ကျွန်တော်ဒီနေရာကနေထပြန်ရင်ကောင်းမလား။ဘာလို့ရယ် ရေရေရာရာမသိပေမယ့် အကိုYoongiရဲ့ ကောင်မလေးလို့တွေးမိရုံနဲ့တင် ဒီနေရာမှာဆက်မနေချင်တော့ပါ။
"အကို Seokjin ကျွန်တော်ပြန်လိုက်တော့မယ် ဒီနေ့ကူညီပေးတာကျေးဇူးနော်"
"Jimin ဘယ်ကိုသွားမှာလဲ Yoongiတို့တောင်ရောက်လာတော့မယ် စားသောက်ပြီးမှပြန်လေ အကိုတို့လိုက်ပို့ပေးမယ် ခြေထောက်လည်းထိထားတာကို"
ဟင့်အင်း မနေချင်ပါ။တွေးကြည့်ရုံနဲ့တင် တစ်စက္ကန့်လေးတောင် ထပ်မနေချင်တော့ပါ။မျက်နှာချင်းဆိုင်လည်း မတိုးချင်တာကြောင့် Coatကိုသာ ကောက်ယူပြီး ပြန်မယ်တကဲကဲသာလုပ်နေမိသည်။
"ရတယ် အကို Taxiငှားသွားလိုက်မယ် ခြေထောက်ကဒီလောက်မနာတော့ပါဘူး"
ကလင် ( Bell ring )
ကျွန်တော့်ဆန္ဒတွေပြည့်ပုံမပေါ်။တံခါးဝကပေါ်လာတဲ့အကို့အသံက အံ့ဩနေသယောင်ပေါ်သည်။
"Jimin အရေးကြီးကိစ္စရှိလို့လား ထော့နေတဲ့ခြေထောက်နဲ့ ဘယ်လိုလုပ်အတင်းတွေပြန်နေတာတုန်း"
" ဟို...ဟိုလေ.…အကို အရေးကြီးတာရယ်တော့မဟုတ်ပေမယ့် အကိုတို့အကုန်ဆုံမယ့်အချိန်မှာ ကျွန်တော်ကရှုပ်သလိုဖြစ်နေမှာစိုးလို့ ကျွန်တော်ပြန်လိုက်မယ်အကို အရှေ့ကနေတက္ကစီငှားသွားလိုက်မယ် "
" အရေးမကြီးဘူးဆိုရင် နေလိုက်ဦးပေါ့ အကိုတို့အတွက်အရေးကြီးတဲ့သူမို့လို့ ကိုယ်မင်းနဲ့မိတ်ဆက်ပေးချင်လို့ လာထိုင် "
ပုခုံးကနေကိုင်ပြီး ထိုင်ချခိုင်းတော့လည်း ငြင်းမရပြန်။အရေးကြီးကိစ္စရှိတယ်ပြောလိုက်ရမှာ အခုတော့.....
"Yoongiရောက်လာပြီလား ကလေးရောဘယ်မှာလဲ လူကတော့Hoseokကလွဲပြီးစုံပြီ။သူကတော့ကိစ္စရှိလို့နည်းနည်းနောက်ကျမယ်တဲ့။"
အကိုSeokjinလှမ်းမေးတဲ့စကားကို အကိုက ပြုံးစစနှင့် " လာလိမ့်မယ် ဖုန်းပြောနေလို့ " ဟုသာပြန်ဖြေသည်။
အကိုနဲ့ခင်လာတဲ့ကာလပတ်လုံးမှာ အဲ့လိုအပြုံးမျိုးကျွန်တော်မမြင်ဖူးပါ။နူးနူးညံ့ညံ့အပြုံးမျိုး ....
YOU ARE READING
As you wish
RomanceZawgyi အခ်စ္ကတခါတေလ ဘဝေတြကိုလွပေစသလို တခါတခါလည္း ကြၽမ္းထိုးေမွာက္ခံုေတြျဖစ္ေအာင္လုပ္ႏိုင္စြမ္း႐ွိတယ္ Unicode အချစ်ကတခါတလေ ဘဝတွေကိုလှပစေသလို တခါတခါလည်း ကျွမ်းထိုးမှောက်ခုံတွေဖြစ်အောင်လုပ်နိုင်စွမ်းရှိတယ်