နောင့်ခွန်း မနက်အိပ်ယာနိုးတာနဲ့ မိုင်ငယ်ပြင်ပေးထားတဲ့ မနက်စာစားပြီး စခန်းဘက်သို့သာထွက်လာခဲ့သည်။နောင့်ခွန်းရဲ့ ဆိုင်ကယ်ကိုမစီးပေမဲ့ အမြဲတမ်းဆေးပေးထားပုံပင် အိမ်ထဲကဂိုထောင်ထဲမှာ ဒီအတိုင်းထားပေးထားတာမို့ အဆင်သင့်ထုတ်စီးလာခဲ့သည်။
"ကဲ ကဲ လူစုမယ် "
"ဟုတ် ခေါင်းဆောင်"
"ငါမင်းတို့ကို ပြောစရာရှိတယ် အခုဟိုဘက်ကမ်းကအဖွဲ့ကကောင်တွေဆို သိပြီးသားဖြစ်မှာပေါ့ အခုငါတို့အဖွဲ့ကို လာတိုက်ခိုက်တဲ့အဖွဲ့ရှိတယ် သူတို့အဖွဲ့က တက်သစ်စအဖွဲ့လေးဆိုပေမဲ့ တိုက်ရည်ခိုက်ရည်တော်တော်ရှိတယ် ဒါပေမဲ့ ငါတို့အဖွဲ့ကလူဟောင်းတွေလို စနစ်ကျနေတာမဟုတ်ဘူး အဲ့တာကြောင့် ဟိုဘက်ကမ်းကအဖွဲ့ထဲကို အဖွဲ့ခွဲခေါင်းဆောင်အဖြစ် ငါကဒီထဲကလူရွေးပြီး စေလွှတ်ချင်တယ် သွားချင်တဲ့သူတွေ ရှေ့ထွက်လာခဲ့"
အယောက်နှစ်ရာကျော် တန်းစီရပ်နေရာမှ တစ်ယောက်မျက်နှာတစ်ယောက်ကြည့်နေကြသည်။ဒီလိုအခွင့်အရေးမျိုးသူတို့လက်မလွတ်ချင်ကြမှန်းသိပေမဲ့ သူတို့ကအဖွဲ့ထဲကညီအစ်ကိုချင်းအရမ်းသစ္စာရှိကြသည်။ ထို့ကြောင့် သူတို့တစ်ယောက်မျက်နှာတစ်ယောက်ကြည့်ပြီး သူတို့ချင်းသာနားလည်ကြသည့် အကြည့်မျိုးဖြင့် မင်းသွားလိုက်ငါသွားလိုက် လုပ်နေကြတာ နောင့်ခွန်းသိတာပေါ့။ထို့ကြောင့် သူတို့စဉ်းစားလို့ရအောင် အချိန်ခဏပေးလိုက်သည်။
"ငါ့စိတ်တိုင်းကျ ရွေးလွှတ်လို့ရတဲ့သူတွေရှိပေမဲ့ ငါမင်းတို့ဆန္ဒအလျောက်ရွေးချယ်ခွင့်ပေးချင်တယ် အဲ့တာကြောင့် သေချာစဉ်းစားပြီးပြီဆိုရင် ရှေ့ထွက်ခဲ့"
တဖြည်းဖြည်းချင်း ရှေ့သို့ထွက်လာကြလေသည်။အကုန်လုံး 56 ယောက်ရှိသည်။
"ကျန်တဲ့သူတွေ မထွက်တော့ဘူးဆို ကိုယ့်အလုပ်ကိုယ်သွားလုပ်လို့ရပြီ ဒီလူတွေကငါ့နောက်လိုက်ခဲ့"
"ဟုတ် ခေါင်းဆောင်"
56 ယောက်က နောင့်ခွန်းနဲ့အတူ ဂိုထောင်တစ်ခုဆီသို့လိုက်လာခဲ့သည်။
YOU ARE READING
ရှမ်းအိုးစည် နှင့် မန္တလေးသား (Complete )
Fantasyစဝ်နောင့်ခွန်း :: ကောင်လေး~~~ ဒီချယ်ရီပန်းခက်လေးနဲ့အတူ ကိုယ့်အချစ်တွေပါ မင်းအတွက်ထည့်ပေးလိုက်တယ် ခွန်းစေကိုး :: ဘဲကြီး ~~~ ခင်ဗျားက ချယ်ရီပန်းခက်နဲ့အတူ အချစ်တွေပဲထည့်ပေးလိုက်တာ ကျွန်တော်က တောင်ပေါ်က ခင်ဗျားခြံလေးထဲမှာ နှလုံးသားပါမြှုပ်နှံထားခဲ့တာ...
