريكي
كالت علي
اني اي كملي
كالت بالاعداديه واختي متوسط ويانه
كتلهه يا بمدرستنه
اي
لعد ماشايفته
إنشاء الله اعرفج عليه
اممم يله امشي راويني اختج
لا عفيه مو هسه راح يدك الجرس
ماشي يله امشي
فبنفس اليوم ودتني على أخته وصلنه لصفهه جانت باب الصف ستوهه تريد تطلع
زهراء- اعرفج اختي زينه وهاي صديقتي حنان
اني صراحه صفنت تخبل بكلبي هاي عائله كلهه حلوه طلعت ماشاء الله سلمت عليه عيونه خضر وشكره تخبل بعد احله من زهراء

وهاي الفتره قوت علاقتي كلش بزهراء وحبيته مو لان اخت علي اطلاقا بس حسيته قريبه عليه مثل صديقاتي نبأ والاء

بقينه سوه كلنه بالكروب ومشت الايام
دراسه وتحضير و واجبات
واني مجلبه بحبال ذايبه وبيوم الي ماشوفه مو من عمري اضل كلبي مكروب وانتظر وادعي بلكي اشوفه ومشت الايام واني ضامه بكلبي ومااحجي ومرات اسمع البنات يجن الزهراء ويسالنه عن علي َكلش اضوج وهيه تصيح عليهن وتكلهن

متستحن تتحرش بالولد وهن

اوووي شدعوه عيني وين متحرشين بس نسالج عليه هو يضحك ويانه ويباوع علينه

والله انتن وكحات ولازكاتله وجرتني وعافتهن كتلهه
شنو الموضوع؟

يمعوده موتني كلسا وحده جايه تسأل عله علي اخويه

ليش شلون يعني وين شافنه؟ وكلبي يفور

مو فتح محل موطه وهنه بالطلعه يرحلهه ويجلبن سوالف وضحك

صددك وين محله

كالت هو بمنطقتنه

امممم زين شمدريج ماهو مطيهن مجال

يمعوده هو ولد ويشوف البنات يشاقن ويا يسكت لو يكلب خلقته اكيد يجاوب وياهن

اممم 😒

شبيج

ماكو شي يله امشي تاخرنه على الدرس
كلش ضجت من سمعت هذا الحجي
يبو لعد اني ماحب اله هذا إلى كل البنات تباوع عليه وتحبه خرب حضي يعني ماشفتلي واحد عادي اقلها اكو امل بس شسوي بكلبي
وضليتت مهمومه واحس هو كلش بعيد
بعد النجوم بس ابقه اباوع عليه كلش كافي
وره اسبوعين جنت بالسوك الي بمنطقتنه اني واختي وامي نشتري كم شغله وكلبي دك هذا الشعور اعرفه حطيت ايدي على كلبي
دائما قبل لا اشوفه احس بوجوده وفعلا اشوفه
فأنتبني نفس الشعور يعني راح اشوفه معقوله ضليت امشي و عيوني دور بكل مكان واللى

اشوفهه واكف بمحله ويشتغل بالمحل
واكو يمه شخص يشتري وهو يتحرك بالمحل واني جمدت بمكاني اختي جرتني يله امشي
اي يله وعيني تربى عليه
الله اريد اروح اشتري موطه
اختي جنان امشي موكتهه
كتله ها شكو
مو وكلتي اريد مووطه
ها ..لا ماريد
بعد احسن
مشينه وگلبي يمه واتمنه اروح اشتري واحاجي
ثاني يوم رحت للمدرسه وماشفته
حرمات يمكن تعاكبنه اوووف ياربي شهل ضيم ياريت ماشفته بيوم
مرت الايام يوم اشوفه ويوم لا وبس عيوني تحجي
ودائما قبل لا انام اكعد اتخيل شلون احاجي وشلون يجوبني واني غركانه بأحلام اليقضه ومرات ارتب بالي قصص أغرب من الخيال ماعرف خبال لو اصبر نفسي بهاي السوالف هههههههه
لسه اذكر جم موقف منهن راح اسولفلكم بس لتضحكون عليه ماادري بس اني هيج اتخيل لو كل البنات من تحب تتخبل ههه

جنه نام بالسطح وجان الجو داخل على الشته صارلنه شهرين تلاث على الدوام يعني بدايه الهدعش
فقبل لا انام ماكو بالي غيره وابدي اتخيل
مره تخيلت اني رايحه لمدرسه وانتظر اشوفه وامشي سريع لان طالعه متأخره بس أريد اعبر الشارع حته الحك ومنتعاكب فعبرت على السريع وجان تجي سياره خطف اله شويه جان نسحكت ومن كد سرعته ومن الهوه وكعت واسمع صوووت
الله الله علكيفج وايد لزمت ايدي تكومني واني شلت عيني واشوفه فارس الأحلام واني صافنه عليه كلي هيام يكومني واحس الرجفه من الهبطه لو منه
يكلي خو ما تأذتي
وكلبي يدك حييل وكمت انفض بملابسي ومرتبك لا مبيه شي وماكدر ابوعله
من الخجل وكلسى اعيد القطه بالي

نوب أصح على روحي واني مبتسمه وابوع على النجوم وجنت خاله نجمه بأسمه تصير بنص السمه وتضوي اطوخ النجوم

اجر نفسس اوووف ياربي هم يجي يوم وانسحك بالسياره قصدي اريد انسحك ويكومني

و وهوايه رويات سويت بدماغي يوميه قصه لو احجيلككم تكلون مجنونه رسمي

بس صار عندي ادمان قبل لا انام افكر بي حته دراستي صارت ضعيفه هو اني اصلا مو شاطره فكوه مدبرته
بس احاوله اسيطر واقره علمود بس نجاح لا درجات ولا شي اختي كامت تنتبه عليه اصفن ودائمآ تسألني شبيج اكله ماكو شي

اكعد اقره مرات ادرس خواتي الي بالأبتدائيه
وبعدين اروح اكعد بالمرجوحه لو اخابر صديقاتي لو نضل نسولف اني وخواتي
الى ان نام