عشقتها يا سعود وحبت اخوي

7

صباح يوم زواج ناجي
( في بيت ، ام ريم )
ام ريم فاطمه : يويلي الساعه صارت 10 الصباح وانتم راقدين !!!
ريم : يمه والله بدري محنا العروسه
رنيم بضحكه : انتي دقي الحين وشوفي العريس وينه لا يسحب على عرسه
فاطمه : زواج اخوكم يلا قوموا بنروح للقاعه بدرري
قاطعهم دخول الاب صالح
صالح : جيبي المويا يا فاطمه انا اعرف لهم
ريم : لا لا لا خلاص قمنا قمنا

( في بيت ، ام خالد )
محمد : يمه نظام عيالك يصدع مايداومون هم
سوير : لا يداومون بس بعد ماينهد حيلك
الجد فهد : خلي احفادي على كيفهم ياام محمد
سوير : لا والله مو على كيفهم شف حفيدك محمد خليناه على كيفه وللحين مافكر نخطب له
محمد : يووه يمه رجعتي لهذا الموضوع
سوير : اييي وليش ماارجع له انا ابي افرح فيك واشوف عيالك
محمد : ابشري يمه بس مافيني حيل هالفتره مره
وقام محمد راح
سوير : شفت ياابوي هذا حالنا كل مافتحنا معه الموضوع
الجد فهد بضحكه : خليه على كيفه يابنيتي والنصيب الله بيجيبه باذن الله
تنهدت سوير وقامت تصلح القهوه
دخل خالد على الجد فهد وحب راسه
خالد : وشلونك ياجدي عساك بخير
الجد فهد : بخير بخير الحمدلله
خالد : الحمدلله بس ياجدي فيه موضوعاً قاهرني و ماخذ كل تفكيري
الجد فهد : وشهو الموضووع الي قاهرك ؟
خالد : نا ..

روان قاطعة حديثهم للمره الثانيه وجلست جنب خالد
روان : كيفك ياابووي وكيف النومه معك ان شاءالله ارتحت
الجد فهد بابتسامه : ارتحت الحمدلله بس خلينا نسمع الموضوع الي شايل همه خالد
روان لفت على خالد على طول وفتحت عيونها : وش الموضوع ؟؟
خالد : وشدخلك انتي موضوع بيني وبين جدي
روان : اها
خالد : ايه اها يلا قومي وخلينا لحالنا
روان : شفت ياجدي شفت شلون يطردني
الجد فهد : بس ياصغار

على العصر ( في القاعه )
بدت ريم تسوي شعرها ويڤي وبعد مانتهت بدت الميكب ارتست تضبطها وبعد مانتهت ابتسمت بكل رضى على شعرها وشكلها راحت تلبس فستانها الي باللون الاسود كان خيوط من الظهر وعلاق وماسك لين خصرها ومن تحت الخصر طايح لبست اساورها وتعطرت
فاطمه : ماشاءالله وش هالجمال حصني نفسك
ريم بضحكه : مين امي
فاطمه : كلمي المطربه وفرقتها يحضرون عندنا على الساعه 6 مافيه وقت
ريم : ابشري بس انتي شوفي رنيم

( في بيت ام خالد )
سوير : ياعيال ورا ماتجهزون
ريماس بضحكه : يمه وش يجهزون ثوب وشماغ
سوير : انتي قومي روحي لروان تسوي شعرك بسرعه
خالد : بنجهز بس الساعه 5:47 بدري
سوير : ياراسي وش بدري المغرب بياذن والمعازيم بيجون واحنا من اهل العريس وماجيناا قوموااا وجهزوا ابوي معكم
عبدالعزيز : ابشري ابشري يمه
( في غرفة روان )
ريماس : للحين ماخلصتي
روان : خلاص خلصت تعالي اسوي شعرك
وبدت تضبط اختها وخلصوا البنات

سوير : يلا قوموا شغلوا سياراتكم مشينا
محمد : بنشغلها بس وين البنات روان ونوره وام السان
عبدالعزيز ناظره : وشدخلك بـ نوره انا اوديها انت ود اهلي
محمد : وشفيك اتنثرت علي انت
خالد بضحكه : مسوي يغار قم ود اهلي بس وانا لاحقكم
عبدالعزيز حذفه بالمخده
ركبوا السياره سوير وبناتها واتجهوا للقاعه

