"ယောကျာ်း...ယောကျာ်းရေ "
နောင့်ခွန်း ခြံထဲအပင်ရေလောင်းနေတုန်း ချစ်ရပါသော အမျိုးသားလေး ဆီက ခေါ်သံကြားလို့ လှမ်းထူးရတယ်
"ဗျာ..ဗျ "
"ဗျာ ကို နောက်ထား လူအရင်လာခဲ့ "
ကဲ အိမ်ဦးနတ်လေးက အခေါ်တော်ရှိတော့လဲ လုပ်လက်စအလုပ်ကို ပစ်ထားခဲ့ပြီး ရှေ့တော်မှောက် ခစားဝင်ရပြန်တယ်
"လာပါပြီဗျာ့... ကဲပြော မောင့်အမျိုးသားလေး ဘာများမိန့်ကြားလိုပါသလဲဗျ"
"ခင်ဗျား မရွဲ့နဲ့ နော်"
ခွန်း က ပြောစရာရှိလို့ခေါ်တာကို ဒီလူကြီးက ရွဲ့သလိုလိုနဲ့
"မရွဲ့ရပါဘူးဗျာ "
ဆက်ငြင်းနေရင် ပြောချင်တဲ့စကားကိုရောက်မှာမဟုတ်လို့ ခွန်းဘက်ကပဲ လျော့ရတယ်
"တော်ပြီ ခင်ဗျားနဲ့ မငြင်းတော့ဘူး.. လာထိုင်ဦး ဒီမှာ တိုင်ပင်စရာရှိလို့"
"ဟုတ်ကဲ့ပါဗျ "
လင်လင်၂ ယောက် ဧည့်ခန်းက ဆက်တီခုံမှာ ထိုင်ရင်း ခွန်းကပဲ စကားစလိုက်သည်။
"တန်ဆောင်မုန်းလပြည့်နေ့အတွက် တိုင်ပင်ချင်လို့ "
"မောင့်အမျိုးသားလေး က ဘာအစီအစဉ်များတွေးမိလို့လဲ "
"ကျွန်တော် တို့အလှူလေးလုပ်မလားလို့ ပါ"
"မောင် တို့ နှစ်တိုင်း စတုဒီသာလုပ်ပြီး လှူနေတာပဲလေဗျ "
"အဲလိုမဟုတ်ဘူးလေ "
"ဒါဆို ဘယ်လိုလှူချင်တာလဲပြော မောင့်အမျိုးသားလေး စိတ်တိုင်းကျဖြစ်စေရမယ် "
"နိဗ္ဗာန်စျေး သဘောမျိုးလုပ်ချင်လို့ "
"ဘယ်လို နိဗ္ဗာန်စျေး လဲ စေကိုး "
"နိဗ္ဗာန်စျေးဆိုတာထက် ပစ္စည်းဝေချင်တာ "
"အင်း ဘာတွေ ဝေ မလဲ"
" ကျွန်တော် Uni ကျောင်းသားဘဝတုန်းက သူငယ်ချင်း နဲ့ ရန်ကုန် ကို လိုက်လည်ဖူးတယ် အဲ့မှာ "
"ခဏ အဲ့သူငယ်ချင်းက ယောကျာ်းလား မိန်းမလား ပြီးတော့ အရမ်းခင်လား"
YOU ARE READING
ရှမ်းအိုးစည် နှင့် မန္တလေးသား (Complete )
Fantasyစဝ်နောင့်ခွန်း :: ကောင်လေး~~~ ဒီချယ်ရီပန်းခက်လေးနဲ့အတူ ကိုယ့်အချစ်တွေပါ မင်းအတွက်ထည့်ပေးလိုက်တယ် ခွန်းစေကိုး :: ဘဲကြီး ~~~ ခင်ဗျားက ချယ်ရီပန်းခက်နဲ့အတူ အချစ်တွေပဲထည့်ပေးလိုက်တာ ကျွန်တော်က တောင်ပေါ်က ခင်ဗျားခြံလေးထဲမှာ နှလုံးသားပါမြှုပ်နှံထားခဲ့တာ...
