Sunghoonမနက်တစ်ပိုင်းလုံး လေ့ကျင့်ရေးအခန်းထဲတွင် အချိန်ကုန်နေခဲ့သည်။ထမင်းစားချိန်ရောက်နေပြီမို့ ခနနားလိုက်ရင်း Projectအတွက် စာဆွေးနွေးရမည်ကို သတိရမိသည်။သိရသလောက် နေ့လည်ခင်းတွင် အတန်းမရှိတာကြောင့် Jakeအခန်းထဲကထွက်လာလောက်မည့်အချိန်ကိုကိုက်ကာ ဖုန်းဆက်လိုက်လိုက်ရမလား မဆက်ရမလားဟူ၍ တွေဝေနေသည်။
စာသင်ချိန်ပြီး၍ တစ်ခန်းလုံး တစ်ယောက်တစ်ပေါက် ဆူညံနေကြစဉ် Jakeသူ၏လွယ်အိတ်ထဲမှ လှုပ်ရှားမှုတစ်ခုကြောင့် ဖုန်းကိုထုတ်ကြည့်လိုက်သည်။မထင်မှတ်ထားသည်က Park Sunghoonက သူ့အားဖုန်းခေါ်နေသည်တဲ့လား။အလျှင်အမြန်ပဲဖုန်းကိုလက်ခံလိုက်ကာ
"ဟယ်လို... Sunghoon
မင်းငါ့ကိုဖုန်းဆက်တာပဲ.."
".... Projectအတွက် စာအတူလုပ်ရမယ်ဆိုလို့"
"အင်း...ငါတို့နေ့လည်စာစားပြီး စလုပ်ကြမလား ငါကအတန်းပြီးပြီ...မင်းကော"
"ငါလည်းလေ့ကျင့်တာပြီးပြီ"
"ဒါဆို....အားကစားခန်းမရှေ့လာခဲ့မယ်"
ကျောင်းအနီးအနားရှိ စားသောက်ဆိုင်တစ်ဆိုင်တွင် အတူ၀င်ထိုင်ဖြစ်ကြသည်။လူများပြည့်ကျပ်နေသည်မဟုတ်သော်ညား ဖြတ်သွားသည့် ကျောင်းသားကျောင်းသူတစ်ချိူ့မှာတော့ လှည့်ကြည့်လှည့်ကြည့်နေနဲ့ပင်။Parksunghoonသည် မည်သူနှင့်မှ ထမင်းအတူထိုင်စားမည့်သူမျိုးမဟုတ်သည်မှာ အားလုံးအသိမို့ စိမ်းသက်သည့်မြင်ကွင်းတစ်ခုအဖြစ် တည်ရှိနေပေတော့သည်။
-
ထိုသို့နှင့်နေ့ရက်များကိုဖြတ်သန်းရင်းအလင်းရောင်ဖျဖျ စီးကြိုသည့်နံနက်ခင်းတိုင်းတွင် Sunghoonလာမည့်အချိန်နှင့်ကိုက်၍ Jakeနိုးထတတ်လာသည်။မနက်စာအတွက်တော့ ကော်ဖီဆိုင်က အကိုHeeseung၏ တာ၀န်ပင်ဖြစ်နေတတ်သည်။ကြုံရင်ကြုံသလို ကော်ဖီဆိုင်တွင်ထိုင်ကာ စာလုပ်ဖြစ်ကြတာကြောင့်အကိုHeeseungနှင့်ပါ ပို၍ ရင်းနှီးလာခဲ့သည်။Jakeနှင့်Sunghoonတို့ သိသိသာသာအဆင်ပြေပြေတွဲသွားတွဲလာရှိလာသည်မို့ နဂိုက Sunghoonကို ပင် ကြောက်စရာလူလို ထင်မှတ်ခဲ့ကြသည့်တစ်ချိူ့ကျောင်းသားများမှာလည်း အမြင်ပြောင်းလဲစ ပြုလာပေပြီ။
YOU ARE READING
Magical Peinture
Romanceအားလုံးပဲ Repunzal movie (Barbie version)လေးကို သိကြမယ်ထင်ပါတယ်။Repunzal ဟာ သူမဆွဲလိုက်တဲ့ မှော်၀င်ပန်းချီကားလေးကြောင့် ပိတ်လှောင်ခံထားရတဲ့သူမရဲ့ဘ၀ကနေ လွှတ်မြှောက်ပျော်ရွှင်ရာကိုရှာဖွေတွေ့ရှိခဲ့ရပါတယ်။ထိုဇာတ်လမ်းထဲကလိုမှော်စုတ်တံလေးနဲ့ရေးဆွဲတာမျို...