عبدالعزيز دخل على نوره : له له وشذا الجمالل وباسها من خدها
نوره بابتسامه وخجل بعدت : عبدالعزيز لا تخرب مكياجي تعبت علييه
عبدالعزيز : فتنتيني وش اسوي ، وين بنيتنا ماراح تاخذينها ؟
نوره : تستهبل صح و شلون باخذها
عبدالعزيز : طيب بتخلينها عند من ؟
نوره : بخليها عند ميري تديرها لحد ماارجع

غابت الشمس جو المعازيم وبدا الفرح واطراق الموسيقى والطق في كل مكان امتلت القاعه بالحضور والاصوات
المطربه : هالاغنيه اهداء لـ اّل فهد
بدت الاغنيه والمعازيم يصاروخون
ريم مسكت روان معها وتوجهوا للمنصه
اخت الجد فهد: الي فستانها اسود وترقص على المنصه منهي ؟
بنتها : يمه هاو نسيتيها هذي بنت فاطمه
اخت الجد فهد : ماشاءالله اثرها حفيدة اخوي
بنتها : اييه يمه
اخت الجد فهد : جميله البنت
بنتها سمر بضحكه : تصلح لـ ولدك ها ؟
الجازي ضحكت : اي والله تصلح لولدي

( عند قاعة الرياجيل )
بدو بالعرضه وخالد يلعب بالسيف ويعرض قدام ابو ريم
ويمينه سعود انتهت العرضه
وبدا عشاء الرياجيل
ابو ريم صالح مسك يد خالد : ابيك بعد ماتعشون انت وسعود تودون عشاء الحريم من الباب الخلفي
خالد : ابشر ياعم

تعشوا خالد و سعود
خالد : ها يلا ودينا العشاء
سعود : اسبقني وانا وراك
راح خالد يودي العشاء للحريم من الباب الخلفي كان مفتوح وقباله على طول المغاسل
رفع التلفون على روان : وينك انا عند الباب الخلفي تعالي خذي عشاكم
روان : اي عشاء ؟ والبوفيه الي جايبينه
خالد : ياغبيه هذا للكبار رز ولحم ماتاكلون انتم هالاشياء
روان : اها طيب جايه
خالد : تراه صحنين كبار جيبي وحده تساعدك
روان : طيب

انتظرهم خالد وجت روان وريم للمغاسل يشوفون شكلهم بالمرايا
شاف خالد ريم صدفه وقعد دقيقه يتاملها ويشوفها تضحك مع اخته انفتن فيها وحس بشعور بقلبه
استوعب على نفسه وبعد عن الباب وتنح نح لهم
جاء سعود ومعه الصحن الثاني جاء بيدخل مسكه خالد وين وين الباب مفتوح
جو ريم و روان دف خالد الصحن عليهم
خالد : شيلوه مع بعض زين ودوه وتعالوا خذو الصحن الثاني
ريم همست لروان وهي تضحك : يعلمنا بعد
خالد سمعها وهو يضحك : اعلمك ياريم ليش ماعلمك حاولي المره الجايه توطين صوتك اكثر
ريم توترت وسكتت شالوا الصحن
سعود ناظر خالد شافه مبتسم وسرحان
سعود ضحك : خذت عقلك يا خالد
خالد : شفتها ياسعود صدفه وقلبي من بعدها معها خذت كل تفكيري
سعود : نسيت الكف الي جاك منها
خالد بضحكه : مانسيته وصرت اتخيله بوسه منها
سعود ضحك
جو البنات ودف لهم الصحن الثاني
رجع خالد وقال : شيلوه زين

خذو الصحن الثاني وبدا عشاء الحريم
تعشوا وخلصوا وبدو المعازيم ينصرفون

جاء خالد بياخذ اهله لمح ريم عند الباب تصابر وكانها تنتظر احد
خالد راح لها : وش تسوين ياريم هنا
ريم : وشدخلك يا خالد تراك عقوبه
خالد ب غيره لا يشوفها احد : لي دخلل الرياجيل برا في كل مكان وانتي هنا تتصابرين
ريم طيرت عيونها : وش علي انا ، مالك شغل وناد خالي عبدالله
خالد بعصبيه من اسلوبها دخل عليها وسحبها عند صدره : لا لي شغل اذا كان الموضوع عنك
ريم قعدت تطالع بعيونه ثواني و ......