...Uni...
ဇာတ်သိမ်းတွေကို ကြိုသိနေတဲ့ငါက မချစ်ဟန်ဆောင်တတ်ခဲ့ရဲ့လား ငါမသိ၊မင်းပြောတဲ့စကားတိုင်းကို သိပ်ဂရုစိုက်မိနေခဲ့တာပဲ ငါသိတယ်။ပြီးပြည့်စုံလွန်းတဲ့ အ၀န်းအ၀ိုင်းတစ်ခုလိုမျိုး မင်းကို ငါချစ်တယ် ဘယ်မှာစပြီးဘယ်မှာဆုံးလဲ မသိတဲ့ အ၀န်းအ၀ိုင်းတစ်ခုကို သံသရာလို့သတ်မှတ်ရင် မင်းကိုချစ်နေရခြင်းက ငါ့ဘယ်လက်က သံကြိုးတွေနဲ့တုတ်နှောင်ထားတဲ့ ကျောက်စိမ်းအ၀ိုင်းလေးပဲ ဖြစ်လိမ့်မယ် ညှို့ရေ
မင်းကို မွေးနေ့မှာ ပေးဖို့ရည်ရွယ်ထားတဲ့ ထိုလက်ကြိုး၀ိုင်းလေး ငါမပေးဖြစ်ခဲ့တာတောင် မင်းကိုပဲချစ်ဖို့ရည်ရွယ်ပြီး ငါ့ကိုယ်ငါ မင်းနားမှာပဲ ချုပ်နှောင်ထားခဲ့တယ် မင်းမသိတာကလွဲရင်ပေါ့
Bonsai ပင်လေးက မင်းကျန်းမာနေဖို့ရည်ရွယ်တယ်၊သော့တွဲလေးက မင်းအနားမှာ အမြဲ ရှိနေဖို့ ရည်ရွယ်တယ် ပြီးတော့... နှုတ်ခမ်းနီလေးက တစ်ခါလောက်တော့ မင်းကိုနမ်းဖူးဖို့ ငါရည်ရွယ်တယ်။
အိမ်မက်တိုင်းကိုတော့ ငါမက်မက်မောမောမက်ခဲ့တာပါပဲ တွေးကြည့်လို့ ပြေးကြည့်ချင်စရာလူသားလေးကလဲ မင်းတစ်ယောက်တည်းဖြစ်နေတုန်းလေ။
ငိုစရာတွေရယ်စရာတွေကိုလည်း မျှဝေယူချင်ပါရဲ့ ။ပြောစမ်းပါအုန်း အဓိပ္ပါယ်မရှိတာတွေ မယုံချင်စရာအချစ်တွေလို့ ။တကယ် မင်းနားကို ငါ
မလာရဲတော့တာပါ တရိရိဖြတ်နေတဲ့ တိတ်ဆိတ်ခြင်းတွေမှာ မပျော်၀င်ရဲတော့တာပါ
ငါ့ရဲ့ အသံတိတ်အသဲခွဲစက်လေးရယ်ဒါမယ့်လည်း လွမ်းတယ်.... ဒီတစ်ခွန်းနဲ့ပဲ တစ်သက်စာ စိတ်ကူးတွေယဥ်နေမိတယ် ငါ့ကိုယုံတော့။
တစ်နေ့နေ့မှာ မင်းငါ့ကို ပြန်ချစ်လာပြီး ငါ့ကို အားကိုးစေချင်တယ်။အဲ့နေ့မှာ ငါလည်း မင်းလက်ကိုပဲတွဲဖို့ လက်ထပ်ပါရစေလို့ ခွင့်တောင်းမယ်။
ဆင်တူကျောက်စိမ်းအ၀ိုင်းလေးတွေကို ကိုယ်ဆီ၀တ်ထားပြီး ကတိသစ္စာပြုစရာမလိုအောင် တစ်ယောက်ကိုယ်တစ်ယောက် နားလည်ချစ်ပေးကြသည်ပေါ့ကွာ ငါတို့ပုံပြင်ရဲ့ အဆုံးသတ်လေးပေါ့ ။
YOU ARE READING
Always Belong To You
General FictionUni မင်းကို ချစ်မိတဲ့ အချိန်တွေအတွက် နောင်တရ ရမယ်ဆိုရင်တောင် အကယ်၍ နောက်ဘဝများမှာတော့..... မင်းရဲ့ ငြိတွယ်ရာ အဖြစ် Zawgyi မင္းကို ခ်စ္မိတဲ့ အခ်ိန္ေတြအတြက္ ေနာင္တရ ရမယ္ဆိုရင္ေတာင္ အကယ္၍ ေနာက္ဘဝမ်ားမွာေတာ့..... မင္းရဲ႕ ၿငိတြယ္ရာ အျဖစ္