...Uni...
"ညှို့""ညှို့"
"ညှို့"
reply သိပ်မပြန်တတ်တဲ့ မင်းကို လွမ်းလွန်းတဲ့အခါ မြည်တွန်တောက်တီးပြီး message မှာ reply မပြန်မချင်း ခေါ်နေမိတဲ့ အကျင့် ငါပြင်ဖို့မကြိုးစားမိဘူး
"ဟဲ့ ဒီကြားထဲ ချစ်သူ ရသွားရင်ပြောပြကြေးနော်"
မင်းအကြောင်းတွေသိချင်နေမိတဲ့ ငါကအမြဲလိုလို
မင်းအကြောင်းတွေသိရမှာကိုလည်း ကြောက်နေမိတယ် ဆိုတာ သိမှ သိရဲ့လား 'မိသက်' ရေ"ချစ်သူ ရသွားလဲ ဘာဖြစ်လဲကွာ" ဆိုပြီး စိတ်တွေကို တင်းထားပေမယ့် ငါ့မှာလည်း အတည်တကျကြီး ဆိုတာမျိုးက 'သက်ညှို့' မင်း ကလွဲပြီး တခြားတစ်ယောက်ကို မတွေးမိနေတာ ခက်တာပဲ။
မင်း ပြောဖူးပါတယ် ယောကျ်ား တစ်ယောက်ကို ချစ်တိုင်း လက်မထပ်နိုင်ပါဘူးတဲ့ ။ ရှေ့ရေးကိုတွေးပူတတ်လွန်းပြီး ဘယ်လောက်ချစ်ချစ် တဲအိုပျက်မှာထမင်းရေပူ အတူမသောက် နိုင်တဲ့ မင်းက အားကိုးရမယ့် သူမျိုးကို ရှာနေတာလည်း မဟုတ်ပြန်ဘူး။မင်းက ဘာကိုရှာနေတာလဲ။ မင်းက ဘယ်လိုလူမျိုးလဲ
မင်းနဲ့ ပတ်သတ်ရင် ငါကတော့ ဖြစ်တည်ရာအမြဲ ပျောက်နေတဲ့ မိန်းမ ဖြစ်လိမ့်မယ်။
အခုလည်း ကြည့် .....
မင်းအတွက် ငါ့အတွက် ကြိုးစားမယ်ဆိုတဲ့ လမ်းက မင်းရဲ့ ရှေ့ရောက်ရင် သဲထဲရေသွန်။'ဦး' ဆိုတဲ့ အမည်နာမကလွဲပြီး ငါမသိရတဲ့အကြောင်းတွေမှာ မင်းကြည်နူးနေတတ်တာတွေထက် မင်း ရဲ့ ဦးက မင်းလိုချင်တဲ့ ပုံစံနဲ့ အနီးဆက်ဆုံး ဖြစ်နေတာမျိုးက ငါ့ကို ဒေါသထွက်စေတယ်။
မင်းရဲ့ 'ဦး' ကို လွမ်းပြီးshare တဲ့ post တွေ
မင်း ကို ချစ်သူရစေချင်နေတဲ့ သူငယ်ချင်းတစ်သိုက်က mention တဲ့ post တွေ
ငါ မဟုတ်တဲ့ သူငယ်ချင်းတွေနဲ့ သိပ်ချစ်ကြတဲ့အကြောင်းတွေ မှာတောင် ငါဟာ ဆောက်တည်ရာ မရ ဖြစ်တည်ရာ မရှိ။ကျောင်းတွေပြီးလို့ ဘ၀တွေကိုယ်စီ ကြိုးစားနေရတဲ့အထဲမှာ အဝေးကြီးထပ်ဝေး သွားရတာ အဆိုးဆုံးပဲ။ အနီးလေး ရှိနေပေမယ့်လို့ တဖြည်းဖြည်း ဝေး လာတယ်ဆိုတဲ့ အချက်က တစ်နေ့မှာ မင်းကို ဖမ်းဆုတ်လို့ မရတော့တဲ့ အထိ ဝေးသွားမှာ စိုးတယ်။
YOU ARE READING
Always Belong To You
General FictionUni မင်းကို ချစ်မိတဲ့ အချိန်တွေအတွက် နောင်တရ ရမယ်ဆိုရင်တောင် အကယ်၍ နောက်ဘဝများမှာတော့..... မင်းရဲ့ ငြိတွယ်ရာ အဖြစ် Zawgyi မင္းကို ခ်စ္မိတဲ့ အခ်ိန္ေတြအတြက္ ေနာင္တရ ရမယ္ဆိုရင္ေတာင္ အကယ္၍ ေနာက္ဘဝမ်ားမွာေတာ့..... မင္းရဲ႕ ၿငိတြယ္ရာ အျဖစ္