~"مقيده بين الذكور!"~ (قيد التعديل)

مالك ..!

لقد وصل اعتذارك متأخراً جداً.
- كأقتراح لون جميل بعد ان جفت اللوحة.
.
.
.
.
جود : اسمع لف يمين ذي لفة البيت

فراس : اعرف ترا ماني مدمغ

جود: اقول لف وانت ساكت
وقف فراس بنص الطريق وناظرها بتحدي
فراس : ماني بلاف ووش بتسوي هاه

مسكت شوشته وهو مسك اذانيها
جود : فك وافك فك وافك !!

فراس : فك فك لا اقطع لك اذانيك

مسكهم عن بعض وهو يتأفف
خالد : ترا من اول وانتو تتناقرون خلاص قوم انت انا بسوق

جود : علي الطلاق مايسوق الا هو

فراس : وين حقوق الانسان

جود : حقوق الحيوان وانت الصادق

خالد : بس يااخي خلنا نرجع البيت نخمد حتى الفجر قوم انت هياااا

ناظره فراس ونط ورا عند جود اللي خزته وشمقت له لما ناظرها

جود : اوف احس بكتمه يربي

فراس : صدق والله حتنى مدري من مين هنا يسبب كتمه

جود : شخص الله لايستر عليه

فراس : وجع

خالد : خلاااصص انزلو يله لايكثر انت وياه

ناظرو بعض وكل واحد نزل من باب

فتحت باب البيت ودخلو وسكرو الباب وراهم .
.
.
.
.
.
.
رجفت وهي تسمعه يصرخ عليها من برا وواضح كأنه عصب يوم سحبت عليه

" رحتي فيها يا امجاااددد "

قعدت تفكر وش بتسوي
اكيد انه يعرف انها بالشقه ولا كان ماجا لين هنا
بعدين كذا فجأه يطلع من العدم ؟
كم صار له مختفي ؟
تنهدت برعب وهي تسمع بس صوت دق الباب وصوته اختفى 

اخذت جوالها وما لقت الا رقم راشد تتصل عليه
.
.
.
جود

رفعت جوالها وردت وهي طالعه بالدرج وبيدها البطانيات لخالد وفراس اللي بينامون معها بنفس الغرفه
ووصلها صوت امجد الخايف
: هلا مجوديي

امجد : هلا راشد تقدر تجيني اليوم ؟؟؟؟؟

جود : اءءء شفيك انت ؟ اقصد شفيه صوتك يعني انت صاير معك شي ؟

امجد : اييه تكفى تعال بسرعه خذني معك

جود : تمام تمام الحين شويه واجيك وعد

قفلت الخط وعقدت حواجبها وكملت طريقها وهي تتنهد
مرره مالها خلق تطلع الحين
بس زادت سرعتها وهي تدخل الغرفه وترمي عليهم البطانيات

جود : اسمعو انا بطلع من البيت بجيب امجد واجي

قام بسرعه من السرير وناظرها
: وين رايح ؟ وش قلت ؟ ماسمعتك عيد عيد وش قلت ؟

جود : اءءء بروح اجيب امجد

خالد : اقول وربي ان ماتطفي اللمبه وتنخمد هنا قدامي مايصير لك طيب

فراس : اهدى من كذا خلودي

جود : صدق والله تراه دق علي قبل شوي وصوته مدري شفيه خرشني

تقدم منها وعيونه حمرااا مرره مابقى الا تطلع ليزر
: انا قلت لك مافيه روحه تسمع ولا ماتسمع ؟ فراس قفل الباب وجيب المفتاح وجيب جوالك انت

جود : تستهبل انت ؟ خي....

خالد : انا اققووولل بدلل ماتراددنني ترووح تحطط رووحك على اللسررير احسسن لك

مسك يدها فراس وعطى خالد المفتاح
وهمس بأذنها وهو يناظر خالد اللي يمشي لسريره
: اسمعي عطيه الجوال وانتي ساكته مو ناقصينه حنا ترا
وامجد انشاءالله مايصير له الا كل خير وبكره بنروح المدرسه ونشوفه

جود : بس انا قلت له اني بجي !

