~"مقيده بين الذكور!"~ (قيد التعديل)

مشاعر

لاتشد الوعد وحبالك رخيه
ولا تدق الصدر وضلوعك رديه
.
.
.
قامت بضيق من سريرها وهي تحس بنعاس رهيب بس صحيت لسبب مجهول ولاتدري ليه ..
.
مسكت راسها وهي تعقد حواجبها من الصداع اللي جاها ..
قعدت فتره وراحت الحمام وطلعت وبعدها خرجت من الغرفه تشيك على جراح .
دورته ف البيت ماحصلته حكت شعرها بفوضويه وهي تلف عيونها بالصاله
: وين راح ذا ؟
لفت جسمها لما سمعت صوت جاي من المطبخ ابتسمت ومشت للمطبخ وتركت بكتفها على عتبة الباب لما وصلت وجلست تراقبه
يحاول يسوي اكل ومسوي حوسه والاخ من قوة فهاوته كسر البيضه ورماها بالزباله وحط قشرتها بالطاوه ( القلايه)
كتمت ضحكتها ودخلت له
توه لاحظها ولف وجهه للجهه الثانيه بأحراج بعد ماعرف من ملامح وجهها انها شافت كلشي

جود : عادي عادي تصير
ناظرها وهو يرفع حواجبه
جراح : لازم تاكلين لك شي ورانا يوم طويل 
راحت للطاوله وجلست عليها وحطت راسها وهي تتنهد
تحسها متبلده مو طبيعي شخص مثل نور كان قريب منها
مات
وهي قاعده تعيس يومها عادي وتبتسم بعد
ممكن صدمه ؟ مدري

صحت من شرودها من لمسة يده اللي انحطت على كتفها
ابتسم لها
: كل شي بخير دامي جنبك وورا ظهرك ولا تخافين من شي وانتي تعرفين اني مارح اتركك مهما سويتي وبقعد بجنبك حتى...
سكت شويه وهو يعض شفايفه .
عقدت حواجبها بستغراب من سكوته المفاجئ  : حتى؟

لف وجهه وهو يتأفف بتوتر وجود مستغربه
هذا شفيه ؟
قام من جنبها وكان بيطلع بس لحقته ومسكت يده وفوق راسها مليون علامة استفهام
شد على يدها : حتى تصيرين حلالي حتى تصيرين زوجتي واللي بكمل معها بقية عمري تعبت من حالنا ي جود ! الى متى وانا بقعد اشوفك كذا ؟ ما اقدر اتحمل فكرة انك تبعدين عني مقدر اكمل يومي بدون شوفة وجهك تعبت ماسك نفسي عنك بالقوه وانهد حيلي ارحميني ي بنت ! ...

سكت وهو يستوعب انه ضاغط على يدها بقوه وملامح الالم بانت بوجهها
فك يده بسرعه من ايدها ومسكها بين ايدينه بحنيه وهو يمسح عليها ويتأسف لها

نزلت راسها وشالت يدها من يده ومشت متعديته وهي تحاول تستوعب اللي صار من ثانيه ..
.

.
.
.
.
خالد مو قاعد يفكر زين
فيه مليون شي شاغل باله مايدري يلقاها من سالفة راشد ولا سالفة ابوه
كانت علاقته بابوه شبه مسطحه كان وضعهم عادي كأي اب وابنه بس ماكانو بذاك القرب بس هذا مايأثر بمشاعر خالد تجاه ابوه كأي ولد له محبه بقلب ابوه والعكس صحيح
.
.
.
بلعت ريقها وهي تنزل من الدرج بهدوء بعد ماتجهزت عشان تروح المغسله مع جراح اللي قاعد يطالعها بكل قوة عين بعد اللي قاله هذا الشي اللي قالته داخلها كيف باقي يطالعها بعد ماقال لها وصارحها بذا الشي
صد عنها بالنهايه ومشى وهو يحس فيها تتبعه

اخخ بس لو يلف عليها بذي اللحظه ومستعد يعيد لها كل اللي قاله وزياده عليه بعد بدون اي ندم
يشوفها تستحق قلبه تستحق مشاعره تجاهها تستحق يشوفها فوق الكل تستحق يضحي بأوله وتاليه ويبيع نفسه عشانها
جراح بهذي اللحظه عرف ان مافي مفر من سجن عشقها وهو راضي ومستعد يرضيها فيه هو مسجونها هاوي بغرامها هو بس من تفكيره فيها يرتعش قلبه بالحياه ويتذكر ابسط تفاصيلها الصغيره وغير المهمه حتى كيف لا وهي الجود !
تطيحه من طيف ابتسامه منها كيف لو صارت له ! لحاله محد يشاركه فيها تجلس معه بنفس المكان اربعه وعشرين ساعه تضحك له كل يوم ويبني معها عائله ويكمل باقي عمره معها .
.
.
صحى من احلامه على صوتها وهي تقوله ( جراح وصلنا؟) نطق وعيونه تغرق بعيونها : جعل جراح يفداك ي عيون جراح

ابتسم لما نزلت بسرعه بدون ترد عليه هو يدري انها مشوشه ومره مو وقته الحين يدري كلامه بيخليها تفكر كثير والتفكير بيتعبها ويتعبه اكثر مايبي ينتظر اكثر من كذا كم له وهو يتمناها صارت اولى اولوياته
مشى بجنبها ولف يناظرها بهدوء وهو يمشي بمحاذاتها
كانت ملامحها هاديه بشكل طبيعي وهذا اللي ريحه خاف تنهار بعد ماتستوعب انها رايحه للميت وتطلع معه للمقبره بعد مايغسلونه ويكفنونه

دق جوالها ووقفت ترد عليه ووقف جراح معها فتحت الخط وحطته على اذنها ...
. مرت بضع دقائق الا وتحس بدوخه وقعدت على الارض بدون ارادتها عقد جراح حواجبه وبحركه سريعه مسكها من متوفها عشان ماتضرب بالارض بقوه
.....
عطته الجوال وهي تنزل وجهها وتحط يدها تغطي ملامحها اللي تعبر عن بشاعة شعورها باللي سمعته .

ريان !
.
.
.
.
.
.
.
.

هلااا والله 😭😭😭😭

اول شي مرره اسف ع السحبه امس كان اختباري قدرات وكنت اذاكر له وكنت كليوم اكتب بارتات الروايه بدفتري عشان اذا افتكيت من الاختبار اجي واكتبها على طول وما اتأخر عليكم 🥹🥹

ذا البارت بس تصبيره وكذا عشاني سحبت فتره طويله والصراحه استاهل ملاطيم وانتو تستاهلو بارت اطول من كذا

الزبده ادعو لي اجيب درجه حلوه بالاختبار يارربببب 🥹🥹

ايه وتقولو لي شالاخبار شالعلوم 🦦
والله يا ان صارت سوالف اووفف فاتكم
تصدقون نسيت نص احداث الروايه ههههههه احسني فقدت الذاكره
والله اسف خلاص آخر مره😔

وابشرو بالعوض والسوالف بالبارتات القادمه 👍🏻

ويله تصبحون على خير 💋💋

مع تحيات القاتله السفاحه الكتكوته الطيوبه الحبوبه المحبوبه فطوشه البطوشه 👁️🫦👁️