عنفوانك وقلبي💔

١٤

سلام الله عليكم ورحمه وبركاتهه

فاطمة العامري ✍️

بهاي الفتره بعدني مستغربه البيت وبعدني محرجه منهم وكلش متقيدده بتصرفاتي
  حته مااشاقه ويه احد ولا ويه طفل  اخاف احجيلي حجايه وميتقبلوهه بعدني ماعرف طبعهم
بس اجوب على كد السؤال وببتسامه رحت للمطبخ مخبوصين وكفت ويه البنات ماعرف شسسوي سألت مروه مرت اخو شنو اساعدكم كالت طلعي الماعين واشرتلي
طلعتهن وضليت واكف هيه بدت تحاجيني وتصخرني حته تكسر الحاجز كملنه صب كالت الحجيه يمه فرشوا السفره بالصاله

فرشوهه الولد الصغار جان يجي محمود كال

وين السفره افرشه بالهول للزلم 

جوبته امه ليش ماكو غريب بس نسابتنه

لا يمه خلييه البنات ياخذون راحتهم اخذ السفره وطلع هيه للتفتت عليه ببخزره

بله اني شعليه بله   ضلينه نصب ونودي الماعين للولد يساعدونه وهو هم يجي ياخذ لابس الكلبيته تاكل وتشرب عليه ويشتغل بهممه ويوجهه وصوته الخشن ويحجي بثثكل ويعلم بيهم اني عيني بس على حركاته شلون يركضون جوه اييده كلهه تخاف منه وتحترمه

خلصنه صبيينه النه بالصاله وكعدنه نسولف
كالت يمه حطي القوري على النار اريد اكوم
مروه لزمت ايديي  كالت كعدي خيه كملي اكلج انيي اكوم كامت
كوه اكل احس روحي غريبه بيهم ومستحيه
خلصنه غسسلت الماعين وهنه ساعدني رتبت المطبخ اسمع يسولفون بالصاله ويضحكون

هو كاعد يم امه واخو فراس ويسولف وياهم علكيف والبنات هم يسسولفن مريت من يمهم سلمت على اخو سلم عليه بثكل وماشال راسه وصعدت كعددت بالغرفه صافنه حان ماكو تلفزيون

الطابق  بالطابق الفوك جبير وبي غرفتين وصاله وصصحيات رحت للغرفه الي بيه مكتبه وكتب واثاث محد مستعمله ضليت اكلب بالكتب اكثره علميه وتاريخيه كومه كتب وقصص وشكال كتب

اخذت كتاب وفتحته واكلب بيي إلى ان نعسست ورحت نمت

ثاني يوم كعدت على صوت طكطكه بالغرفه هو كاعد يرييد يبدل

صباااح الخير
صباح الخير

راح تطلع

اي انشاء الله اطلع على باب الله بعد

كتله لليش بعد وكت

هههه خلص العرس سسبع تيام لازم اطلع لشغليي لرزق

كمت رحت للحمام غسلت رجعت اعدل الفراش صصار ورايه لزمني من خصري كال البارحه نمتي من وكت
اممم نعست وانت تأخرت
شوكت تغسلين تره طولتيهه
هههه انشاء الله اليوم
يالله فرجت ههه حضري روحج اليوم اكلج وضل يهمس يم ااذني نوب كال يله سوييلي رييوك

هههه ماشي حبيبي

نزلت لبست روب وخلييت حجاب على راسي

صباح الخير
كاعد عمي وعمتي ييتريكون
صباح الخير
عميي كاال هله عمي صباح العافيه