سلام عليكم
مر هذا الاسبوع مثل الحلم كتشفت شي بي جديد حنيته وعطفه وخوفه الي زيد مينقص
حب لعائلة بالدرجه الاولى بس ميضهر مشاعره بداخل حرص وخوف ومسؤليه بس بالضاهر عصبي ومتزمت يحاول يكون مسيطر عله روحه بعض الشي واني راح ابقه ويا ويا الى ان اضهر كمية المشاعر والمكبوته داخله حته لو يطول
خلص الاسبوه ركض ماعرف ليش الايام الحلوه تركض واجت عمتي وطلعتهن من خشمي ماعجبه العجب تمشي وتصيح ليش هيج البيت عبالك خالين بي مفخخه
رغم قبل بيوم زلغته زلغ بس اعرف طبعه هذا
بديت اتعب منه و صابره وساكته ومن يجي تضل تشكيله والبيت كله يتكرهب
لأهلي كوه اروح الزياره حصره عليه الجهال وهوستهم وتعبهم وشغل البيت
خلصت هاي الايام والاشهر بصعوبه وجر وعر دائمآ انام مقهوره وهو يتأفأف يريد اقبل بكلشي واضحك وابدل عادي
صارت احداث 2003 والوضع تغير بعد ميطلع لان حرب وقتل وطائفيه وامريكا ترست الشوارع وحكومه مؤقت والناس بين فرحانه وبين خايفه عمي جان حكيم بافعاله ومو متهور ودارس بالدين ومتعمق بي جان دارس عن وضع العراق عن لسان اهل البيت كال
لتفرحون الوضع راح يخرب وراح يصير هرج ومرج والقتل بالشوراع من سوء الى اسوء وراح يجي يوم تتندمون راح صدام مع انو هو يموت من صدام ومن نظام الدكتوري الظالم بوكته ستغربنه وماصدكنه لان جنه مكيفين خلصنه من هذا النظام بس هو جان يكول لتفرحون اجتكم امريكا
راح حزب واحد راح تصير احزاب ونصير بين الرجلين وامريكا
من كثر القتل الناس كامت تخاف تطلع وره مده دخلت الستلايتات
اهلي خلوا وجيرانه هم خلوا واحنه تغيرت القنوات نفتحت اذاعات ارضيه يعني عله الاريل محليه واني متحمسه واسال عله الستلايات
واسمع يكولن مئات القنوات واكو بس مسلسلات اكو بس افلام فكمت اكله شوكت نشتري بس يكلي الله كريم هو من النوع الي ميستعجل ابد اله يفكر ويخطط ياله
مره عزمونه جيرانه عله قرايه ورحنه
من رجعنه جان فوك بالسطح يشتغل من اجينه نزل كتله شنو فوك بتسم كال جبت ستلايت صعدت اركض مكيفه وهو صعد بثكل ورايه شفته صحن جبير متحمس اطفر كدامه شوكت شغله
يباوعلي ويضحك والج ثكلي يباوع عله السطوح خاف واحد صاعد بالسطح
بعدني بحجابي وهو يخاف احد يشوفني كتله
عفيه اليوم يشتغل
كولي انشاء الله
هههه انشاء الله
شدعوه هلكد فرحانه
اي لان ضوجه شسوي لعد
اممم هز راسه ويشتغل يمد بالواير نوب كال مو اليوم يشتغل
ها شوكت لعد
بابه خلي اجيب شاشه ويجي الرجال باجر ينصبه
هزيت راسي اجيبلك جاي
ياريت رحت ركض صعدتلله الجاي جان يشرب بالجكاره والجو بده يضلم لازم البلكون
بأيد ويشرب بجكارته بأيد باوعلي من اجيت اخذ الجاي ويباوع عالشارع من ياخذ نفس من الجكاره يصغر عيونه ويجر وينفخ ليفوك واني بس اباوعله باوعلي بتسم
كتله ضايج لان مجاي تطلع ويه اصدقائك
شرب جاي وكال
خو انتي مكيفه خلصتي من طلعاتي
لا مو هيج بس اذا اشوفك ضايج هم اضوج
خلي يجون يمك بالحديقه
أنت تقرأ
عنفوانك وقلبي💔
General Fictionتسلطك عنفوانك جبروتك تمنعك ان تشعر بي وتبعدك عني اكثر اروجك كن لي دواء لانك مرضي كن لي وطن فأنته امني كن لي طبيبي لانك جرحتني كن لي صديق لانك صادق وصريح حد التجريح كن لي سند لاني بغيرك اضيع 💔💔
