اسنايا . موافقة
يابائع الصبر لاتشفق على الشاري فدرهم الصبر يسوى ألف دينار لاشي كالصبر يشفي جرح صاحبه ولاحوى مثله حانوت عطاري هذا الذي تخمد الأحزان جرعته كبارد النار يطفى حدة النار
نصيف اليازجي
سامي . يافرحتي بيج لعابتي
اسنايا . ابتسمت مجاملة خوفآ من رشيد حقدت على رشيد ليش سوه بيه حرام والله ماريد قطع صفنتي
سامي. شنو رايج نعقد وره العقد نسوي حفلة
اسنايا.. بكيفك
سامي . ماكو بكيفي أنة جاي اسألج
اسنايا مادري
سامي . يابة جاية اسألج وآنتي يامادري يا بكيفك هذا هو يوم العقد ويوم الجمعة نسوي الحفلة
اسنايا . مع سلامة
سامي ... لامبين كلش حابتني
اسنايا. بكلبي تدري مااطيقك ولازك بيه حتى العلج ينشلع إذا لزك بشي بس أنت شنو يشلعك نوب تنحسب علية رجل
رغد . ها ولج شصار
اسنايا مصار شي
رغد. كافي عفية ضحكي سولفي عيب باجر عقدج وأنت مغندبة ليكول ميت الج واحد
اسنايا. انة الميته رغد انتم موتوني
رغد . فدوة اروحلج لاتحجين هيج انة شبيدي عليج
اسنايا . اخذي انتي عفية والله مااحبه من كعدنا سوه احس اختنگت اكره
رغد . سكتي خية سكتي لايسمعج رشيد
ام نوس امي كعدت من صبح كالت ضروري نروح لسوك نشتري فستان. عقد لسنو وصواني تريد مال تقديم وشغلات مطبخ سحلنة سنو ويانة أول مرة رفضت بس بعدما رزلتة امي سدت حلكها واجت ويانة اشترت فستان ماروني وبي شريط ذهبي على الصدر
ورجعنة
ام بدر . ضلن بملابسجن لازم تروح تحف
ام نوس يمة خلي ود تاخذها عندي شغل بلبيت
ود . زين نروح لتفاحة مو
ام بدر أي هي احسن وحدة تحف
اسنايا اخذتني ود ورحنة لتفاحة طبعا تفاحة معروفة بلمنطقة تخبل مادري ليش كل امهات الصالونات هيج حلوات أول ماكعدت حفت وجهي تسولف وتضحك وياي
تفاحة .. ولج تخبلين جنج رشيد بس شوية انتي حنطاوية
اسنايا. هم. ********** كلش ضجت الضاهر الأخت معجبة بي كلساع وكالت رشيد حتى زهكتني
تفاحة كومي شوفي شلون شمرت الج حاجبج صار هلال سويته الج هلال
اسنايا . رسمتة الحاجب الجانت دارجة الهلال وخفاف كلش يسون الحاجب وانة من الله حاجبي شكم شعرة صدك سمرة بس ملسة على امي مو مشعرة وجسمي ابيض عكس وجهي تماما يمكن لهطت هواي بطفولتي وصار وجهي اسود هيج
VOCÊ ESTÁ LENDO
سمراء الجنوب
Romanceالروايه حقيقيه خطفتني من بين النِساء عشقتُ حروفها تِلك السمراء منحتني الدِفئ في ظِل الشِتاء جمعت اشتائي بالإتكاء جعلت وجنتي تُضيئ بالبهاء لِماذا بعد ذلِك جازتني بالإنطفاء .. بين ضرة وضراير وعمة ومكايد بداية النهاية ٫٫✓