فراس : معليه لاترسلين له شي قوليله صار لك ظرف وماقدرتي تجين

خالد : بسسررعهههه! شعندكم تتهامسون ؟

ناظرته وهي مقهوره مرره هي قالت لأمجد انها بتجي ! الحين امجد بيقعد ينتظرها لين متى ؟ وهي اصلا ماهي جايه ؟
حتى لو ارسلت له انها مارح تجي راح يخيب امله فيها
محد بيفزع له غيرها
فزت وهي تسمع صوت خالد يصرخ عليها
: ياخي شفيك انت مشتط هدي شوي النوم ماهوب طاير

خالد : اقطعها يا راشد لا اقطع لسانك قسم بالله تعبان موب رايق نقاش حط جوالك هنا ورح على سريرك يله

ناظرت فراس اللي يأشر لها من بعيد ويسوي حركات تضحك عساس خالد بيذبحها لو زادت كلمه ثانيه

تنهدت وضميرها يأنبها
وراحت بجنب سرير فراس اللي حط راسه وهو متوتر مرره بينام مع بنت ؟؟؟
شي غريب عليه
وهي كيف تقدر تنام مع اثنين عيال بالغرفه ؟
قعد يفكر ويفكر ومتعب نفسه الاخ مسوي يحلل وكذا وهو ماعنده ماعند جدتي
.
.
.
.
.
ريان ..

وصل لبيتها ونزل ومعه مشاعل تلحقه
شاف السياره وتنهد براحه
ودق الباب
بس بعدين استوعب انو السياره مو حقتها

طلع جواله ودق على جوالها ومشاعل تناظره وترجع تناظر البيت
.
.
تأفف ورد على الجوال وصرخ بأعلى صوته
: راااشددد نااييم مارح ييجي عندد اي اححدد

ريان : اقول وين راشد ولا يكثر

قام لما سمع صوته وتنفس بغضب
: قلتلك راشد ن ا ي م

( لا تشوفوني وانا اشدد على الحروف عساس يوصلكم احساس النبره حقة صوته وهو يشدد ع الحروف 😭)

رد عليه بختصار
: صحيه !

خالد : مايصحى عشان سواد عيونك يورع توكل

مالحق يتكلم الا وخالد مقفل بوجهه

جود : مين ؟؟؟؟

خالد : انت للحين مانمت ؟؟؟؟ بتنام ولا كيف ؟

فراس : بينام بينام نام نام نامت عليك حيطه

تأففت ورمت البطانيه فوقها
حرفيًا شعور يقهر ترا !
هي واعدته انها راح تجي وواضح من صوته كان مرعوب او خايف من شي والله اعلم وش صار له هالحين ..
غمضت عيونها بقهر وهي تسمع جوالها يدق وخالد يطفيه وكل شويه يدق حتى حطه ع الصامت
ماشي ياخالد
مو انا اللي تمشي كلمتك علي !
.
.
.
.
نزلت دموعها وهي تدق وتدق وتدق على راشد
بس مو راضي يرد
ليش قاللي بيجي يعني ؟
ليش كذب علي ؟
لا لا مستحيل راشد يكذب
يمكن صار له شي بطريقه وهو جاي احسني الظن ان بعض الظن اثم
لفت بسرعه على صوت الباب اللي انفتح وجا مالك ناظرها وهو يبتسم ابتسامته الخبيثه اللي كلنا متعودين عليها

تقدم ناحيتها وهو يقول بصوت كفخيح الافعى ( ههههههههههههههههههههههههههههه )
ماعلينا
المهم انه قالها
: قلت لك تفتحه بالطيب مارضيت ! ليش تحب العنف انت ؟ هاه

قعدت تضغط على رقم راشد وعيونها مثبته على مالك اللي واقف بمكانه ويضحك عليها وعلى رجفتها وخوفها
.
.
بنفس الوقت كانت تسوق السياره بسرعه وهي مثبته عيونها على الطريق ومحد همها لا خالد ولا غيره

هي وعدت ولازم توفي بوعدها
هي عطت امجد رقمها وقالت له اي شي يصير لك على طول دق علي
والحين بس عشان خالد مو راضي بتسمع له ؟
لا بالله
( قلبنا علوم مرجله يبنات 😭)
.
.
.
.
ريان ومشاعل كلمتهم جود طبعًا ويالله تخارجت من اصرار ريان انه بيجي معاها
بس خلتهم يدخلون بيتها ومدري كيف اقنعت ريان اما مشاعل سحبت عليهم ونامت

