LADY MASQUERADE

CHAPTER 6 - He likes her

CHAPTER 6 — He likes her

HINDI makalimutan ni Aidan ang tirik na tirik na dibdib ni Gemini. Hindi ba nito alam na see through ang damit na suot nito? Napailing-iling nalang siya sa tuwing naaalala ang hiya na bumalatay sa mukha nito.

Bumaling siya sa pinto na pinasukan ni Gemini kanina ng marinig niyang bumukas iyon.

"Let's go." Sabi ni Gemini na kalalabas lang ng silid. Hawak nito ang salamin na nakalimutan nitong isuot kagabi.

His forehead creased when he saw her put the eyeglasses on. Tumayo siya mula sa pagkakaupo sa sofa at lumapit kay Gemini. Nakita niyang natigilan ito sa paglapit niya.

"I don't like this." Sabi niya sabay hawak sa gilid ng eyeglasses at tinanggal iyon. "There. Pretty."

Hindi niya akalaing lalabas ang salita na iyon sa bibig niya. Hindi niya akalain may tinatago palang ganda ang sekretarya niya. Kagabi lang niya nalaman nang magkita sila sa Délicieux Cuisines Restaurant.

Wala itong suot na eye glass kagabi, at ang buhok nito na palaging nakapusod ay nakalugay na. She has this slight auburn curly hair and it draped over her creamy shoulder. After three years, ngayon lang niya napansin na ganoon ang kulay ng buhok nito. And Gemini has a very beautiful face na ngayon lang din niya napansin.

At kagabi, mukhang hindi lang siya ang nakapansin sa angkin nitong ganda. Dahil ang kalalakihan sa restaurant ay nakatingin sa dalaga. That's what irritated him the most. Alam na alam niya ang tumatakbo sa isipian ng mga kalalakihang iyon kagabi. They wanted Gemini.

And he will not let them. Hindi isang patakbuhing babae ang sekretarya niya. She's a very dignified woman. A respected one. And Gemini will stay that way.

And then he remembered the scene he saw outside Gemini's apartment last night. Hindi niya alam kung ano ang relasyon ni Knight kay Gemini at hindi siya magtatanong. Wala naman siyang karapatan.

Bumuga siya ng hangin at isinuot dito muli ang eyeglasses.

"Bakit mo binalik?" Mataray na tanong ni Gemini sa kanya.

Lihim siyang napangiti. So this is the real Gemini.

Ang Gemini na sekretarya niya sa loob ng tatlong taon ay walang emosyon palagi ang mukha. Palaging 'yes, boss' ang sagot nito sa kanya sa kahit na ano ang ipagutos niya. Ni hindi nga niya nakakitaan ng negatibong emosyon ang mukha nito.

But now... he likes the real Gemini. So fierce and pretty.

"Ayokong makita nila kung ano ang nakita ko." He said cryptically.

Nagsalubong ang kilay nito. "Ano?"

"Wala." Nauna na siyang naglakad patungo sa pinto ng apartment nito. "Come on. Masyado na tayong late."

INUNGUSAN ni Gemini ang likod ni Aidan bago sumunod sa binata. At dahil sinundo siya nito, hindi siya pinayagan na sumakay sa taxi. Kaya naman nakaupo siya ngayon sa passenger seat ng Maserati nitong sasakyan.

"So," her boss drawls, "ano ang relasyon mo kay Knight Velazquez?"

Hindi na siya nagulat sa tanong nito. Alam niyang nakita nito kagabi na niyakap siya ni Knight.

"Ako ang tutor niya." She answered simply.

"Tutor sa?"

"Tagalog."

"Oh." Tumango-tango ito. "Bakit ka niya niyakap kagabi? I saw it. Kaya huwag kang mag deny."

"Boss, baka nakakalimutan niyo na secretary mo lang ako. Ibig sabihin, hindi mo puwedeng pakialaman ang personal life ko hangga't maayos naman ang trabaho ko. At kung ano man ang ginagawa ko sa labas ng opisina, hangga't hindi iyon nakakasama sa kompanya niyo, okay lang at wala na kayong pakialam doon."