شياطينهم ترقص على افعالهم،،
الأقربون طعناتهم دائما تقتل لأنها تاتي من مسافات قصيرة "
جبر. دخلت للمحل معدوم عادمة عدام مامخلي بي شي صاحي كل شي مكسر تكسر مستحيل مو اب هذا معقولة اب هيج يكره ابنة تحملت ضربه وتعنيفه الي ولمي وساكت لدرجة اروح اروح للمعهد وجهي مزورك وجسمي يأن علية من الم الصوندات كل الذكريات المرة صارة كبالي هنا لازم اتخلص من هذا الشيطان واتخلص منة سحبت اقسام وطلقة طلقتين ثلاثة براسة اي انة كتلت ابوي وتخلصت منه شر الاشرار
اسنايا... تراكضنة على صوت الرمي المحل كان قسم من الحديقة فصوت كلش واضح ومنطقة هادئة فصوت كلش واضح بس نسوان ادومي يبجي وراي عفتة ورحت اركض احس الدم توقف يسري بجسمي بالف ياعلي وصلت وراهن للمحل لكيت ابو جبر بلكاع سابح بدمة وام جبر والحجية والعلوية وشذن يصرخن الموقف مرعب لدرجة اتجمدت بمكاني ابني لازم بأطرف نفنوفي ويبجي اخذتة وطلعت وصرخاتهم اتعالت وترست البيت ساعة وكلها التمت علينة زلم ونسوان اقرباء وغرب كلها تتوعد ومتحلفة بجبر جبر فص ملح وذاب اياد حضر سلاحة وصگر نفس الحالة اخوهم وعزيز عليهم الحجية تصرخ بكل قوى وتملخ بنفسها وتبجي
رغد... كاعدين انة ونوسة وامي واجى مسلم وجه مخطوف
مسلم... يمة حضرن رووحجن خل نروح لسنو جبر كاتل ابو
نوسة. امي لطمت على صدرها
اذكرت موقف عزت وهسة جبر كتل ابو
شنو جاي يصير بدنيا معقولة طالع من صلبة يكتلة اوف
"يبدو ان القتل مثل الموهبة تحدث احيانا في العائلات"
اخذنة مسلم ورحنة للفاتحة فاتحة حيل ثكيلة ناس معروفين على مستوى بعد بيت حجي جاسر
اسنايا حيل متاثرة خطية وتبجي ومصدومة حقها بس انة ماتفاجاءت لن مريت بنفس الموقف. رجعنة للبيت مسلم حيل متاثر ورشيد يسب ويلعن يكول ابن يكتل ابو الله اكبر امي خطية هم مقهورة
رغد... كاعدين انة دعيت كون تجي بتولة ودة ضوجة والله شوية ودخلت بتولة هي وحمودي طرت من الفرح كعدنة انة وياها ونوسة سوالف سولفنة على عمران
بتول. ولله لقطة عمران
نوسة. وانة شعلية
بتول. شنو سمعتيني صحت بأسمج خية جاي اتغزل بابن عمي
رغد. يبوي عيونة جتالة خضر وكبار وهيبة هيبة
بتول. اكلج هو الوحيد الي بلعشيرة مثقف ودارس يمكن
رغد. ي ولج نوسة شنو شايلة خرزة محبة وين الصاك يحبج
نوسة. استغفر الله كافي
بتول. رغودة حبيبي كافي كثرة الدك على الحديد يلين الحديد
رغد. تعمدنة انة وبتول نحجي هيج لن العالم كلت روسنة كلساع واحد جاي خاطب وعمران خوش ولد واقربائنة وامي كالت حاجنة اني مادايممة الجن دوم
YOU ARE READING
سمراء الجنوب
Romanceالروايه حقيقيه خطفتني من بين النِساء عشقتُ حروفها تِلك السمراء منحتني الدِفئ في ظِل الشِتاء جمعت اشتائي بالإتكاء جعلت وجنتي تُضيئ بالبهاء لِماذا بعد ذلِك جازتني بالإنطفاء .. بين ضرة وضراير وعمة ومكايد بداية النهاية ٫٫✓
