BLOGGER
- Part 6 -ဟိုယိမ်း ဒီယိုင်နဲ့ ငိုက်ကျနေတဲ့ ခေါင်းလေးကို ချန်ယောလ် ပခုံးပေါ်သေချာနေရာချပေးလိုက်သည်။ ချာတိတ်လေး လေယာဉ်ပေါ်ရောက်ကတည်းက ဂိမ်းဆော့လိုက် မုန့်စားလိုက် လုပ်နေရာကနေ ၃ နာရီလောက်ကြာတော့ ဖုန်းကြီးကိုင်ပြီး အိပ်ပျော်သွားသည်။ ၆ နာရီကြာစီးရမည်ဖြစ်သောကြောင့် အချိန်လိုသေးသဖြင့် ကလေးသက်သက်သာသာ အိပ်ရအောင် ဖုန်းကိုသိမ်းပေးရင်း ခြေထောက်ပေါ်ကို ကုတ်တစ်ထည်ခြုံပေးထားလိုက်သည်။
ပြီးခဲ့တဲ့ Tokyo Disneyland Blog က ထင်တာထက် တော်တော်လေး ပေါက်ခဲ့ပြီး Website viewer လည်းတက်သည့်အပြင် စပွန်ဆာပေးခဲ့သည် အဝတ်အစားများကလည်း ရောင်းအားတက်လာသည်ဆိုသောကြောင့် ချာတိတ်လေးက ဒုတိယခရီးအတွက် လိုက်ပါဖို့ သဘောတူလိုက်သည်။
ဒီတစ်ခေါက်ခရီးက hiking နဲ့ camping တွဲထားသည့်နေရာမို့ အနည်းငယ်တော့ပင်ပန်းနိုင်သည်။ Budget trip အနေနဲ့သွားမှာဆိုတော့ အရမ်းတော့ သက်သောင့်သက်သာဖြစ်နေမည်မဟုတ်ပေ။ လူငယ်ခရီးသွားများအတွက် ရည်ရွယ်သောကြောင့် အများသုံးယာဉ်တွေနဲ့ ငွေကြေးသက်သာမည့် တည်းခိုစရာနေရာများကိုသာရွေးပြီး သွားမည့်ခရီးဖြစ်သည်။"အွန်း ဖင်နာလိုက်တာ"
"နိုးပြီလား"
လက်နှစ်ဖက်ကို ဆန့်ထုတ်ပြီး စကားထပြောပေမဲ့ မျက်လုံးကတော့မပွင့်သေးပေ။ ထိုင်လျက်အိပ်ပျော်ရသည့်အနေအထားမှာ သိပ်အဆင်ပြေပုံမပေါ်။
"ငုတ်တုတ်အိပ်နေရတာ ဖင်တွေတောင်နာနေပြီ မရောက်သေးဘူးလား ယောလ်"
"တစ်နာရီခွဲလောက်လိုသေးတယ် ချာတိတ်"
"ဗိုက်ကဆာနေပြီ"
ဗိုက်ဆာနေပြီသာပြောတာ ခေါင်းကို ချန်ယောလ်ပခုံးပေါ်ပြန်တင်ပြီး ပြန်အိပ်နေပြန်သည်။
"ချာတိတ် သန့်စင်ခန်းမှာ မျက်နှာသွားသစ်လိုက်လေ
တောက်လျောက်အိပ်နေရင် နေလို့မကောင်းဘဲနေမယ်
ခဏနေရင် tea break လာတော့မှာ အဲ့ကျမုန့်စားနော်""အင်း အင်း ခဏလေးပဲ"
"မုန့်ကလာနေပြီ"
လေယာဉ်မယ်က tea break အတွက် မုန့်တင်ထားတဲ့လှည်းလေးကို တွန်းလာတာမြင်မှ သန့်စင်ခန်းကို ထ သွားသည်။ စားရမယ်ဆို အချိန်တိုင်းတက်ကြွနေတော့တာပဲ။
YOU ARE READING
BLOGGER
Fanfiction🌍ကမ္ဘာအနှံ့က စိတ်ဝင်စားဖို့ကောင်းတဲ့နေရာတွေကို စူးစမ်းရှာဖွေနေတဲ့ Freelance Blogger ပတ်ချန်ယောလ်နဲ့ ကလေးစိတ်မကုန်သေးတဲ့ Blogger လက်ထောက် ဒိုဂျောင်ဆူး ❤️ Unicode + Zawgyi