I Got Trapped

Chapter VI- Hospital

Isang linggo ng nasa sa hospital si David ng walang malay..Bumisita na sakaniya ang lahat mga kaibigan niya, pati na rin ang mga teacher sa UMAK. nabalitaan nila ang nangyari sa kaniya ng dahil kay France. Si France ang katuwang ng mama ni David na magbantay sakaniya.

Laging nasa hospital si Mama Stephanie upang bantayan ang kaniyang anak. Isang linggo na itong hindi umuuwi sa kaniyang bahay. Tinatawagan niya si France at Anna upang magbantay sa kanilang kaibigan kapag may inaasikaso ito sa mga bibilhing gamot para sa kaniyang anak.

Isang gabi, tinawagan ni Mama Stephanie si Anna upang bantayan muna si David dahil mayroon muna siyang aasikasuhin. Pumayag naman si Anna na bantayan muna sandali si David para na rin makapag pahinga si Mama Stephanie.

Pagkarating ni Anna sa kuwarto ni David, wala na si mama Stephanie, naka alis na. Naiwang mag-isa sa kuwarto si David, walang malay. Umupo si Anna sa upuan na nasa tabi ng higaan ni David. Tinitigan niya ang mukha ni David na puno ng sugat at bandage.

"Nasira na tuloy ang mukha mo" buntong hiningang sabi nito.

Nakatulog na si Anna, kakahintay kay MamaStephanie.

Nagising si Anna, upang mag banyo ng pagdilat ng kaniyang mga mata, wala na si David sa kaniyang hinihigaan. Lumabas kaagad si Anna, upang hanapin si David. Nagpunta siya, sa nurse station para sabihin nawawala ang pasyente sa room 202. Tumulong na sa paghahanap ang mga nurse at ang ibang pasyente, Sinisilip nila ang lahat ng kuwarto, mga banyo at sa labas ng hospital. Bigo sila na makita si David, kaya nag decide na ang management na itawag sa pulis ang nangyari. Bumalik na si Anna sa kuwarto, at nabigla siya ng marinig niya ang tunog ng TV .Sinilip niya ito at laking gulat ng makita niya si David kumakain habang nakahawak sa remote. .

Kinuha kaagad ni Anna ang kaniyang cellphone upang ipa-alam sa Director ng hospital na nandito na si David at upang tawagan narin niya si Mama Stephanie. Pero hindi niya ito magawa ng hablutin ni David ang kaniyang cellphne at tumakbo. Hinabol ni Anna si David, pero nahinto rin ito ng makita niya si ito na huminto at nakahawak sa tagiliran niya na animo'y may masakit sa kaniya. Inalalayan kaagad niya ito, upang makahiga at tumawag na rin siya ng doctor upang alamin kung ano ang nangyari sakniya

_____________________

David POV:

Wala akong makita sa loob ng isang linggo, puro boses lang ang naririnig ko. Isang linggo rin akong nakahiga at hindi alam kung nasaan na ang katawan ko. Naririnig ko lagi ang boses ni mama at ng kaibigan kong si France, pero may isang boses ang hindi ko malaman kung kanino ito. Isang angelic voice ang lagi kong naririnig. Nalaman ko lang ito kamakailan ng bumulong ito sa akin.

"David gising na, miss kana ni tita" bulong nito sa tenga.

Kay Anna ang boses na ito, pero hindi ko na maisip na naging close sila ni mama, kelan pa? Isang linggo na akong ganito, laging may mga taong pumapasok na nag-uusap, mga taong hindi ko kilala.

May naririnig akong kausap ni mama na parang doctor o kaya pulis ng dahil sa mga pinag-uusapan nila nalaman ko na nasa hospital ako. Bakit ako nandito? Anong nangyari sa'kin? Bakit?

"Ma'am your son is in a deep coma, I'm so sorry to tell you this, but if he does not wake up for another week, We may be facing a lot of trouble."

Narinig ko ang lahat ng usapan nila, ako ay nakakaranas ng deep coma. Kaya pala wala akong makita o hindi ko magalaw ang katawan ko. Pero bakit, anong nangyari sa'kin, ba't wala akong maalala? Kasama ba ito sa nararanasan ko ngayon. Ang pagkakaroon ng amnesia? Hindi puwedeng walang rason kung bakit ako na-coma. Dapat malaman ko anong nangyari sa'kin.

Napapansin ko na may ginagawa si mama, parang may aasikasuhin siya. Pero hindi ko alam ang kaniyang ginagawa ng dahil na nga ay hindi ko magalaw ang katawan ko. Narinig ko na may kausap siya sa telepono. Sino kaya naman ang kausap niya, sana naman isang pulis o kaya doctor para malaman ko kung ano talaga ang nangyari sa'kin.