عنفوانك وقلبي💔

التاسسسع

مرحبا
فاطمه العامري ✍️

اول خطوه بحياتي الجديد بدت
وبتده المششششوار

كعدت يم الباب اسمع واجتي اختي الاصغر مني كعدت بصفي كالت شنو اشرتلهه بأش سمعت بدت تحجي امه وكالت لأمي

اني اجيتكم اليوم ودزني عليكم شخص وكال هنا تلكين جنتج  اني عندي ثنين ولد وثنين بنات مزواجات ابني الجبير مزوج وطالع بيته وبقه بس محمود  ويانه اني وابو الحجي

عمره 30سنه خريج كليه علوم  وعنده محل أدوات احتياطيه ماكو تعين والحمدلله عيشتنه ماشيه وخالي مختلي واحنه نلح عليه ونريد نزوجه لان اخو طلع والبيت فرغ علينه واحنه كبرنه وهاي سنه الحياه وصارانه فتره ندور على بنت الحلال ودئما متصير لو متعجبه لو تخرب واني تعبت أريد ازوج محمود وارتاح فذاك اليوم من طبيت بيتكم وشفت المحروسه وصفتهه لابني كال توكلوا على الله بعد ما سأل عليكم وعرف معدنكم واحنه جايكم اليوم نخطب بتكم حنان لمحمود

هنا اختي ندستني ها ها راح تتزوجين اني كفخته سكتي واسمع كالت
بس  حييل جبير عمره 30 اني كتلهه بالعكس احله عمر هيه فتحت عيونه عليه صحيح

فارق العمر بيني وبينه جبير 12سنه بس اني ماشفته هوايه بالعكس اني احب الرجال العاقل ماحب الشباب الطايشه وكلت انشاء الله مثل الي بالي اكيد هيه اصغر مني تشوف جبير كلش

امي كالت نتشرف بيكم وجيتكم عزيزه وكل خطوه ميت هله   والي بي خير يقدمه رب العالمين ومن هذا الحجي وكلتله اكل لابوهه وإخوانه وانشاء خير
فاأمه طتهه رقمهم وكالت انشاء الله يومين وننتظر منكم جواب وراحوا

طلعت امي مبتسمه كعدت ويانه وكالت
هاي المره اعرفه من زمان خوش عائله وكلهه تحجي بولده اسباع وشخصيه ومثقفين واجه ابويه واخواني وامي حجتلهم ونجمعوا واني عفتهم واصفن مادري شراح يصير  وخليته على الله

وثاني يوم نتشروا خواني يسألون كلمن حسب  معارفه واجوا بالليل اخوي الجبير الي هو بعمره ومزوج وعنده ولد
كال رحت لمكان عمله وشفته وسألت عليه امي تكله اي يمه شلونه اني استرق السمع واسوي روحي ارسم وحاطه الغراض كدامي ودفتر الرسم على رجليه ومنتجيه على الحايط

كال الولد خوش ولد مرتب وحلو وشاغول وسألت عليه كالوا احسن ولد وماعلي زود بس هو عصبي وبتسم وباوع عليه اني بوعت على امي كالت اي وبعد كال كله متحت بي وباخلاقه بس اكدوا كالوا كلش عصبي

اني بس اسمع وساكته نوب اجه اخويه احمد كال اني من سألت عليه عرفت مرات اشوفه بالمنطقه ثكيل وخوش ولد
كالت يعني نرجعهم خبر كالوا انشاء الله بيهه الخير راحت لأبويه وضلت تحجي ويا صاحلي
هابابه انت سمعتي سالنه عليهم لحد الان الناس ماعليهم حجايه وخوش ناس وابوهم خوش رجال ودين شدكولين كتله بكيفكم يابه كال انشاء الله خير