~"مقيده بين الذكور!"~ (قيد التعديل)

خالد

جراح : شرايك نروح فندق احسن ؟

فتحت عيونها على آخرها وناظرته بصدمه وكلنا انصدمنا معها

انربط لسانها البنت ماعاد عرفت تتكلم
وجراح حرك السياره وهو كاتم ضحكته وهو يحس فيها بتحرك شفايفها بتقول شي بس مو قادره ههه

جراح : خلاص لاتخافين نمزح

ناظرها بضحكه لما شافها تنهدت وحطت راسها على الشباك

جود: اصلا لو يطلع منجد ذبحتك

جراح : ايه واضح مدري من اللي كان بيموت قبل شوي

جود : جرررااحح خلااصص اسكتت وجعع

ضحك عليها وهو قاعد ينهار من جوا بس يسمع اسمه من لسانها يجيه شلل حرفيًا
.
.
ركبت السياره وهي تدخل الفستان بالكيس

جراح : ومكياجك ؟

جود : اوخره هالحين

جراح : الاحسن توخريه لا اجلدك

جود : كلي لك ياعمري
البنت قالتها بنية الطقطقه بس جراح بلع ريقه بضيق وفك ازرار ثوبه وهو يتنفس بثقل
مو معقول كيف تبعثر كيانه ذي البنت
مدري وش تسوي داخله
بس كل اللي تسويه خراب بخراب وكله في صدره وفي قلبه على وجه الخصوص
- ياقو قلبِك كيف بعثرتِ انسان -
.
.
.
.
.
وصلها للمدرسه وهو ضايق خلقه مايبغاها تنزل
مايبغاها تقابل اي رجال غيره
خلاص لازم يصارحها بذا الموضوع
دامها تعرف انه يحبها ..
.
بس للحين هي ماعلمته ليش داخله للمدرسه وليش مختلطه مع العيال

كان بيسيئ الظن فيها بس بطريقة ما مايقدر هل لانه يحبها ؟

جراح : جود

لفت له وهي تشيل اغراضها
: هاه ؟

لف عليها ووجهه فيه كمية جديه ماتتخيلونها لدرجة حتى جود خافت منه بسم الله

جراح : ليش ماتعلميني ؟

جود : اءء اعلمك بوشو ؟

جراح : ليش انتي بذي المدرسه ؟ ليش ماتعلميني شقصتك وتريحيني ؟ تدرين كم اقعد افكر بسالفتك واحاول اطلع لك اعذار يمكن عندك ظروف او شي بس وش الظروف ذي اللي تخليك تدخلين مدرسة عيال وتختلطين بالاولاد ! و..

جود : اءء اول شي حتى لو قلتلك مارح تستفيد شي !

جراح : بس على الاقل ريحيني عشان لا افكر بأفكار ثانيه تراني قاعد احاول امنعها تدخل مخي وتشوه صورتك فعيني

جود : ههمف ياخي خلاص انا اساسا قررت اطلع من المدرسه بس ..

جراح : بس وشو ؟ منجد قررتي تطلعين ؟!

جود : بسس بخلي حتى الاوضاع تهدا وبعدها اطلع ولاعاد بتشوفني

جراح : وليش ماتطلعين الحين ؟ ليش ضروري انك تخالطين االلععييااللل !!