(الموت)
رشيد :امي راح تنام وي حبوبتي باالمستشفى وصتني على غراض بنات راح ارتاح شوية وحضروهم
رغد : تكفلت بااحتياجات امي نوسة وبتول وعمتها كالو نروح وي رشيد ومناك نرجع لبيتنة
نوسة : انتبهت على بتول متغيرة وموصوفرة سالتها شبيج متغيرة واخير خبر حلو ويفرح كالت ماكو شي بس رحت لدكتورة كالت حامل وهاي اعراض الحمل نوسة صح احنة مخبوصين ومالنة خلگ بس الفرحة ماوسعتني اول حفيد باالعائلة فرحت كلش وشبكتها وكعدت اطيها إرشادات ليكول عندي ٦ والسابع بطريق بس صار عندي حس المسؤلية من كنت صغيرة واهتميت بزمزم الله يرحمها حضرت غراض لمي وحبوبتي وطلعو من البيت تقريبا ساعة بثمانية ونص بليل هسة الا صار عندي مجال اصلي وتوجهت بدعاء لحبوبتي افكر بحال امي شيصير بيها لو صار بحبوبتي شي
رغد : تعشينة انة واسنايا بس البيت فاهي بدون اللمة حطيت مخدة امي طبعا احبها لن مسوية اله وجه من حرير اسمي وهو ستن ناعم وشغلت التلفزيون اسنايا اجت انسدحت يمي ونوسة تفتر بلبيت صارة ساعة ١٢ اجة رشيد كلش تعبان سالته على حالة حبوبتي دنگ وكال ماتبشر بخير رغم صغر سني بس رشيد يحبني ويحترمني ومن يحجي وياي كآنما يحجي وي نوسة لن انة احترمة حيل واحبة شوية وراح رشيد ينام بقيت انة والبنات
رغد : من صبح جاي ابدل علمود اروح لدوامي رشيد كال ترحين وياي للستشفى تباتين وي امي ماتكدر بس هي شوف شكم يوم وطيب الحجية وترجع الاوضاع طبيعة ضجت كلش صديقتي زهرة تنتضرني باالباب وانة احب الدراسة كلة قدوة الصف يسموني سنو من سمعت بية ماروح كيفت عيد وجابه العباس اله بدلت وحطت رجل على رجل كالت ماروح انة ابقى بلبيت اساعد نوسة وادري كذب بس اطيتها على مايها زهرة صديقتي راحت من بعد ماتوادعت وياه وسديت الباب بدلت ومشطت ولبست تنورتي الكبس ونوسة تتأمل ملامحي بسعادة ورضا طلعنة انة ورشيد من البيت بيدي علاكة بية ترمز مي ونمنمات لمي والي حبوبتي مريضة ماتكدر تاكل اكيد دخلنة للمستشفى طبعا اتسودن من ريحة المستشفى اضوج منها مادري المسشتفى مااحبها كلش دخلنة حبوبتي خطية حالته سيئة وامي متغيرة كلش كلش ليكول مو يوم وليلة ليكول شهر وامي بهل الخراب كعدت سلمت على امي وبسته وكعدت اصبر عليها وحضنتها كالت حبوبتج ماطول تعبانة كسر باالحوض والرئتان متهشمة ونصها ممرودة تحجي وتبجي حقها فقدان الام صعب صعب محد يتحملة حتى القوي يلين لهذا الشي شوية وامي بدت تهداء واني اصبر عليها ورشيد هم ماتركنة ولالحضة بس حبوبتي كل شي ماكو بس تنفس على الجهاز بقينة ٣ ايام على هاي الحالة وامي كل يومية الفجر تفرش سجادته وتدعي من كل كلبها اسمع صوت امي ونحيبها وكلماتة وهي تحجي وي رب العالمين وترجع تباوع على حبوبتي فزيت طبعا عاملات النظافة الي باالمستشفى كعدو من صبح وحدة لابسة دهدادشة سودة ورافعته تحتها ملابس داخلية لونها وردي وتنظف بكل رحابة صدر كأن بيته وتسولف وي النسوان المرضة مرت على امي وكفت ها ام بدر : ربج كريم تكوم بسلامة حجيتج ان شاء الله
YOU ARE READING
سمراء الجنوب
Romanceالروايه حقيقيه خطفتني من بين النِساء عشقتُ حروفها تِلك السمراء منحتني الدِفئ في ظِل الشِتاء جمعت اشتائي بالإتكاء جعلت وجنتي تُضيئ بالبهاء لِماذا بعد ذلِك جازتني بالإنطفاء .. بين ضرة وضراير وعمة ومكايد بداية النهاية ٫٫✓
