"ملاك الزين" ((مُكتملة))

part 3

آسيا:طب ليه نروح بالاسانسير منروحلو زى ما جالنا
مراد بسخرية:وانتى هتقدرى تعدى على بعد مسافة 30 دور وبعدين دى بالبصمة بتاعتو هو وبس
آسيا بتأفف:طيب
مراد بأبتسامة جانبية:متأفأفيش
آسيا بغضب:وانت مالك
مراد وهو بيقرب منها:قولتى اى
آسيا بشجاعة:انت مالك وبعدين ابعد كدا مالك بتقرب ليه ليكونش...
مراد بعد مقاطعا لها عشان الاسانسير اتفتح
مراد:يلا انجزى مش هفضل مستنى حضرتك تطلعى كتير
آسيا ببرود وهى طالعة داست على رجلو بالكعب بتاعها:اووه سورى مكنتش اقصد
مراد نظر لها نظرة اقسم انها لكانت وقعت صريعة اذا كانت النظرات تقتل لكن آسيا لم تهم وذهبت
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
مازن:يا زين مفيش وقت لكل إللى بتقولو ده
زين:لاء فيه اعمل بس إللى قولت عليه
مازن:يا بنى العارضات مش هيوافقو
زين بخبث:انت وشطارتك بقا
مازن بضحك:شطارة اى بس
زين:طيب والتصوير اى نظامه
مازن:كلو تمام باقى بس تصميم الخلفيات عند آدم ومراد ونبدأ
يزن بضيق بعض الشئ:تمام وغير كدا استاذة ليان هتيجى
مازن بضحك:تيجى فين
زين:عند آدم هتصمم الخلفيات وهتظبط الصور
مازن بضحك:متسيبها تيجى مالك ومالها
زين ببرود:ماليش يعم ما هى هتيجى من بكرا اهى
مازن:طيب هروح انا بقا
زين وهو ينظر فى ساعته:تمام
مازن وهو يخرج بنفس وقت دخول مراد وآسيا زين:خلصتو
مازن بخفوت لمراد:خلصتو اى
زين:مازن
مازن:نعم
زين بهدوء:برا
مازن بضحك:حاضر
مراد:خلصت
اسيا:وانا كمان
زين:ورونى
مراد وآسيا عطوه الورق وكان تصميم مراد عبارة عن (فستان اسود به لمعة وبه فتحة بمنتصف الفخدين الى الاسفل وبه فتحة صدر واسعة ومن عند الاكتاف به نفخة بسيطة ونازل على بقيت الكتف بشراشيب سوداء ومن الضهر به قماشة طويلة من نفس خامة الفستان نازلة من اول الضهر بطول للاخر خالص)
اما اسيا (فكان فستان لونه احمر نارى ضيق جدا بما يسمونه(صق)يصل الى ما قبل الركبة بقليل به فتحة صدر كبيرة بعض الشئ وفتحة ضهر أيضا كبيرة وكم طويل)
فكان من نصيب مراد التصميم الأحسن فى الوقت القصير الا ان تصميم آسيا يريد فقط بعض التعديلات
زين:تمام كدا انا مش عاوز غيركم إللى يصمم مجموعة الدفيليه ومش عاوز اى حاجة تشبه إللى اتسرق تمام
مراد:تمام
اسيا:تمام
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
فى النادى
آسيا:يخربيتك يا ليان عملتى كدا ازاى
ليان وهى تضع رجل على رجل:عشان تعرفو مهاراتى
ملاك وهى تخبط رجلها وتنزلها:اتنيلى ده انتى عاملة مصيبة
لين بضحك:تستاهلى
ليان بضحك:اهدو الله انا كنت بلعب عادى زى ما بعمل على طول فى اى كاميرات مراقبه بلاقيها بحب اهكرها فقولت اجرب كده اى كاميرا او اى حاجة برا مصر فجربت عادى ونفع ولقيت بقا حاجة اسمها البيت الأسود هما بيقولو كدا مجازا انا مهتمتش بس فعلا فى ايطاليا بيت اسمو البيت الأسود بس ده مافيا فعلا كنت سامعة عليه كلام قبل كدا بصو شكلو
آسيا وملاك ولين طارو ناحيتها بيبصو على اللاب إللى فى ايدها لقوه قصر كبير لونو اسود فى مكان مليان أشجار طويلة متشابكة معا
ملاك بتهكم:وانتى عرفتى تخترقيه ازاى يا فزلوكة
لين:هموت واعرف
ليان بشموخ:انا اكيد معرفتش اخترقو كلو بس..
