"ملاك الزين" ((مُكتملة))

part 20

نزل آدم لدادة سميحة
دخل آدم المطبخ وأمر من به بالخروج ما عدا سميحة
سميحة بود:ازيك يا ابنى
آدم بهدوء وابتسامة:الحمد لله يا دادة....عاوز اسألك على حاجة بس ارجوكى متفهمنيش غلط
نظرت له سميحة:اتفضل يا بنى
ادم بتردد:فاكرة لما قولتلك اعمليلى لمون من يومين تقريبا
سميحة:ايوة يا بنى
ادم:طيب انتى إللى كنتى مطلعاه ولا حد تانى
سميحة:عطيتو للبنت إللى جت جديد اسمها مها..مها يا مها
مها:نعم
آدم:انتى إللى كنتى مطلعالى اللمون من يومين
مها بقلق:ايوة ونادين هانم اخدتو منى
ادم:وانتى اى إللى خلاكى تسيبيهولها
مها:هى قالتلى انك قولتلها انها هى إللى تطلعو..وانا شوفتها بتحط حاجة فيه بس مش عارفة اى
آدم:بتحط حاجة ط...طب هى شافتك وانتى شايفاها بتحط
مها:لاء يا بيه هى طلعت السلم وقدام أوضة حضرتك عملت كدا كنت طالعة عشان المنظفات من الحمام إللى فوق فشوفتها وكانت بتكلم مامتها عشان قالت ي ماما وقالتلها(......) وبعد ما هى دخلت أوضتك انا طلعت
ادم بأنتصار:طيب شكرا يا مها بس اوعى تقولى لحد الكلام ده لا انتى ولا انتى كمان يا دادة لحد ما اقولكم
تحدثت دادة سميحة بعد أن خرج:الحمد لله ظهر الحق مقولتليش ليه يا بت من ساعتها
مها:معرفش بس الحمد لله انو سأل
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
تانى يوم
الساعة السادسة صباحا نزل زين إلى مكتبه ومعه مراد الذى بات ليلة البارحة ومعه مازن وآدم
زين:أى إللى حصل على الصبح
مازن:تقريبا كدا إللى فى ايطاليا عارفين احنا مين فى مصر
زين:طب ما دا احنا متوقعينو عشان صورنا بتلف العالم زى اللبس والاحذية مع صور الديفليهات
مراد:كفاية انطونيو إللى كل شوية يتكلم على لين
آدم:ماشى هما عارفين اخوات زين طبيعى وعارفين العيلة لكن مش لدرجة يبعتولنا انطونيو
زين:انطونيو جاى لسبب تانى هنعرفو النهاردة وبما أن كل حاجة بقت مكشوفة يبقى إللى بيراقبو يجيبو النهاردة الشركة وانت يا مازن كلمو وعرفو
مراد بضحك:ما بلاش مازن كفاية إللى حصل اخر مرة...رجلك كويسة يا بطل
نظر له مازن بتكشير:بقولك اى سمعنى سكاتك وخلو حد يكلمو غيرى
ادم:خلاص انا هكلمو
مازن:عملت اى يا آدم خلاص بكرا الخميس هتكتب عليها يعنى
آدم ببرود:لما يجى بكرا يحلها الف حلال ثم قام يلا عشان نجهز قبل الفطار ثم خرج
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
طلع مراد لغرفة اسيا وخبط ولم يتلقى اجابة خبط مرة أخرى وايضا لا إجابة سمع صوت من خلفه نظر وجدها ملاك
ملاك بضحك:لو خبطت من هنا للصبح مش هتصحى ثم نظرت ليدها
نظر مراد بأستغراب لما تنظر ثم ضحك:اى ده مش معقول
ملاك بضحك:ده الوحيد إللى بيصحيها
مراد بضحك:تلج هتصحيها بقطع تلج
ملاك بضحك:لو كان ينفع كنت وريتك بس خليك هنا واسمع صوتها وهى هتجيلك بنفسها
مراد بضحك:ماشى
دخلت ملاك ووضعت الثلج بظهر آسيا وجرت سريعا ناحية الباب دون فتحه وجدت اسيا تهتز على السرير ثم تقوم مرة واحدة وتطنطط فوقه ثم تجرى بأتجاه ملاك التى تفتح الباب وتجرى بضحك وآسيا تجرى خلفها تحت ضحكات مراد التى انتبهت لها آسيا وعندما رأته قالت بصوت عالى لملاك:حيوانه ثم نظرت له بحنق وقفلت الباب بوجهه دون أن تعطيه فرصة كى يتحدث
