عنفوانك وقلبي💔

٢١

سلام الله عليكم

ستسلمت الامر الواقع وفشلت كل محاولاتي
ورضيت بالامر الواقع وقتنعت بعيشتي
انو اعيش بسلام وأمان ماريد شي بعد
هذا طبعا اهم شي صاينه وخايف الله بينه
كلش كافي لازم اصير مثل ميريد وامتص غضبه وماخليه يضوج مني بعد بس اريد اعيش بسلام اول خطوه خطيته كمت اقره بالنت كيف تعامل مع شريك حياتك وضليت اقره واقره شفت هوايه اخطاء بحياتي وسوء تصرف سوت مشاكل
فقتنعت انو الرجال مو ريمونت كونترول اسوي مثل مااريد لازم اني اصير مثل ميريد حته اني ارتاح وهو يرتاح البعض واح تشوفه خضوع بس بالحقيقه ذكاء

وفعلا بهاي المرحله صرتلي عون وطلباته كله اسويه بدون مقابل ختاريت المقابل من الله عز وجل العمل المتفاني لله
هتميت بي اكثر من قبل ومن خلال البحث بالنت صادفتني قصه عن
امرأة عجوز اطلقت عله نفسه انو هيه اسعد أمره بالعالم فسألوهه عن سبب السعاده فكالت هو اسعاد الزوج فسألها المتحدث ضاحكن  لاكنكِ اطلقتي على نفسكِ انتي السعيده؟ فاجابت هنا يكمن الغز والسر اقدم له مابوسعي سوف يقدم لي مااريد فسالها
ما سر سعادت زوجك اجابت
اولا ان لا اعصي له أمر اتذكر مايوصيني به
لا اجادل عندما يغضب استمع فقط واعطيهه الحق
قالوا لها واذا لم يكن معه حق قالت
نفس الشئ اعطي له الحق فقط ليهدئ ويذهب غضبه واكتفي بالسكوت وعندما يهدئ
احضر له فجان من القوهه
احنه نكول نوديله ستكان جاي او كلاص عصير ومن هالواكه اقصد من هالسوالف الحلوه

فتعجب السائل وقال لها واذا شتمكي او اسأء اليكي باللفاض سيئه والجارحة اجابت العجوز

لا اصدق مايقوله بالغضب لاني اسمع منه كلام يثمنني وثني عليه في وقت الراحه والطمئنان النفسي فتعجب وقال

كيف لا تصدقين هذا وتكذبين ذالك قالت

نعم لا اصدق الكلام وقت الغضب لان الشيطان يكون هو المسيطر عليه واصدق الكلام الذي يقوله لي من قلبه

طبعآ بوكته جدآ تأثر بهاي القصه
وحسيت اني طول ذيج الفتره مقصره حييل ويا عفت انانيتي ومتطلباتي وقررت اغير من نفسي مادام اني احبه راح اصير مثل ميريد بدون مقابل

بهاي الفتره عمي توفه مع انو جان صحته كلش زينه سبحان الله شلون موته حلوه مات وهو نايم جنت فوك وسمعت صوتهم جان مفارق الحياه بسكته قلبيه الله يرحمه
فمحمود صار اكثر مسؤليه رغم اخو ماعافه ودائما يجينه بس هو صار ابو البيت وحييل تأذه عله وفاة ابو بس ماضعف
شغله تحسن منصبه بالشركه صار احسن وراتبه زاد بس وره فتره حسيته مهموم ويصفن ومرات اسمع يحجي بالتلفون ويه الموضفين الي بالشركه ومشاكل الي فتهمته شخص جان مترصدله وديسوي مشاكل فجان بالي كل يمه من يحجي واني اشتغل واني اقري نور وعرفت هوايه شغلات عن عمله حته اسماء الموضفين حفظتهم

مره جان كاعده منتجي عله يد التخم بالهول ونور واحمد يقرون هو لازم الملقط
ويسوي بخده يوخر الشعر الزايد فوك اللحيه
بس صافن وباله مو يم التلفزيون رحت يمه
خذت الملقط وكتله خلي اسويلك كال
تعرفين
امم شيرادله كعدت بصفه وجنت خاله بحلكي هيلايه بالفتره الاخيره من كمت اقره كمت انتبه حته عله ادق التفاصيل وحده من الشغلات المهمه هيه النظافه الشخصيه حييل حييل هتميت بيه يوميه انظف اسنان بالخيط وافرج تلث مرات ومن اتقرب يمه لو علج ابو السهم بالحلكي لو هييل حته ماانحرج بموقف وخلال قرائتي عرفت اكثر شغله يحبه الرجال هيه رائحه المره الطيبه فصار عندي ثقه بنفسي اكثر واخذ راحتي فكعدت يمه وخليت عكسي عله رجله وكمت القط وحده وحده
هو جان متفاجئ بتسم وكلسى يباوع عله الجهال طبعآ هو بهاي الفتره كام ينتبه لهدوئي وطاعتي اله بكل احتياجاته وبكل تصرف فكتله
ليش صافن خو ماكو شي