آسيا بترقب:بس..؟!
ليان:بصو وركزو معايا
ملاك:كلنا آذان صاغية
ليان:فى ثغرة انا لقتها قدرت ادخل منها على شبكة بتاعة حد جوا القصر ده قدرت اعرف شكل السور من جوا كام حارس واقف تقريبا كدا جيش كامل من الحراسة بس للاسف معرفتش اخترق القصر من جوا بس لو جربت تانى اكيد هعرف
لين بخوف:ولا تجربى ولا تنيلى مش ناقصين
ملاك:ايوة كفاية كدا
آسيا بفضول:انا عندى فضول اعرف
ليان:وانا
ملاك ولين بصوت واحد:لاااا قفلو على الموضوع
ليان:اه صحيح هاجى اشتغل معاكو فى الشركة
ملاك وآسيا بفرحة:بجد
ليان بضحك:ايوة اخويا وافق
آسيا:هتبقى فين
ليان:عند آدم فى قسم الأحذية
اسيا:مين بقى اخوكى
لين وهى بتاكل:مدير الفرع الرئيسى بتاع الإعلانات زين
ملاك بصدمة:البارد
ليان ولين وآسيا بأستغراب:بارد؟!!
ملاك بهجوم:يعنى احنا عارفينكم اديلنا 3 سنين من النادى ولسا فاكرين تقولو انو اخوكم هو المدير الكبير إللى اول مرة نشوفو من سنتين النهاردة
لين بأستغراب من هجومها:اهدى بس مجتش فرصة نقول مالك كدا
آسيا بضحك:اصل داس على رجلها وهو خارج من الاسانسير وهى كانت رايحة الحمام داس عليها غصب عنو وهى اصلا كانت رايحة تنضف الهاف وهو بوظو اكتر وبعدين دخلت الاجتماع اتفاجئت انو المدير (ملاك حكت لاسيا لكن مقلتش لما قرب منها لأنها كل متفتكر إللى قالو تتعصب اكتر)
ليان ولين بضحك هستيرى
ليان بضحك:هموت مش قادرة
لين بضحك مماثل:ولا انا
ملاك وقد عاد لها برودها:اضحكو هيجى عليكو يوم
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
بليل فى قصر زين
زين ومراد وآدم ومازن قاعدين فى الجنينة
مازن:تتوقع مين ممكن يكون سرق التصاميم
آدم:حد تبع الازياء يعنى مش عصام النويرى عشان ده تبع الأحذية ف مش باقى غير..
قاطعه زين بشر:احمد الهوارى وأمين البحيرى
مراد:بس لسا مش عارفين مين إللى اداه التصاميم لان اكيد حد من الشركة
زين بجدية:مين معاه المفاتيح غيرك يا مراد
مراد:سهيلة السكرتيرة وساعات بديه لاسيا لما بيكون عليها شغل مسلمتهوش وسهيلة عشان بتفتحو الصبح
زين:يبقى حد منهم
مراد:معرفش يا زين بس معتقدش
زين:لازم نحط كل الاحتمالات من بكرا تاخد المفاتيح وكدا كدا الباب هيتغير هيبقى ببصمتك زى البيبان بتاعتنا عشان انت مكنتش راضى تعملو
مراد بضيق:طيب
مازن بضحك:مش فاهم مش بتحب تعملو ببصمة ليه
مراد:ولما حد يجى عاوز ياخد حاجة او يسرق يخدرنى ويقطع صوباعى صح
آدم بصدمة:هو انت فى حد بيقدر حتى يلمسك
مازن:ده بيحلم مع نفسو
مراد:طب انا هروح بقا
ادم:بات هنا اديلك كتير مش بتبات
مراد:مرة تانى
زين:ماشى وانا هطلع اشوف ليان ولين
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
ليان:مين
زين:افتحى يا ليان
ليان بتوتر:حاضر ثوانى وقفلت اللاب وحطتو على جنب وقامت فتحت لزين
ليان بمرح:حبيب قلبى والله كنت لسا هسأل عليك
زين بسخرية:دى رشوة عشان وافقت على الشغل
ليان بحزن مصطنع:حرام عليك هو انت تعرف عنى كدا
زين بضحك:انتى ابو كدا يلا نامى عشان تروحى بكرا و اول ما تروحى تعالى عندى الاول ماشى
ليان بحب:حاضر تصبح على خير
زين بحب:وانتى من اهل الخير يا حبيبتى