مراد بضحك:مجنونة يعنى هتروحى منى فين
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
ملاك كانت تجرى بضحك لم تكن تعرف أن آسيا توقفت عن الجرى خلفها حتى خبطت فى زين وكادت ان تقع لولا يد زين التى منعتها عن الوقوع
ملاك بحمحمة وهى تنظر خلفها:اصل اصل اسيا كانت..كانت بتج
زين بهدوء:ششش خلاص اهدى
ملاك:طب اوعى ايدك خلاص
زين وهو يرفع يداه للاعلى:اهو اى اوامر تانية
ملاك بضحك وتصنع للتكبر:لاء لما اعوز هقولك ابعد بقا كدا ثم ذهبت بضحك
زين ابتسم ببساطه عليها
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
على طعام الافطار الكل جالس حتى نادين
الجد:ها يا لين خلصتى حاجات فرحك خلاص بكرا
لين بتوتر:اه يا جدو باقى حاجة واحدة بس
الجد:اى إللى باقى
لين بخبث وهى تنظر لمازن:فستان الفرح لسا مجبتوش و الفرح بكرا فنأجلوا بقا ولا نعمل اى يا جدو
مازن ببرود وهو يعرف الاعيبها:هنزل انا وانتى النهاردة نختار
كادت لين ان ترفض
الجد بخبث:جدع يا مازن انزلو واختارو مع بعض
لين:يا جدو انا كنت بهزر خلا...
الجد بضحك:لاء يا حبيبة جدو خلاص يلا روحو مع بعض ماشى
وافقت لين على مضض
ليان:جدو..بابا انا قررت حاجة
صمتو جميعا منتظرينها
ليان بتردد وحزن:انا هسافر بعد فرح ليان...بكرا بليل
سارة:ليه يا بنتى وهتسافرى فين وهتعملى اى لاء مفيش سفر لاء يا ادهم مش هسمحلها
الجد:اهدى يا سارة هتروحى فين يا ليان
ليان بحزن ودموع تأبى النزول:تركيا..لقيت شغل هناك فى شركة كبيرة تبع الديكور وفيها مصريين وانا اعرف شوية تركى وانا بجد محتاجة السفرية دى اوى بعد اذنكم ثم ذهبت من غرفة الطعام وخرجت وركبت سيارتها
آدم بهدوء عكس ما بداخله:ها يا نادين مش عاوزة تقولى حاجة
نادين بخوف:حاجة اى
آدم بضحك:والله طيب وانا يا جدى عاوز اجل كتب الكتاب ليوم الجمعة بدل ما بتعكر دمى يوم فرح اخويا ولو سمحت متعارضش يلا انا رايح الشركة
ادهم بتهدئة:اهدى يا سارة بطلى عياط قومى معايا طيب هتكلم معاكى
الجد:الله الله الكل يقول إللى عندو ويمشى وحتى ميسمعش انا هرد اقول اى
ادهم:زين ابقى شوف اختك ماشى
هز زين رأسه
مازن:يلا يا لين عشان متأخرش ولا انتى تتأخرى
لين:طيب
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
فى الشركة دخل زين ومعه مراد الى المقر الرئيسى عندما علمو بوجود معتز
معتز بأحترام وجدية:اهلا اهلا زين بيه اهلا مراد بيه
مراد ببرود:اهلا اتفضل اقعد
نظر معتز لزين الجالس وجلس هو أيضا وبدأ يتحدث فى العمل بكل جدية ومضوا العقود يبقى امضة آدم ومازن الذين لم يحضروا الاجتماع
بعد أن خرج زين ومراد ضحك معتز بشدة وقال:اخيراً
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
زين:خلى بالك اوى يا مراد انطونيو جاى النهاردة وهنسافر معاه عشان نقابل الملك وهنعمل اجتماع كمان شوية مع اليخاندرو لما البهوات يشرفو وانطونيو كمان
مراد:تمام انا هكلم آدم هشوفو فين وهكلم إللى بيراقب انطونيو وهفهموا يعمل اى
زين:تمام
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
مازن بنفاذ صبر:ما قولت زفت لاء مبتسمعيش الكلام ليه
لين بعند:بس انا عاوزة ده
مازن:فى فرق انك تحبى الاستايل ده بس ده مش لايق عليكى مش حلو صدقينى وبطلى عند بدل ما اجيبو فعلا بسبب عندك وهو اصلا يقرف
