فاطمة العامري ✍️
الووووو الووووو
مو كلنه الووووو
ليش متحجون؟
اني كلبي صار طبل والحراره تطلع من اذني وماريد اسده وماكدر اجوب او اكله اريد زهراء بس اريد يبقه يحجي واسمع صوته
بس كال
اذا متحجون اسد وسد
واني بقيت حاطه السماعه على صدري ومتوتره وسديت السماعه وأخذت نفس ورحت كملت دروسي
وكلما يمر وقت واشتاقله اروح اتصل وحفظت رقمهم على الغيب اذا شالوا التلفون واحد غيره اكول اريد زهراء وضل احجي وياهه واذا هو أبقه يابسه وساكته ومااحجي واتمنه يبقه يسولف واسمعه
ومره من المرات رحت اتصل التلفون ابو الفر القديم وحاطي بالكلدور علمود الهدوئ والي يحجي براحته المهم كلبي يلزمني من ادك احس من هو راح يشيل وتقريبا عرفت الوقت الي هو موجود بي الضهر بالثنتين لتلاثه والجو بارد وأهلي نايمين كله جايه من الدوام وتعبانه
دك التلفون وكلبي ويه دكت التلفون يدك سريع شاله وكال
الوووووو
الووووووو
وسكت نوب كال طبعا عرفت راح تتصلون وتسكتون يعني اني مخبل احجي وحدي
اني بكلبي اجوب لا حشاك اني المخبله والله
تنهد وكال زين منو تردون ؟ وسكت
نوب كال
تتصلون عليه اني لو لا ؟
زين اني راح اسأل اذا اي دكو مره وحده على السماعه واذا لا مرتين
اني مبتسمه وفرحت راح يبقه مده أطول بددون ماحجي بس شنو كوه اجر النفس خاله ايدي عله السماعه
فكال تعرفوني اني منو؟
دكيت مره وحده وايدي ترجف
كال يالله اكو اجابه وضحك يعني تسمعون
أوووولي فددوه لضحكتك بكلبي
كال زين اني المعنى بهذا الاتصال؟
دكيت مره وحده
تنهد وكال لعد ليش متحجين
ماجوبت
كال تستحين تحجين
دكيت مره وحده
ضحك انتي بنيه مو
دكيت مره وحده
كال زين شتردين مني
ماجوبت
كال يعني ابقه احجي وحدي وانتي ساكته
دكيت مرتين
ضحك كال يعني اكو امل تحجين يعني
دكيت
كال خير انشاء الله هسه تردين شي لو اروح دكيت مرتين
كال ماشي اني راح اروح بس المره الجايه اذا ماحجيتي ماارد بعد واسده
دكيت
كال ياله مع السلامة
وسده واني طايره من الفرح يحجي وياي وبكل هدوئ وصوته يخبل يدوخ اصلا ضليت طول اليوم فرحانه حته اخواني الصغار وخواتي ابوس بيهم وأصخر للكل وحبابه صرت حته غسلت الماعين ههههههههه
ثاني يوم ونفس الوكت رحت بس اخاف اتصل لان ماكدر احجي ادري بروحي جبانه
كلت بس اسمع صوته دكيت
وخايفه وفرحه على توتر وكلشي وكلاشي
دك مرتين شاله يمه بعدني ما ماخذه نفس معقوله منتظر
كال الووووو من يكول الووو اتخربط وبطني مدري شيصير بيه مثل المغص وكلبي اتخربط كوه اتنفس
كال الووووو
نوب كال بس علكيفج اخذي نفس
وهدئي
عزه هذا شمدري يمكن من صوت نفسي عضيت شفتي وخليت ايدي على الحاكيه
كال اليوم مانويه تحجين وحت نفسج سدتي شلون بله راح تختنكين يمعوده وبتلي بيج
وخرت ايد من الحاكيه وضحكت بدون صوت ولزمت راسي ودنكت واحس الحراره صارت 50
كال اعتقد ضحكتي وخاله ايدج على راسج وخجلتي
اني راسن شهكت وفاتحه عيوني صدك نصدمت وخفت
ضحك كال مو بله
دكيت
ضحك كال بعد متفيد مال دكين لو تحجين لو اسده
دكيت مرتين
كال لعد شسوي
سكتت
اخذ نفس وكال شوفي يابنت الناس مبين عليج بنيه عاقله وتستحين تحجين وياي واني مقدر هذا الشي وحاس بي
وشوكت متردين تحجين اني موجود يله اروح اني وسد
اخ اخذت نفس ورتاحيت وضليت افكر اني شدا اسوي مرات اضوج من روحي ومرات اطير لسمه
المهم مرت ايام ودوام دراسه واشوف البنات وعلاقتي ويه زهراء قويه ونسولف ومن جيب طاري اهله انتظر تحجي عنه اتمنه تسولفلي كلشي عنه وفتره الي كضيته وياهه صارت صداقتي قويه بيه وطلعنه من المدرسه والجو بده يحمه وعطشانين كالت
تعالي شربي مي من يمنه اني خترعت كتلهه لا عيني
كالت شبيج هذا بيتنه وانت بيتكم بعيد تعالي بس شربي مي كتله لا مااكدر
ورجعت للبيت بس افكر وكنو رجعتني من جديد وشتاقتله وحسيت على روحي اني يم التلفون ودكيت وخايفه وشاله
وكال الووووو
سكتت كال شعجب ليش صارلج هوايه مادكيتي لان متردين تحجين
دكيت
كال لعد ليش اتصلتي
سكتت كال
ماشي لعد اذا متردين تحجين اني هم ماريد
اححي بعد
اني رأسآ كلت لا لتسده بدون ماحس عالروحي وخليت ايدي عله حلكي وخايفه
كال وأخيرا نطقتي يالله زين انت بيا صف
خفت اكله خاف يعرفني كتله
ماكدر اكول
زين شسمج
كتله ماريد اطيك اسم غير اسمي ولا اكدر اكول اسمي
زين وين تعرفيني
اشوفك دائما بطريق المدرسه
امممم زين تعرفين اسمي
اي اعرفه (علي)
زين شلون عرفتي رقمي
سكتت
شكد عمرج
14
بعدج صغيره
يعني
شنو يعني وضحك
هم جايتني للمحل
خفت اجوب خاف يعرفني ولو صارلي كلش هوايه ومره وحده
يصير مااجوب
لا ميصير
ضحكت
يعني جايتني
دكيت على السماعه
لا دخيلج ماعولت حجيتي ترجعين دكين
ضحكنه كتله يله اروح اني
كال مليتي
كتله لا بس حتريت
ضحك كال لان جاي تحجين وياي حتريتي
بكلبي كلت شكد مغرور نوب حتريت وتوتر بالزايد وسكتت
ماشي على راحتج
باي
باي
اووووولي متتت عركت واعصابي كوه لازمته وبطني تمغصني مادري شنو من شعور غثيان اول مره احجي ويه ولد
واجه اليوم الي قررت احجي ويه زهراء
أنت تقرأ
عنفوانك وقلبي💔
General Fictionتسلطك عنفوانك جبروتك تمنعك ان تشعر بي وتبعدك عني اكثر اروجك كن لي دواء لانك مرضي كن لي وطن فأنته امني كن لي طبيبي لانك جرحتني كن لي صديق لانك صادق وصريح حد التجريح كن لي سند لاني بغيرك اضيع 💔💔
