unicode
"အေး"
"ဟင် မင်းဒီကိုဘာလာလုပ်တာလဲ?"
ခေါ်သံကြောင့် အေး အိမ်ပြင်ထွက်လာတော့ ဟိုတစ်နေ့ကမောင်နဲ့
ရန်ဖြစ်တဲ့မြို့သားကောင်ဖြစ်သည်။ပုံစံကမဝံ့မရဲပုံစံဖြင့်အေးကိုကြည့်နေသည်။
"အေးကို လာနှုတ်ဆက်တာပါ..ကျွန်တော်ပြန်တော့မလို့"
"...."
"ကျွန်တော်တကယ်တောင်းပန်တယ်..အဲ့နေ့ကဖြစ်တဲ့ကိစ္စကို..ပြီးတော့.."
"ခဏထိုင်ပါ ရပါတယ်"
အေးပြောလိုက်တော့ ဝေယံဟိန်းထက်က အောက်ထပ်ကကုတင်လေးတွင်ထိုင်လေသည်။အေးလည်း အိမ်ပေါ်သွားပြီး ရေနွေးဗန်း
သွားယူကာ ဧည့်ခံလိုက်သည်။ရွာကိုလာတဲ့ဧည့်သည်မို့အတတ်နိုင်ဆုံး ကိုယ့်ဘက်ကမရိုင်းအောင်နေရမည်။ပြီးတော့သူကသူကြီးအိမ်က ဧည့်သည်။
"အကြမ်းရည်လေးသောက်ပါဦး"
"အာ..ဟုတ်ကဲ့..ကျွန်တော် မပြန်ခင်ငြိမ်းချမ်းရေးလာယူတာပါ"
"ဟင်"
"အဲ့နေ့ကကျွန်တော့်ဘက်ကလွန်သွားတယ်..ပြီးတော့..အေးကို
မိန်းကလေးထင်မိလို့ပါ "
ဝေယံက သူ့လုပ်ရက်ကိုရှက်သလို အေးကိုမရဲတရဲလေးကြည့့်သည်။
"ဟို..အမှန်တိုင်းဝန်ခံရရင် အေးရဲ့ဘဝအမှန်ကိုသိပြီးတဲ့နောက်ပိုင်းလည်း ကျွန်တော့်ခံစားချက်ကပြောင်းလဲမသွားခဲ့ဘူး"
အေး မျက်နှာပျက်သွားပေမဲ့ ဝေယံကတော့ပြုံးနေသည်။
"ကျွန်တော် တောင်းပန်ပါတယ် သက်ဆိုင်သူရှိတာကြောင့်တော့
မဟုတ်ဘူး ဒါပေမဲ့ အေးကိုစိတ်အနှောင့်အယှက်မဖြစ်စေချင်လို့
နောက်ဆုတ်ပေးလိုက်တာပါ"
"အေးလည်းတောင်းပန်ပါတယ်"
"ဟင် ဘာလို့လဲ?"
"အဲ့နေ့က မောင်..အဲ့.."
"ရပါတယ် အဆင်ပြေသလိုပြောပါ"
YOU ARE READING
ေမာင့္ရင္ေအးေစခ်င္...(completed)
Romance🌺သူမ်ားေတြက အသက္႐ွဴမွားေလာက္ေအာင္လွတယ္တဲ့ 'ေအး'ကေတာ့ အသက္႐ွဴမရေလာက္ေအာင္ လွတယ္ 'ေအး'ရယ္🌺 🌺သူများတွေက အသက်ရှူမှားလောက်အောင်လှတယ်တဲ့ 'အေး'ကတော့ အသက်ရှူမရလောက်အောင် လှတယ် 'အေး'ရယ်🌺
