Here In My Heart

TWELVE

"Ang una po nating pupuntahan ay ang Sohoton Cove." Habang nagsisimulang lumayag ang bangkang de motor, nagpapaliwanag sa amin si Bradley sa mga destinasyon namin sa island hopping ngayong araw na ito.

Kami-kami lang din ang sakay ng bangka, kaming tatlo nina Sir Maui at Sir Frank, dalawang staff ng resort at dalawang crew na siyang nagpapatakbo ng bangka.

"Pagdating po natin doon, magta-transfer po tayo ng boat para maikot niyo po 'yong jellyfish sanctuary. Mas maliit na bangka po kasi ang puwede lang pumasok doon," pagbabahagi pa ni Bradley.

Habang nasa biyahe ay nagkukuwentuhan lang ang lahat. Kaso napansin ko na medyo tahimik si Sir Frank. Nang humupa na ang usapan at naging abala na sa kanya-kanyang pagsa-sight-seeing at iba pang mga bagay ang mga sakay ng bangka, naisipan kong tanungin si Sir Frank.

"Sir, okay lang po ba kayo?"

"Uhh...yeah. Just a little bit of hangover I guess." Bahagya siyang ngumiti para ipakitang ayos lang siya. "Naalala ko tuloy 'yong kape mo, eh."

Ngumiti ako. "Naku, Sir. Sana sinabi niyo po no'ng breakfast, puwede naman po 'ko magtimpla."

"It's okay. Anyway, this will pass." Nagkibit-balikat siya. "I wonder though kung paano mo nahalata."

"M-medyo tahimik po kayo, Sir, eh," paliwanag ko. "Nakikisali naman po kayo sa usapan pero hindi po 'yong usual na kayo...ang labo po yata."

Natawa ako, at natawa din siya.

"I get you." Sumeryoso siya at tumingin sa akin. "You must know me that much by now."

"Halos araw-araw naman po kasi tayong magkasama sa opisina," sagot ko.

"Refreshments muna po tayo." Naputol ang pag-uusap namin nang magsalita si Bradley. Nag-serve siya ng buko juice, fresh from the coconut fruit itself na may nakatuhog lang na straw sa ibabaw.

"Exactly what I need."

Napalingon ako kay Sir Frank nang magsalita siya.

"BJ." Tumaas-baba ang mga kilay niya habang nakangiti ng tila ba may nais ipakahulugan.

"Po?" Hindi ko gets.

"Buko juice." Bahagya pa niyang inilapit sa akin ang hawak niyang buko na iniabot ni Bradley.

"BJ," inulit ko iyon. Abbreviation pala ng buko juice. Pero bakit parang pinipigilan ni Sir Frank na matawa? Ewan ko dito sa boss ko.

Nang mapatingin ako kay Sir Maui, napansin kong wala siyang juice.

"Sir Maui, bakit wala po kayo nito?" tanong ko sa kanya na tinutukoy ang hawak kong buko. "Kinulang po ba?"

Ibibigay ko na lang sana sa kanya itong akin pero umiling siya.

"Ayaw niyo po ng BJ?" tanong ko.

Narinig kong tumawa si Sir Frank pero bigla niyang pinigilan, bagamat halatang-halata na gustong-gustong kumawala ng tawa niyang malutong

Hindi ko gets kung bakit. Napakunot-noo ako habang palipat-lipat ang tingin sa kanilang dalawa.

"It's okay. It's Florence who asked, so I won't take it like what we think it is." Nagkibit-balikat si Sir Maui habang nangingiti, mukhang pinipigilan ding mahawa sa sinusupil na pagtawa ng pinsan niya.

"Huh? Baka puwede niyo pong ipaliwanag sa akin kung bakit po kayo natatawa?" tanong ko. Seryoso na ako noon. Medyo nakaka-offend lang kasi na tinatawanan nila ako sa hindi ko malamang dahilan.

"It's nothing. Just...just buko juice." Hindi apektado si Sir Frank sa bahagyang pagtigas ng boses ko. Ngumiti pa siya pagkasabi noon.

Hindi na ako nagpumilit pa, pero alam ko, may iba pa silang ibig ipakahulugan sa BJ na iyon.