عنفوانك وقلبي💔

البارت السابع

فاطمه العامري

وفعلا هو فتح الباب وضل يباوع علينه وحده وحده من اجت عيني بعينه ختلت وره صديقتي كال تفضلوا
الاءكالت
سلام عليكم
عليكم السلام
زهراء موجوده
كال اي تفضلوا وفتح الباب
كالت شكرا بس صيحهه
دخل جوه واجتي زهراء هله وسلمت علينه ومبين عليهه تعبانه ودخلتنه واني مرتبكه واحس كل العالم تدري شنو بكلبي بس شعور يجنن انوا اني ويا نفس البيت حاليا كلبي كله يمه والبنات يسولفن المهم بقينه شويه وطلعنه ورجعت للبيت فرحانه واذكر نظرته من باوع عليه
وبعدين تذكرت زهراء كالت اريد الواجبات اخذت الجدول ورحت دكيت عليهه
وسمعت صوته
عزز لا بيه اسده ولا اكدر اسكت ولا اكدر احجي متت
كال الوووووو
كلت سلام عليكم وحاولت مابينله اني  حجيت شويه سريع وجديه بس متت بدمي
وعليكم السلام
زهراء موجوده واني أحول اغير بصوتي
بقه صافن شويه
اي منو اكلهه
اني جمدت  صديقته
ماشي
عززز شورطني بسلا عرفني
جتي زهراء هلو حبيبتي وسلمت عليه
كالت ستوني اريد اتصل بيج همزين خابرتي وضلينه نحجي على الدورس وسديته منه واني صافنه بسلا يسالهه عليه يووو ياربي ضليت افكر وخايفه

مرت الايات وحييل كمت اشتاقله واصفن ودائمآ اسأل زهراء واجره بالحجي فجان عدنه اجتماع المدرسات وطولت الفرصه فزهراء ستغلت الموضوع وضلت جربي بالحجي وفاجأتني وكالت انتي تحبين علي مو ؟

اني ماعرف بعد شحجي نصدمت وضليت اضيع بالسالفه بس هيه خلتني اعترف وكمت ابجي وجنه كاعدين يم حديقة المدرسه عله الصبه وهيه تسكت بيه وتضحك عليه نوب ضلينه نسولف بس ماكتله حجيت ويا بقه هذا السر بگلبي

اذكر سويت دفتر ذكريات جان عندي سجل حلو وجبير فخليته لذكريات طبعآ لسه عندي محتفظه بي فجنت ارسم عله حافت الاوراق
وكملته وديته للبنات يكتبلي بي ذكرى
كلهن كتبلي كلمن تكتب اسمه وتكتبلي ذكرى

حته المدرسات الحبابات كتبلي عبالك حاسه راح ابتعد عن المدرسه وصديقاتي والمدرسات

ومرت الأيام عادي
فديوم زهراء تصلت كالت عدنه معامله ومحتاجين توقيع حزبي يعني بعثي بذاك الوكت وكالوا اكو وحده يمكم اسمهه فلانه كتله هسه اسال اهلي وسألت ابويه كال اي بالفرع الي قبلنه رجعتلهه خبر كالت العصر نجيكم وصفتلهه بيتنه ونتظرتهه بالباب اني وابويه
فأجتي هيه وابوهه واختهه فنزل ابوهه وسلم على أبويه وطلع يعرفه جان عسكري ويا بالجيش وهم احنه نفس المنطقه فوصلناهه البيت الحزبيه وكملنه شغلتهم وشكر من أبويه ومن ذاك الوكت أهلي عرفوا اهل زهراء وابويه كلي ذوله خوش ناس وابوهه انسان محترم ودين فعلا علاقتنه بيهم صارت احسن من قبل ومشت الايام واني حذره كلش من جهت علي كلما الاكي بالطريق ابوعله خطف وكلبي يمه ودلي اركض عليه والزم ايده ونمشي سوه هههههه لا جذب غير اموت

شسوي كلما اريد ابعده عن تفكيري الكه گلبي يرعد ويرفض وحايره بين عقلي وگلبي جنت اتمنه الأمور وحدهه تمشي اكول واحلم قبل لا انام الله هيج وعلي يسأل زهراء عليه وتجي تحاجيني يالله ماصدك ويتحقق حلمي ويجي يخطبني بس ارجع على أرض الواقع حته ماهتميت بدراستي للأسف ومشت الايام وخلصت السنه واني مادخلت بكلوريه وجان اكبر غلطه بحياتي من تهونت بيها بس ماتوقعت أهلي صدموني من كالوا بعد مدومين مادام رسبتي نتهت بوكت تخبلت
وضليت ابجي قايل اول وحده ترسب
عادي اعيد السنه ابد قفلوا فد قفله وحرموني من الدراسه وتخبلت وبدت الايام تصير كلهه نفس الشي وأهلي ميخلوني اطلع ولا اروح وبقيت بالبيت بس انظف وارسم وتلفزيون والايام تمشي والاشهر وبس صديقاتي على اتصال وزهراء دائما تتصل وتعتب عليه واني كتله إنشاء الله هم اتصل لتزعلين واتصل بوكت العصر او الصبح حته اضمن هو ماموجود أحول امشي وره عقلي لان لو على كلبي يوميه اريد اتصل عليه اخخ شلون بيه
وكلما اشوف خواتي الكبار يداومن وحده معلمه وحده طالبه والاصغر مني صارت بالمتوسطه وبالبتدائيه هم اختي الاصغر وصديقاتي ثنينوكملن وثنين بطلن علاقتي بزهراء نفسه دائما على اتصال ومره سولفتي على صديقته وكتله شو دائما جيبين طاريهه كالت اي صديقتي المقربه واني تخبلت وسديت التلفون بوجهه من كل عقلي غرت على صديقتي وحبيبتي شلون صار عدهه صديقه غيري وكمت ابجي بقهر وضلت تك عليه ماجوب وأهلي يصيحون اكلهم كلولهه نايمه وتحجج الى ان
اجتي للبيت وراضتني وكالت كل عقلج انت صديقتي وتبقين طول العمر بس هاي صديقتي دراسه وفرحت بحجيهه وضلينه نسولف وكالت اختي نخطبت ولازم تجين
َفرحتلهه وكتله إنشاء الله