لين:خلاص اتفضل اختار
مازن:وسعى كدا شوية...ده شوفيه وده...وده كمان
لين بتكشير:كلهم نفس الحاجة اختلاف بسيط بس
مازن بزهق:اعملى إللى تعمليه يا لين بس بلاش مفتوح من كل النواحى ابوس ايدك انا مستنى تحت تمام
لين بفرحة:تمام انزل....واخيرا نزل يلا يا لينو اختارى بسرعة قبل ما يطلع
العاملة بضحك:طب ليه
لين بضحك:انا عارفة زوقو واللى هيعجبو وعاوزاها تبقى مفاجأة يوم الفرح ميشفهوش خالص عشان كدا عمالة ازهقوا
العاملة بضحك:طب تعالى نختار مع بعض
لين بفرحة:ماشى
بعد مدة
لين:خلاص هو ده يا مازن
مازن:طب افتحى هشوفوا
لين:لاء طبعا خليه مفاجأة
مازن:لين لو كان المقرف ال
لين:ششش لاء بس بقا وقولت مش هوريهولك وصلنى يلا على البيت
مازن:مش هتروحى الجامعة
لين:لاء اخدت اجازة
مازن بغمز:اوعا يا جامد
لين بضحك:بس يا مازن يلا بقا
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
دخل انطونيو بكل هيبةالى المقر الرئيسي للشركة والموظفين ينظرون له بغرابة استقبلته ملاك بالأسفل لاتقانها الإيطالية ورحبت به وصعدو بالمصعد إلى أن وصلو إلى غرفة زين و الذى منع دخول الحراس معه
دخل انطونيو وجدهم جميعا يجلسون
انطونيو بخبث:مرحبا لوسيفر اقصد زين
ضحك زين بهدوء:مرحبا انطونيو اجلس منذ متى علمت اسمى
انطونيو:منذ اخر عرض لكم
زين ضحك بشدة:الم يخبرك اليخاندرو انه كان يعرف من قبل
انطونيو بأستغراب:حقا هل كان يعرف
مازن ببرود وهو ينظر لهاتفه:تعيش وتاخد غيرها
نظر انطونيو بأستغراب لعدم فهمه له بينما ضحكت ملاك فنظر لها زين بتخذير فرفعت يدها وقالت:انا خارجة اصلا ثم خرجت من المكتب وقام مراد بغلقه بالمفتاح وبدأو يتجهزون لاجتماع اليخاندرو
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
اليخاندرو:من دون مقدمات يا لوسيفر (زين) الملك يريدك
لوسيفر(زين):أعلم ذلك ما الجديد
اليخاندرو:يريدك فى الحال لا يريد تأخير أكثر من ذلك ولهذا ارسلت لك انطونيو كى تأتو معا هيا ستكونون هنا صباحا اليس كذلك
اوليفر(مازن) بضحك:وانا كنت افكر انه جاء كى يحضر عرسى يا لها من خيبة أمل
انطونيو واليخاندرو بأستغراب:عرسك متى وعلى من
اوليفر(مازن)ببرود:غداً على لين قالها وهو ينظر لانطونيو بشر
لوسيفر(زين):لا يمكن غدا لكن يمكن بعد غد اليس كذلك يا رونالدو(آدم)
رونالدو(ادم)بفهم لما يقصد لأنه اجل موعد كتب الكتاب لبعد غد اى يوم الجمعة يعنى:اجل يمكن ذلك
انطونيو بخبث:هل ستأتى يوم صباحيتك يا عزيزى
اوليفر(مازن):لا يعنيك يا عزيزى
اليخاندرو:حسنا اصمتو قليلا كى استطيع التفكير
صمتو جميعا ثم سمعوه يتحدث مرة أخرى
اليخاندرو بهدوء:حسنا سأتحدث معه لكن بعد غد ستأتون صباحا هل فهمتم
ثم أغلق معهم وخرجو من الغرفة
مازن ببرود:بما انك عرفت موعد زفافى ف بالتأكيد ستأتى..انت مدعو يجب أن تأتى وترانى وانا عريس
ثم خرج دون انتظار رده
انطونيو بضحك:مبارك يا رجل هل سأكره لك الخير
ادم بأستغراب:ده من امتى بيضحك ده
مراد:سيبك منو يلا نخلص شغل النهاردة و بكرا
آدم:ماشى ثم خرجوا
انطونيو:زين انا سوف اذهب للاوتيل
زين وهو جالس:لا ستأتى معى للقصر
انطونيو بأستغراب:لا أريد ازعاجكم و...