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
اسيا بزعيق:يا ماما سيلا
سيلا بخضة:فى اي يا آسيا
آسيا بزعيق:يا ماما بصى بنتك بتعمل اى
سيلا بصت على ملاك لقتها قاعدة ببرود على البلوزة بتاعة آسيا الجديدة واللى لسا كوياها على آله الكوى
سيلا:ملاك قاعدة على البلوزة ليه كدا
ملاك ببرود:عشان دايقتنى
آسيا وهى تذهب عشان تضربها:انا هموتك النهاردة
سيلا بضحك وهى تمسك آسيا وتتصنع الجدية:ملاك قومى اكويه زى ما كان
ملاك بتذمر:يا ماما هى إللى دايقتنى وفشت كوتش العربية عشان انا مخلتهاش تسوق واحنا راجعين
سيلا:بعدين كل واحد يروح بعربيته بس بكرا طبعا اركبو عربية آسيا او يا ملاك خدى عربيتى ملاك بعند:لاء هركب معاها وانا إللى هسوق والا مش هكوى
آسيا بنفاذ صبر:طيب بس قومى اكويه وعلقيه
ملاك بأنتصار:اوكى وبعتت بوسة فى الهوا ل سيلا
سيلا بضحك على اولادها:بطلو خناق ويلا يا ملاك اكوى وروحى على أوضتك ونامو
ملاك وآسيا:حاضر
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
فى صباح اليوم التالى
فى شركة ما لتصاميم الاحذية
شاهى سكرتيرة عصام النويرى
شاهى بدلع:حضرتك طلبتنى يا فندم
عصام بخبث وهو يقترب منها وسحبها من خصرها الى صدره العريض
عصام بمكر:وحشتينى
شاهى وهى تلعب بالقميص بتاعه وهى تتصنع الحزن:لو كنت وحشتك كنت جيت اديلك اسبوع مجتش
عصام وهو يقترب اكثر:متزعليش هاجى النهاردة
قاطع هذا المشهد خبط على الباب يليه دخول ماهى وهى زوجته عندها 28 سنه وهو 30 سنه وشاهى 27 سنه زوجته كتلة جمال لكن يعشق النساء مع ان ماهى جميلة لكن خبيثة مثلها مثل خبث شاهى
بعد عصام عن شاهى بلمح البصر ولكن ماهى لاحظت توترهم بشك لكن لم تعطى اهتمام حيث ذهبت وقبلت عصام على خديه وحضنته وكأنها تقول لشاهى اخرجى الاترينى انا وزوجى
شاهى بحرج مصطنع:طيب يا فندم عن اذنك
وخرجت شاهى
ماهى وهى حضناه:كنت قريب منها ليه
عصام بتوتر بسيط: مكنتش قريب ولا حاجة بس اى المفاجأة الحلوة دى
ماهى بدلع:ملحقتش اسلم عليك الصبح
عصام بخبث:طب تعالى أصبح عليكى وكاد أن يقبلها لولا صوت هاتفه
عصام:ثوانى يا حبيبتى
حمدى:كلو تمام يا باشا
عصام بغموض:ابدأ بليل
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
ملاك وآسيا نزلو بعد خناق طويل بسبب ان ملاك حطت ميكروفون عند ودان آسيا وصرخت عشان تصحى
فلاش باك
آسيا بفزع: ايه مين مات حصل اى
ملاك بضحك هستيرى:هموت مش قادرة تعالى يا سوسو شوفى شكلها
آسيا بغضب وقد فاقت:يا شيخة تبا لكى انا هبقى اقفل الاوضة بالمفتاح
باااااك
ركبو عربية آسيا وملاك إللى ساقت
آسيا بفزع:ملاك وقفى العربية بسرعة
ملاك بخضة:فى اى مالك
آسيا وقد أوشكت على البكاء:الحلق وقع بتاع المصمم الأمريكى إللى عملهولى مخصوص السنه إللى فاتت لما سافرتلو اخد الماتريال بتاعة التصاميم وهو اداهولى
ملاك بملل من كلامها:طيب هقف اهدى
ملاك وقفت وبعدها سمعت صوت تصادم فى الخلف
ملاك:منك لله بسببك وقفت فى مكان مينفعش اقف فيه وبسببك هنزل اتخانق استعنا على الشقا بالله
اما السيارة الأخرى
فكان القلق من نصيب السائق
سامح بقلق:انا اسف يا زين باشا
زين بهدوء:انزل شوف حصل اى
سامح:حاضر