وخالد وفراس ..
.
flash back

رفعت البطانيه عنها بعد مده وناظرت فراس اللي قام وناظرها وهو يبلع ريقه
ويعرف ايش تفكر فيه بالضبط
خلاص صار حافظها وفاهمها من النظره حتى

قامت بشويييش من السرير ومشت على اطراف اصابعها
فزت على صوت خالد اللي قفطها حتى بالظلام حشى قطوه مو آدمي
: وين على الله ؟

جود : اءءء بروح الحمام

خالد : هالحركات مو علي ياراشد ارجع لفراشك

جود : ياخي بروح الحمام شفيك انت ؟

سكت شوي وقام من السرير
: يله قدامي

جود : وجع نشبه

خالد : وش قلت ؟؟؟؟؟

جود : قلت بتجي معي للحمام؟

خالد : اييه بجي وانت ! لا اشوفك تطلع برا الغرفه

فراس : اءء ابشر ابشر

مسكها من كتوفها ومشّاها معه للحمام
هو طبعا مايدري وين الحمام فيه حمامات كثيره في البيت ف جود جتها فكره
فكره فكره ..
.
.
وصلو للغرفه او خلينا نقول الحمام ههههههه
وقف خالد بجنب الغرفه وهي فتحت فتحه صغيره عشان مايشوف وش داخل الغرفه ودخلت بسرعه وقفلت الباب بالمفتاح
.
مرت كذا يمكن ثلاث دقايق وطلعت وبيدها فاين ( مناديل)

رفع حاجبه ومشى بجنبها متجهين للغرفه
وخطوات جود قلبت سريعه خايفه اللي حاطته بالمنديل يجف
.
وصلو للغرفه
وراح خالد لسريره بعد ما تأكد انها انسدحت
بس الشي اللي ماتوقعه
بس خلته يلف
وقامت عليه وحطت المناديل على خشمه وفمه

وفراس يعمري نام وهو ينتظرهم ولا هو داري عن الدنيا

المهم طاح خالد على سريره
قامت عدلت وضعيته وغطته بالبطانيه واخذت جوالها وطلعت بسرعه .
.
.
.
.
.
وصلت للمدرسه ونزلت من السياره وركضت للداخل بسرععه
طبعا كان الوقت متأخر والحارس مارضى يدخلها الا بتصريح وتصريحها بسيارتها وهي الحين معها سيارة ريان

جود : اسمع تكفى خلني ادخل

الحارس : يخوي شفيك انت ؟ ترا النظام نظام ! اسمح لي مقدر ادخلك

تأففت وفتحت جوالها ودقت على امجد بسرعه
مامرت ثانيه الا ورد عليها
: راشد !! تكفى راشد تعال بسرعه وينك ليش ماترد وين رحت ؟

جود : انا تحت بس نسيت تصريحي الحارس مو راضي يدخلني انت شفيك وش صاير لك مين معك ؟؟؟

اخذ الجوال منها والابتسامه شاقه وجهه
: هلا هلا برويشد زمان عنك ههههه

جود : من انت ؟
حست انو صوته مألوف بس ماعرفت مين هو

مالك : افااا ماعرفتني يارورو حرام والله زعلتني عليك

جود : مين ماعرفتك ؟ وليش بعرفك اصلا ووش تسوي عند امجد ؟

مالك : الا صح مساعد جا معك ؟

جود : مساعد ؟ شتبي بمساعد ؟؟ من انتتت

مالك : هههههههههههههههههه قله يجيب الفلوس وبترك اخته .
.
.
.
.
.
.
.
.
.
.
1267 كلمه

ادري مانزلت امس بس انحذف البارت 😍

اههخخ بنزلكم بكره الحين بروح عند جدتي وماعندهم شبكه
وبكتب كم بارت

وبعد بكلمكم بموضوع مهم بس موب الحين
بنزل البارت لان الشبكه بتنقطع

معصلامه

احبكم 🌞💍

مع تحيات القاتله السفاحه الكتكوته الطيوبه الحبوبه المحبوبه فطوشه البطوشه 👁️👄👁️