زين وهو ينظر للورق:لا أريد اعتراض
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
اسيا:انا مش عارفة هلبس اى فى الفرح بكرا
ملاك:ولا انا...استنى اكلم ليان تيجى ونشوف
آسيا:ماشى
بعد قليل
ليان:انا جييت
آسيا بأستغراب:انتى كويسة
ليان بفرحة:ايوة هنسى كل حاجة ده فرح اختى برضو وبعد الفرح ابقى اكمل نكد ماشى
ملاك بضحك:مجنونة
آسيا بزعل:انتى بجد هتسافرى بعد الفرح
ليان وهى تغير الموضوع:بلاش الموضوع ده دلوقتى ماشى ي سوسو ها بقا عاوزين اى
ملاك:عشان نشوف هنلبس اى بكرا
ليان:انا كنت عند زين دلوقتى واخدت اجازة بقيت اليوم لينا وننزل نشوف فساتين
ملاك وآسيا بفرحة:اشطااا اوى
ليان بضحك:اشطا يلا بينا
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
بعد مدة كبيرة جاء الليل
زين اخد انطونيو للبيت ، والبنات اشتروا الفساتين ، ومراد وآدم انهو عملهم ورجعو للبيت ، ومازن لم يعد للبيت ولا يعرفو أين هو
وادوارد جاء كى يحضر عرس صديقه بالطبع وجالس ف القصر معهم
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
فى مكان ما
مجهول:اى ي فهد انت مروح
الفهد:ايوة فى حاجة
مجهول:الباشا عاوزك
الفهد ببرود:قوله انى مش فاضى وماشي دلوقتى واللى هو عاوزه قولتلو انى هنفذه
ثم تركه وغادر فى ذهول من المجهول لطريقه مع الباشا
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
دخل مازن القصر بعد أن نام الجميع والقصر مظلم دخل إلى غرفة لين بكل هدوء
جلس بجانبها ولمس وجهها
مازن بحنيه:مش مصدق انك هتبقى ملكى بكرا...حتى مفيش بكرا ده بعد كام ساعة بس ثم اقترب وهمس بجانب اذنها بكلمك "بحبك" وقبل جبينها ثم خرج
فتحت عينيها بعدما خرج وابتسمت بهدوء ثم نامت براحه
🦋🦋🦋🦋🦋🦋🦋🦋🦋🦋🦋🦋🦋🦋🦋🦋
جاء الصباح على الكل والكل فرحان طبعا آدم تخطى ما حدث لاجل أخيه وعندما ينتهى العرس سيكمل ما يفعله
فاقو جميع الفتيات وذهبوا غرفة لين وهم فرحين جميعهم وبدأو يتجهزون لان فتيات البيوتى سنتر قادمين
والفتيان تجمعو ف الحديقة ف البداية تحدثو عن العمل وعن سفرهم مع ادوارد وانطونيو بعدها ذهبو مع مازن كى يتجهز