سامح لسا هينزل لقا اللى بيقفل الباب بتاعو تانى واللى عملت كدا اكيد ملاك
ملاك بأسلوب أشبه بالردح:مش تفتح يا عم انت اى البلا إللى على الصبح ده
سامح بتوتر وهو ينظر إلى زين ثم نظر لها وهو يخرج من محفظته مبلغ لا بأس به:انا اسف اتفضلى
ملاك برفع حاجب:اتفضل!!!!انا هوريك انا بتفضل ازاى
وذهبت إلى العربية بتاعتها واخرجت عصاية البيسبول وذهبت إلى عربته وضربت العصا بالكشافين الإمامين كل هذا تحت صدمة سامح وهدوء زين
ملاك بأرتياح وكبرياء وهدوء:واخرجت مبلغا كبيرا ورمته له
ملاك ببرود:ابقى وديها التأمين ولو عايزة فلوس اكتر ده الكارت بتاعى ابقى رن وتعالى خد الباقى
ثم ذهبت مرة أخرى للعربة وأول ما دخلت لقت آسيا بتطلع من تحت الكرسى:الحمد لله لقيتو عملتى اى
ملاك بهدوء ولا كأنها فعلت شئ:كسرت الكشافات عندو واديتو فلوس تأمين
آسيا بضحك:عنيفة اوى
ملاك:يلا نودى العربية للواد زلطة وهو قريب من الشركة اصلا
آسيا وهى تلبس الحلق:ماشى
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
زين بهدوء شديد:اطلع ب العربية للشركة وبعدين روح صلحها وحط الفلوس دى فى ظرف وهاتها وهات الكارت
سامح:حاضر يا زين بيه
🦋🦋🦋🦋🦋🦋🦋🦋🦋🦋🦋🦋🦋🦋🦋
ليان صحت بحماس واخدت شاور ولبست بحماس شديد لبدء العمل
ليان نزلت تفطر مع والديها وآدم ومازن ولين
لين بمرح:اى الحلاوة دى كلها
أدهم:هتروحى النهاردة يا ليان
ليان:اه يا بابى
سارة:طيب روحى مع مازن او آدم بالمرة
ليان بهدوء:هروح بعربيتى يا مامى
ادهم:لاء بلاش روحى مع حد فيهم النهاردة عشان اول مرة تروحى
مازن بخبث:خلاص روحى مع آدم عشان انا هروح مشوار الاول
ليان لسا هتعترض
آدم ببرود:مستنيكى برا
سارة:اقعد يا آدم كمل فطار
آدم وهو ينظر لليان بأبتسامة جانبية:لاء يا طنط انا اكلت الحمد لله مستنيكى متأخريش ثم خرج
ليان بصوت منخفض وصل ل مازن ولين:بارد ومستفز
مازن بضحك:حرام عليكى ده سكر
لين بسخرية:لو سمعك هيخليك انت السكر
مازن ببرود:انا بكلم ليان مش انتى
ليان يملل:شششش بطلو انتو اى مش بتزهقو انا قايمة بدل ما يدخل يولع فيا
ذهبت ليان ولسا هتفتح وتقعد فى الكنبة إللى ورا
مراد ببرود:اقعدى قدام مش سواق اهلك انا
ليان بعند:انا حره وبعدين اتكلم بأسلوب احسن من كدا
مراد بنبرة غريبة:اركبى يا ليان عشان منزلش اركبك
ليان بتأفف وهى تغلق باب العربية بطريقة مفزعة لم تهز شعرة منه حتى وركبت جنبه لقتو مرة واحدة قرب منها جامد كانت ستبعده عندما وجدته اقترب من وجهها ومد ايدو شد حزام الأمان وعملهولها و رجع عند وجهها
مراد بهدوء:كنت عارفك مش هتحطيه فأختصرت الخناق وابقى اهدى على نفسك شوية
ليان ببرود قد استعادته من هيامها بقربه:ابعد
ابتعد آدم وبدأ يسوق بسرعة عاليه عناد بها ليس لأنها لا تحب السرعة انها تحب السرعة التى لا بأس بها ليست كهذه السرعة
ليان بهدوء حاولت التمسك به قدر المستطاع:هدى السرعة يا آدم
ادم:انا بحبها كدا
ليان ببعض الخوف: معلش هديها
آدم بهدوء:طيب
وصل آدم وليان للشركة وليان سألتو عن مكان مكتب زين وعرفت
آدم:متأخريش
ليان:ماشى
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
بقلم/فاطمة_حبيبة