عنفوانك وقلبي💔

البارت الثامن

اهلا وسهلا بكل المتابعات الجدد شرفتوني بيتكم الجديد وانشاء الله نكون عائله حلوه مثل محياكم
احب اشكر متابعتي وصديقتي الي وكفت ويايه ورجعتلي الامل ارجع اكتب
بوجودكم  التنزيل يومي انشاء الله مثل هيج وكت قراءه ممتعه 💞

اتصلت زهراء __وبعد السلام والكلام

هلو حب وينج بذات لتسألين لتجين
حبيبتي والله مشدوهين بعرس اخويه
اني جمدت بمكاني اريد احجي ومااكدر
الووووو وينج حنان الووووو
الووو وياج   ياعرس وبلعت ريكي واتمنه متكلي الي بالي
عرس علي اخويه خطبناله بت خالتي
واني انتهيت شي وكع على راسي ودموع تنزل عشره عشره ولا اراديا كمت ابجي اشهك ختنكت
الووو شبيج ولج
ماكو شي يله باي وسديتهه وصعدت فوك ماريد احجي ولا اشوف احد وبجيت إلى ان خلصت دموعي كل آمالي خابت شنو هل سرعه شلون بس بعدين اصفن قابل هو يعرفني لو يريدني اول وتالي يزوج اذا مو هسه بعدين والدنيا طلعت من عيني واني اتخيله هسه شلونه ويضحك وفرحان وكلبي ينعصر عصر ودموعي تحرك خدي اذكر كل لحضه حبيته بيه وكل نظره وكل كلمه صحيح ماكو علاقه بينه بس اني احبه من كل كلبي شلون انسى ياربي صبرنى وضليت على هالحال ايام وليالي كل ليله جنت افكر بخيالي شلون نلتقي ونحجي ويحبني جان هذا همي الوحي راح كلشي تبخر وانام ودموعي بعيني ولأن احبه من كل كلبي كلت الله يسعده ولازم انسه وافرح لفرحهه
الحب الحقيقي مو تملك الي تحبه انو تحب شخص بددون غرض مادي تحبه فالله ومالنه اي حكم عليهه جنت ادعي اكون بحياته بس الله مراد هذا الشي واكيد اله بيهه أراده
بس كلبي ليش يوجعني بقوهه ليش حبيتهه وفركت صدري ودعيت اللهي مثل ماخليت حبه بكلبي طلعه منه
كلش صغرت الدنيا بعيني
وضليت على هذا الحال وأهلي ستغربوا وضعي داءما صافنه ومااحجي ولا اضحك وبس اشتغل وانام جنه نفرش بالسطح وقبل لا انام ابوع على النجمه الي سميتهه باسمه جانت بالوسط وكلش واضحه ودائما ابوعلهه بابتسامه وتخيل يوميه قصه تجمعنه سويه اني ويا هسه ابوعلهه وعيوني كلهه دموع وحزينه واحجي وياهه واشكيلهه وطلع الي بكلبي إلى ان انام
اتصلت زهراء تطمن عليهه
شبيج حنان لتتصلين لتسالين
ماكو شي حب بس ضايجه لا دوام لا شي جديد كل نفس الروتين
حبي اقلهه تعالي يمي نسولف تطلعين من هالوضع غيري جو
لا حبي مالي واهس
عالرحتج حبي بس اتصلي لتغلسين
إنشاء الله الله كريم وسديته وبكلبي شلون اتصل واذا شاله انتهي ماعولت شويه اتناسه موضوعه اوووف كملت شغلي
ومرت الأيام وإني نفس وضعي وأجوني خطابه واني ساكته اهلي هم يسألون ويقررون من يمهم واني مادخل الحمد لله رفضوا من يمهم واني بحالة خمول لا اخذ ولا اطي وماعرف شنو مصيري
اختي الجبيره تزوجت وتغير وضع البيت شويه اجوء فرح وعرس وشتريت ملابس وشغلات وحفله بالبيت جان ماكو قاعات وبدلت وعزمت صديقاتي ولبست فستان على الجسم  وقصير للركبه و لفيت شعري برمنت  ومكياج خفيف طلعت تووب اول ما طبيت للأستقبال الانظار كلها عليه واني تقريبا عندي ثقهه بنفسي ادري بروحي حلوه امشي بكل هددوء بس مو بغررور ومبتسمه وسلمت على الكل وجانت زهراء جايه وجايه مرت اخوهه اووولي ماريد اشوفهه بس هيه شعليه مادري احسده اتمنه اكون بمكانه واستغفر الله وسلمت عليهن وجانت حلوه ومرتبه ورحت كعدت يم العروس الي هيه اختي كرصتني برجلي وكالت طلعتيني كسر ضحكت واني القهر بكلبي
وكتلهه
ولو حبيبتي انت نجمه الحفله اليوم تخبلين اني شنو وضليننه نسولف ونضحك والبنات كامن يركصن وجروني كوه كمت بس صفكت شويه ورجعت كعدت وفرحنه وغيرنه جو وراحت اختي وبجينه عليهه وزهراء تسكت بيه واني ستغليته فرصه صدك بجيت من كلبي وحضنته وباوع عله مرته وتحصر