BLOGGER
- Part 5 -
ကျောဘက်ကနေ ဖက်ပြီး ခြေထောက်နှစ်ဖက်နဲ့ပါ ခွထားတဲ့ အငယ်လေးကြောင့် ဂျွန်မြောင် အလုပ်ကောင်းကောင်းလုပ်လို့ မရ။
ခရီးကပြန်လာပြီးကတည်းက တစ်ချိန်လုံးတောက်လျှောက်လိုက်နေပြီး အလုပ်သွားရင်လည်း တစ်ချိန်လုံးကပ်နေတတ်သည်။
သူ့ကို အချိန်ပေးမယ်လို့ မပြောမချင်း ဖက်ထားတာကို ဖယ်မဲ့ပုံမပေါ်ဘူး။
"ကလေး ဖယ်ဦး ဒါလေး လက်စသတ်ပြီးရင် ထမင်းတူတူစားမယ်
ညနေပန်းပွဲတော်သွားချင်တာမလား လိုက်ပို့ပေးမယ်"
"တကယ်နော် ဂျွန်"
"အင်း တကယ်"
"မြန်မြန်လုပ်နော်"
ဖက်ထားတာကို လွှတ်ပြီး တစ်ဖက်က ဆိုဖာပေါ်ရွှေ့သွားသည်။
"ခရီးသွားနေတုန်းကရော ချန်ယောလ်ကို အဲ့လိုလိုက်ကပ်နေတာပဲလား ဂျောင်လေး"
"မကပ်ပါဘူး ဂျွန်ကလဲ.."
"ချန်ယောလ်နဲ့အလုပ်လုပ်ရတာ အဆင်ပြေရဲ့လား နောက်ခရီးတွေရော ဆက်လိုက်ဦးမှာလား ဂျောင်"
ဆိုဖာပေါ်မှာ မှောက်လျက် ခြေထောက်ထောင်ရင်း ဖုန်းသုံးနေရာကနေ ဂျွန်မြောင်ကို လှမ်းကြည့်သည်။
"မသိဘူး ဂျွန်"
"ချန်ယောလ်က မနေ့ညက ကိုယ့်ဆီဖုန်းဆက်တယ်
သူက ကလေးနဲ့ အဆင်ပြေတယ်တဲ့
ကလေးသာ ဆက်လုပ်မယ်ဆို နောက်ခရီးခေါ်သွားချင်တယ်လို့ပြောတယ်"
"ကျွန်တော် မသိသေးဘူး
ခရီးသွားရတာကောင်းပေမဲ့ အလုပ်ကိစ္စကြီးနဲ့ဆိုတော့ သိပ်မပျော်ဘူး ဂျွန်
ပြီးတော့ အဲ့လူက ပြောရဆိုရ လက်ပေါက်ကပ်သေးတာ"
"အလုပ်ပဲ ကလေးရယ်
အပျော်ခရီးနဲ့တော့ ဘယ်တူပါ့မလဲ"
"သူက ကျွန်တော့်ကို အလိုမလိုက်ဘူး"
"ချန်ယောလ်က ကလေးနဲ့ အလုပ်သဘောပဲပတ်သက်တာလေ
ဘယ်လိုလုပ် ကလေးအလိုလိုက်မှာလဲ..
Online course ကရော စာမလုပ်ရဘူးလားကလေး စာလုပ်တာလဲမတွေ့ပါလား"
"လုပ်ရမှာ ပျင်းနေသေးလို့"
"ကိုယ်လုပ်ရမှာတွေကို ဘယ်တော့မှ မပျင်းနဲ့ ကလေး
ကိုယ်က ကလေးကို အမြဲချစ်ပြီး အလိုလိုက်ပေမဲ့ ပေါ့ပျက်ပျက်နေတာတွေကို ခွင့်မပြုဘူးနော်"
YOU ARE READING
BLOGGER
Fanfiction🌍ကမ္ဘာအနှံ့က စိတ်ဝင်စားဖို့ကောင်းတဲ့နေရာတွေကို စူးစမ်းရှာဖွေနေတဲ့ Freelance Blogger ပတ်ချန်ယောလ်နဲ့ ကလေးစိတ်မကုန်သေးတဲ့ Blogger လက်ထောက် ဒိုဂျောင်ဆူး ❤️ Unicode + Zawgyi
