الماهمة اهتمامي سقط حقة
بعد يحلم دقيقة ابالي يبقى
اريد اليسهر ويتعبلي ويذوب
عندي الحب على كد المشقة
........... يوم الحادث
رغد... سنو خلاص اطلقت من سامي وبشهادة مسلم ورشيد مثل مازوجها بشهادتة طلكها بشهادتة الدنيا كلش صغيرة افترت افترت ورجعت عمي نصار سوه اللازم وي رشيد واتحمل العبئ الأكبر من هذا الزواج مر اليوم بسلام تام رغم الانفس كانت مشحونة لكن الاحترام لايزال قائم عمو نصار موجود الكل يحترم ويتقبل وهو الممنون ثاني الصبح عمو رجع لنجف بعد توصيات وتحذير شديد لرشيد ويرجع في اتخاذ اي قرار لعمي ويستشيرة
العصر سمعنا الهوسة بشارع وصوت زلم مجرد سماعنا الصوت انطرق الباب ام سلمان ماتفوته فايتة اكيد ولاعصيدة بايتة
ام سلمان... ولج رغيدة كلاص ماي اخ افادي موتني من الهبطة
رغد. خالة شصاير
ام سلمان. امج امج ماتدري ب اخوج بيت سامي وصارت طكني واطكك مالة رداد رشيد ولا صداد
رغد. والله الدم احس انتهت حركة ماكدر اتحرك صحت بصوت رج البيت رج يمة يمة يمة
ام بدر. غدي شنو هذا الصوت العالي شبيج
رغد. يمة ابنج مسويها كربلة ابيت ام سامي
ام بدر. اوي شكول عليج سنو الله ياخذج ويفكني من شرج شر الأشرار وكيد الفجار وين وصلتينة وين الله ياخذني ويفكني من عدكم تعبت ياناس تعبت
ام سلمان . الحجي مايوكل خبز تلاحكي ابنج شوفي شصار
رغد.. امي كبل اختنكت وتكومت بلكاع الغدة كلش مأذيتها اخذنها اكثر من مرة لدكتور الغدة سليمة لكن متكاثرة واذ قلعتها رح تروح حبالها الصوتية واحتمال تفقد صوتها حاولنها وياها بكل الطرق رفضت رفض قاطع وهاي كلما تصير هوسة توكع وتختنك ورة نص ساعة تماما صحت امي وبدلت وراحت هي وام سلمان تشوف شنو صاير انة وبتول وسنو بلبيت كلش تصرفها شغل نار مايطفيها غير الثارات بتول بس تدعي وتستغفر وامي حيل طولت رجعت امي بس مو مثل ماراحت رجعت الوجه مايتفسر التمينة عليها انة وبتول ونوسة سنو معتكفة بلغرفة لن طحنه عليها رزايل ودك غلط
ام بدر. يمة ابني راح يم ابني يمة ابني انسجن مايطلع ولجن مايطلع ابو سامي مات مات
رغد... اجت سنو تصيح وتبجي عمي شلون توفة وتملخ بوجها
ام بدر... كلة منيج ياشيطانة الله لايوفقج الله لايوفقج الله لايوفقج
رغد. سكتت وتخطتنا شوية ورجعت لابسة عباية وتريد تطلع
ام بدر. وين رايحة وين متشوفين الدنيا محتركة
اسنايا... ماكدر اعوف سالي شلون عمو مات هسة منو يصبرها
أنت تقرأ
سمراء الجنوب
Romanceالروايه حقيقيه خطفتني من بين النِساء عشقتُ حروفها تِلك السمراء منحتني الدِفئ في ظِل الشِتاء جمعت اشتائي بالإتكاء جعلت وجنتي تُضيئ بالبهاء لِماذا بعد ذلِك جازتني بالإنطفاء .. بين ضرة وضراير وعمة ومكايد بداية النهاية ٫٫✓
