BLOGGER
- Part 1 -
- KJM Travel Agency -
"ဒီပိတ်ရက်အတွက် ဂျပန်ခရီးစဉ်က လူဦးရေပြည့်သွားပါပြီခင်ဗျာ"
"လန်ဒန်ကို ရက်ရှည်ခရီးအတွက် အသေးစိတ်ကို agency မှာ လာဆွေးနွေးလို့ရပါတယ်ရှင့်
အသက်သာဆုံးနဲ့အဆင်အပြေဆုံး ဆောင်ရွက်ပေးမှာပါ"
နှစ်သစ်ကူးပိတ်ရက် ခရီးသွားရာသီနီးနေပြီဖြစ်သောကြောင့် ဖုန်းဖြေသံများ၊ ကိုယ်တိုင် ခရီးစဉ်လာဝယ်သော ဧည့်သည်များနှင့်
ဆူညံနေသော agency အောက်ထပ်ခန်းကနေဖြတ်ပြီး အပေါ်ထပ်ကိုတက်လာလိုက်သည်။
ချန်ယောလ်က ဒီ agency ပိုင်ရှင်နှင့် ရင်းနှီးတာ နှစ်နှစ်နီးပါးရှိပြီဖြစ်လို့ တစ်ခုခုလိုအပ်တာများရှိရင် သူ့ရုံးခန်းထဲတန်းသွားလိုက်ရုံပင်ဖြစ်သည်။
ဒီ agency ရဲ့ အစီအစဉ်နဲ့ တစ်ခါ ခရီးသွားပြီး ချန်ယောလ်ရဲ့ Blog မှာ recommend ပေးမိပြီးကတည်းက ပိုပြီးတိုးတက်လာတဲ့ လုပ်ငန်းအနေအထားကြောင့်
ဒီက ပိုင်ရှင်နှင့် ချန်ယောလ်က ဆက်ဆံရေးတော်တော်လေးကောင်းကြသည်ဟုပြောရမည်။ ပိုင်ရှင်ကိုယ်တိုင်က နဂိုကတည်းက သဘောကောင်းပြီး ချန်ယောလ်က အပေါင်းအသင်းဆန့်တာလည်း ပါမည်ပေါ့။
တံခါးခေါက်ပြီး အခန်းထဲတန်းဝင်လိုက်တော့ စားပွဲမှာထိုင်နေတဲ့ ပိုင်ရှင် ကင်ဂျွန်မြောင်က Laptop ကို ကြည့်နေရာကနေ မော့ကြည့်လာသည်။
"ချန်ယောလ် ပါလား...
ဒီနှစ် ဘယ်ခရီးစဉ်မှ အပူမကပ်လို့ ထူးဆန်းနေတာ
ညကျ ဖုန်းခေါ်ကြည့်ဖို့တောင်တွေးနေသေးတာ
ကဲ..ပြော ဘယ်သွားမလဲ"
ချန်ယောလ်က ရှေ့ဘက်က ဆိုဖာမှာထိုင်တော့ ဂျွန်မြောင်ကလည်း လုပ်လက်စကို ရပ်လိုက်ပြီး ချန်ယောလ် မျက်နှာချင်းဆိုင်မှာ လာထိုင်သည်။
"မသွားသေးဘူး အစ်ကို
ဒီနှစ် နှစ်ကူးပိတ်ရက်ကို oversea မဟုတ်ဘဲ local က နေရာကောင်းလေးတွေပဲရွေးပြီး သွားမလို့
oversea တွေ ဆက်လာတော့ လူကနည်းနည်းပင်ပန်းနေတယ်"
"အင်း ကောင်းပါတယ်
အကုန်လုံးက အပြင်ထွက်နေတဲ့အချိန်မှာ နိုင်ငံတွင်းက နေရာလေးတွေ ပြပေးတာကောင်းတာပေါ့
Budget သမားတွေလည်း အဆင်ပြေတာပေါ့"
ČTEŠ
BLOGGER
Fanfikce🌍ကမ္ဘာအနှံ့က စိတ်ဝင်စားဖို့ကောင်းတဲ့နေရာတွေကို စူးစမ်းရှာဖွေနေတဲ့ Freelance Blogger ပတ်ချန်ယောလ်နဲ့ ကလေးစိတ်မကုန်သေးတဲ့ Blogger လက်ထောက် ဒိုဂျောင်ဆူး ❤️ Unicode + Zawgyi
