~"مقيده بين الذكور!"~ (قيد التعديل)

تجسس

جت بتلف راسها بس صنمت بمكانها..

: راشد؟

ناظرت الارض بصدمه وراسها فيه آلاف الصور

~يمكن ذا جراح؟ يمكن ذا بندر؟ يمكن ذا خالد؟؟ ~

تنفست واستجمعت شجاعتها ولفت راسها وعقدت حواجبها لما شافت..... وديان؟

وديان : انتي راشد؟

تنهدت براحه وناظرتها وهي متصنعه ابتسامتها ولقيت لها كذبه سريعه

جود ~تكذب ~ : اووه انتي تعرفين اخوي؟

ناظرتها وديان بشك وهي للحين مو مصدقه

وديان : اخوك؟

جود : ايه اخوي الوأم دايما يفتح بثوث ومشهور وكذا

جلست وديان بجنبها وهي تناظر تحت وبعدها ناظرتها

وديان : وش يثبت لي؟

ناظرتها جود بوهقه وقاعده تعصر مخها عشان تطلع كذبه مقنعه وبعدها تذكرت قلم الحبر اللي بوجهها؟

أشرت على قلم الحبر وابتسمت

جود : انا عندي خال بس هو وجهه صافي مشالله

وديان : امممم اوكي اقنعتيني

جود : طيب انتي معجبه فيه؟ تتابعينه يعني؟

وديان : مو سالفة اعجاب بس احس هو بيساعدني ويتفهمني

ناظرتها جود بستغراب وهي مو فاهمه شي

جود : كيف يعني مافهمت

وديان : مو لازم تفهمين حتى لو قلت لك مارح تفهمين بس هو اكيد راح يفهمني

جود : طي

انقطع كلامها وهي تشوف وديان تلف وجهها وتمسح عيونها

توترت وماعرفت وش تسوي وقامت على طول

جود : ءءء ط طيب انا بخليك لحالك

ركضت لداخل ورجعت لعند البنات اللي باقي يتسبحون

تأففت وقعدت عند مشاعل اللي طلعت من المسبح

مشاعل : تمام انا موافقه

ناظرتها جود بستغراب

جود : على وش بسم الله؟

مشاعل : مو انتي قلتي بتروحين بيتك؟ خلاص انا بعد بروح معاك مو انا اللي اسحب على خويتي؟

جود : شكرا بس يمديني اروح لحالي لو ماتبغين؟

مشاعل : غصباً عنك بروح معك رضيتي ولا انرضيتي

جود : خلاص خلاص بس لو صار لك شي مالي شغل

مشاعل : مارح يصير لي شي دامك معاي

جود : طيب متى تبينا نروح؟

مشاعل : اليوم لانه بكره بترجعين المدرسه