.. خذوك بلا تعب
جنك ورث ميتين..
رغد... اوف اوف منج مات مات كافي راح تموتين امي وياج فدوة اروحلج اصحي
ام حيدر.. لا اله إلا الله حبببتي اروحلج الف فدوة والله وكعتي كلوبنة عليج لخاطر عزت صيري قوية والله اجالي بلحلم يكول دير بالجن عليها لاتأذينة وهو بقبرة
نوسة. فحتت عيون على اثر ماي ذبو على وجهي وجه امي وجه رغد اباوع بلوجه تمنيت اشوفه بينهم اغالط روحي واكول حلم ويرجعلي فزت كلبي نتحرت مرتين بس الروح سبحانة الخلاها بلجسد هو الياخذها
رغد... بعد الحادث شددنة المراقبة على نوسة عشر ايام مرت وهي بس الماي والشوربة وكوه نشربها والسوائل تعبنة نفسيا وجسديا مسلم ورشيد ويانة رشيد طلب من امي نرجع للبصرة وكال نوسة ترجع ويانة بعد مالها ضله هنا حضرنة وللملمنة اغراضها هي فاقدة بس تترقب البيت بعيونها اجت دخلت لغرفتها حطت ملابس عزت كلها بجنطة وجابت ادوات الرسم مالته هم خلتهم بجنطت الادوات
نوسة.. ههه شبيج هو مامت مات بنضركم بس اانة عايش وياي هاي ناخذهن ويانة خاف يجي ياخذني ي شوفي تذكرين جان يضل عشر ايام وياي مايفاركني هسة اروح وياكم وهو مو وياي اي اي يمل من الوحدة ويجي مشتاقتلي ويصيح بقلاوة حبيبتي روح عزت ونعكد سوه تدرين جان يشعرلي دوم اسمعج شنو يشعر انة حفظت كل كلامة
رغد. الحزن غيمة وعلى صدري وكفت تحجي وماكدرت احبس دموعي وتحجي علية بصيغة حي موجود وواثقة
اي سمعيني شنو يكول
نوسة... خاف بليالي العمر تطشر اسنيني..
اتطشرن مو اتطشرن سنين عزت يابعد روحي اه اه حسبي الله ونعم الوكيل عليك
رغد.. فقدت رجعت تصرخ وتشلع بشعرها اجة مسلم وحيدر ورشيد يركضون شالوها جثة منتهية اخذوها لصالة بسرعة لملمت الجنط وطلعت وسديت الباب حيل انقهرت غراضة ملابسة ساعاته الف رحمة تنزل على قبرك ويصبر اختي
بهاي الاثناء اجو من المركز ضباط ومحققين ونفتح محضر تحقيق ونعاد اليوم الاليم على نوسة وانتهة بشكوة نوسة على ابو مهيب
ام بدر... مع سلامة وماقصرتي ياطيبة ان شاءالله خاتمة احزانكم ومانزوكم إلا بلمسارات
ام حيدر. ادعيلي الله يصبرني على فراك اخوي ومرتة
ام بدر.. ربج كفيل لاتنسين فاكدة ثنين وهياتني كبالج ربج ارحم الراحمين الله يرحمه ويصبركم ويصبر بنتي ويجبر كلبها ادعيلها بنتيي تعبانة ام حيدر ولاتكطعين بيها انتي من ريحة المرحوم
ام حيدر. مودعين بالله ومحمد وعلي
... البصرة...
اسنايا... ياعمة شصاير خير
YOU ARE READING
سمراء الجنوب
Romanceالروايه حقيقيه خطفتني من بين النِساء عشقتُ حروفها تِلك السمراء منحتني الدِفئ في ظِل الشِتاء جمعت اشتائي بالإتكاء جعلت وجنتي تُضيئ بالبهاء لِماذا بعد ذلِك جازتني بالإنطفاء .. بين ضرة وضراير وعمة ومكايد بداية النهاية ٫٫✓
