اباوع ل ام بلسم صبعها بصفها وهي فاقدة امي مشمورة نص بيتنة وكع المكان انترس عويل وبكاء وعياط عالي رجال ونساء اهل وغربة لحضات وفقدت السيطرة على نفسي ماحسيت إلا وانة بلمستشفى واهلي مخبوصين
ام بدر... يمة يمة نوسة بيه ولابيج
الله ينتقم منكم ياضالمين
عزت. اهدي خالة ماكو داعي لهل القلق
ام بدر. بحزن اضنك ماسمعت لدكتور شكال يكول نبتر رجلها
عزت.. خلقنا لنختبر خالتي عزيزتي خليج قوية لخاطر نوسة مايصير هيج
ام بدر... وينهم وينة رشيد وينة مسلم حمدي وين يمة وليدي بنياتي شلونهن
عزت... خالة اثناء وقوع الصاروخ كنتي انتي ونوسة وام بلسم فقط متواجدين بمكان الحادث رغد واسنايا وحمدي داخل البيت
احنة مقبلين على الشهر الفضيل هدي من روعك وكوني مؤمنة باالاقدار
ام بدر. حجيك صحيح وليدي بس بنتي شلون تريدني ارتاح وهي بعدها بعمر الورد وتكعد على رجلها مبتورة
عزت. خالتي قبل نص ساعة كنت يم الدكتور واحتمال هذا الاجراء يستبعد بس راح تواجه صعوبة بالمشي احتمال تعاني من العرج والخيار الكم يااما تبتر قدمها او تبقى تعاني وتحافظ على جمالية شكلها
ام بدر القرار قرارها ياأمي خل تصحى وربك كريم
عزت. يلا خالة اني استأذن عندي شغلة ضرورية دقائق وراح يجي يمج مسلم ورشيد
ام بدر. تعبتك وليدي الله يسهل امرك ويحفضك
عزت... على راسي خالتي تدللي
اسنايا... اخذو نوسة وراحو وانة ورغد ماضلت دمعة بعيونة محد موجود بس ام سلمان وشكو علم طايح حضة تجيبه النة
ام سلمان.. هسة ماتت البت مبينة ماتت على هذا الصاروخ يكلك موذر صبع ام بلسم وذرتين
رغد. خالة عفية كافي ماشوفين الحال وانتي تحجين هيج ماعايزين ضيم دخيلج
ام سلمان.. يا يا ولج رغيدة طلعت من بيتي وتحديت الخطر والموت علمود اجي يمجن نوب تحجين هيج ومايعجبج كلامي
رغد لا خالة العفو منج بس والله اريد اسمع شي يصبرني على اختي وامي فدوة شوفيلنة واحد من الولد
ام سلمان. خوش سدي الباب وراي ودير بالجن الدنيا تخوف
اسنايا... شوية واجة علية سامي سامع بالخبر انخبص خبص اخير شي كال امشي اخذج للمستشفى نشوف شنو الوضع كيفت بدلت ورغد بدلت وياي وقفلنة البيت وطلعنة كعدت كدام يمة بصدر ورغد وره وصلنة للمستشفى مرعوبين وخايفين نواجه الواقع الفرض نفسة على اختي دخلنة كبل لصالة الكسور الضاهر اختي متكسرة امي واكفة ومسلم ورشيد ضل سامي يحجي هو ورشيد ومسلم اخذنة امي ورحنة لنوسة حالتها تبجي تصرخ بكل قوتها من الألم وتبجي بحرگة وكفنة قريب عليها نصبر بيها لحضات وغابت عن الوعي اضاهر خدروها
YOU ARE READING
سمراء الجنوب
Romanceالروايه حقيقيه خطفتني من بين النِساء عشقتُ حروفها تِلك السمراء منحتني الدِفئ في ظِل الشِتاء جمعت اشتائي بالإتكاء جعلت وجنتي تُضيئ بالبهاء لِماذا بعد ذلِك جازتني بالإنطفاء .. بين ضرة وضراير وعمة ومكايد بداية النهاية ٫٫✓
