BLOGGER
Part 13"Tour ferry ရောက်နေပါပြီ"
"ဟုတ်ကဲ့ အခုထွက်လာပြီ"
တည်းခိုခန်းကောင်တာက ဖုန်းလှမ်းဆက်သောကြောင့် ယူသွားမဲ့ ကျောပိုးအိတ်ကိုယ်စီနဲ့ ထွက်ခဲ့ကြသည်။ မြို့ထဲကနေ Tigre ကမြစ်ထဲကို သင်္ဘောအသေးစားနှင့် ရေကြောင်းခရီးကနေ သွားကြမည်ဖြစ်ပြီး မြစ်ထဲရောက်မှ မြစ်လက်တက်တွေဘက်ကို private boat စီးဖို့ စီစဉ်ထားသည်။ ညနေဘက်ရောက်တော့မှ ချာတိတ်သွားချင်တဲ့ Empanada Making Class ကို သွားမည်။ မအေးလွန်းမပူလွန်းသော ပုံမှန်ရာသီဥတုဖြစ်သော်လည်း
နေ့ခင်းဘက် မြစ်ထဲတွင်နေပူမှာစိုးသောကြောင့် နေကာမျက်မှန်၊ ဦးထုပ်နဲ့ နေလောင်ကာ ခရင်မ်တွေကိုတော့ မပါမဖြစ်သယ်သွားရသည်။ ဘယ်လောက်ပဲ Blog အတွက် မဟုတ်ပါဘူးလို့ပြောပြော ချာတိတ်ကတော့ အချက်အလက်နဲ့ ဆောင်ရန် ရှောင်ရန်တွေကို သေချာပြင်ဆင်ထားသေးသည်။တည်းခိုရာနေရာကနေ သင်္ဘောစီးမဲ့နေရာအထိ ၄၅ မိနစ်လောက်ကားနဲ့သွားရသည်။ သင်္ဘောက အများစုစီးရသော သင်္ဘောအမျိုးအစားဖြစ်ပြီး အမိုးပါသော်လည်း
ဘေးအကာမပါပါ။ မြစ်ကြောင်းတစ်လျောက် ဒေသခံတွေရဲ့ လူနေမှုပုံစံမျိုးစုံကို guide က သေချာရှင်းပြသည်။"ကျွန်တော် ဒီနေရာအကြောင်း နည်းနည်းသိတယ် ယောလ်
Tigre (တီဂရာ) ဆိုတာက စပိန်လို ကျားကိုပြောတာ
၁၈၂၀ လောက်ကတည်းက ဥရောပလူမျိုးတွေ ဒီနေရာကိုရှာတွေ့ခဲ့ပြီး မြစ်တွေ ချောင်းတွေပေါ်မှာ မြို့ပုံစံလေးတည်ထားတာ
ရေလွှမ်းပြီး နေရာတွေပျက်စီးသွားတော့ ဒီမှာ အပိုင်းတွေအများကြီးကွဲသွားတာ
အရင်တုန်းက ဒီနေရာမှာ ကျားတွေ ကျားသစ်တွေကို အမဲလိုက်တာကို အစွဲပြုပြီး တီဂရာလို့နာမည်ပေးတာတဲ့""ချာတိတ်က တီဂရာရဲ့ အဓိပ္ပါယ်ကို သိသားပဲ"
"ကျွန်တော် စပိန်အသုံးနည်းနည်းတော့လေ့လာထားတယ်
နည်းနည်းပဲသိတာပါ အများကြီးမဟုတ်ဘူး""ဒါဆို te amo(တီအာမို) ရော သိလား"
"အကြံသမားပဲ"
"နည်းနည်းပဲစဉ်းစားမှာဆို စဉ်းစားလို့မပြီးသေးဘူးလား"
"၂၄ နာရီတောင်မပြည့်သေးဘူးကို
private boat ယူမှာမလား"
YOU ARE READING
BLOGGER
Fanfiction🌍ကမ္ဘာအနှံ့က စိတ်ဝင်စားဖို့ကောင်းတဲ့နေရာတွေကို စူးစမ်းရှာဖွေနေတဲ့ Freelance Blogger ပတ်ချန်ယောလ်နဲ့ ကလေးစိတ်မကုန်သေးတဲ့ Blogger လက်ထောက် ဒိုဂျောင်ဆူး ❤️ Unicode + Zawgyi