الفصل الثالث____
(سمراء الجنوب )
للكاتبات: زينب المياحي زهور السيلاوي___
رغد : ولج تعاي بيت خالتي عدنا خاله ام مروان جايين يخطبوج لمروان وامي كالت خل تجي بسرعه ولا تداوم اليوم .
بتول : ياااا ودوامي انتي منو وداج امشي وبلبيت نتفاهم عيب منا البنات لحظه خل اخليهم يرحون واني وياج نرجع للبيت .
تقربت من البنات وكتلهن روحن انتن واخذلي اجازة وياجن من المدرسة كلولها امها مريضه او طلعن اي عذر ثاني يلا باي لزمتني زيتون .
زيتون : وج امشي للدوام انتي وزاري شلون تهوفين امتحانج وترجعين للبيت وره ما ترجعين فهمي امج
بتول : لا لا اروح اشوف امي واني ما اكدر ارد لأمي طلب تعرفيني ... اخذت رغد ورجعنة للبيت .
رغد ببراءه : واخيرا راح يصير عدنا عرس والبس بدلتي الي خيطتها امي الله عليج عرسي حبابه .
بتول : ههههه شكد زعطوطة انتي ودراستي تردين تفتكين مني ولج منو يدرسج اذا اعرس .
رغد : لا انتي كبرتي لازم تعرسين وج مروان يجنن وداعتي بس شنو شفته كاعد بلهول ويه امي ورشيد وبدر بس تدرين هم يطيج شبه عده براطم صدك لو كالو الطيور على أشكالها تقع .
بتول بعصبيه : هاي منو معلمج على هاي الامثال اكص ايدي اذا تفهمين معنى ويلا كافي امشي ولي كدامي .
رغد : مشينا على كيفج تلحكين عيني على الدوام هي امي ودتني عليج اني شعلية تذبين حركتج بية والله يا الله .
صدك جنت ضايجه وما رديت عليها وصلنة دخلت للبيت واسمع صوت خالتي وامي واخواني يحجون عني بالديوانيه واني ميته خجل
كبل ركضت للهول جانت دوانيتنه بابها بره وبصفها الهول همزين الباب رادينه متت خجل دخلت لكيت نوسة تصب جاي واسنايا كاعده تخيط لعبتها ملابس دائما تشتري لعابات وتخيط الهم ملابس كلش شاطره بهاي السوالف .
صحت ها نوسة بأسمها استحي اكلها ام النوس لان اختي الجبيره وكلش احترمها .
نوسة : ها حبيبتي رجعتي .
بتول : شنو الموضوع .
نوسة : الموضوع بيت خالتي ام مروان جايين يخطبوج لمروان شنو رأيج انتي وترى اني هيج جاي أسألج لان القرار الأول والأخير لبدر ورشيد وامي لان مثل ما تعرفين من بعد ما توفى ابوي المسؤولية زادت على امي وما تكدر توفرلنة كل شي وهي تعبانة انتي ما شاء اللة جاي تتقدمين بالدراسة وتحتاجين كتب تحتاجين ملابس مصرف وامي ما تكدر بلكي من تتزوجين مروان يخليج تكملين دراسة شتكولين انتي .
ضجت كلش وبين على ملامحي : بعد شكول القرار مو بيدي ونص الكلام صح انا ما يهون علية تعب امي على حساب سعادتي هاي هي موافقه .
KAMU SEDANG MEMBACA
سمراء الجنوب
Romansaالروايه حقيقيه خطفتني من بين النِساء عشقتُ حروفها تِلك السمراء منحتني الدِفئ في ظِل الشِتاء جمعت اشتائي بالإتكاء جعلت وجنتي تُضيئ بالبهاء لِماذا بعد ذلِك جازتني بالإنطفاء .. بين ضرة وضراير وعمة ومكايد بداية النهاية ٫٫✓
