محمد مسك سعود ولكمه بوحده بدون مايسمع له : وش عندك هناا ؟
روان لبست عبايتها وحطت الشيله على وجهها وطلعت بسرعه تمسك محمد
سعود دفه بعيد وبصراخ : ان مديت يدك علي مره ثانيه كسرتها لك فاهم ولا لااا ؟؟؟
روان : بسسس بسس يامحمد بلغلط والله مايقصد
محمد بصراخ : لا بمدها واكسر خشمك بعد
شيخه : لا ياشيخ ؟ تمد يدك على مين انت
محمد : امد يدي عليك وعلى اثنين جابوك
سعود لكم محمد بوحده ومسكه خالد
ريم : هي انت احترم نفسك وش ذا الكلام !
محمد : وش دخلك انتي ؟؟
خالد : وشلون يامحمد وش دخلها احترم جدي على الاقل
شيخه : منت برجال والله
سعود سحبها : بس خلاص
سعد : امسك اخوك ياخالد
رنيم بقهر منه : امسك اختك انت
سعد مارد عليها
ريم مسكت محمد ولف عليها
ريم : لا تكبر المشكله ضايقتوا جدي
خالد شاف يدها وكأن جمره طاحت على قلبه
نزل يدها خالد وبعدها
جاء عبدالعزيز ركض : علامكم وشفيكم تصارخون
محمد : شف الكلب دخل على روان
روان : دخل علي بلغلط يامحمد وشفيك انت
محمد : اعقبي انتي لا امد يدي عليك
خالد دفه : هيه تمد يدك على مين اهدا
عبدالعزيز : تكلم زين مع اختك يامحمد لا تخليني اقل ادبي معك وانا الي قايل لسعود يفرش السفره بحط غداهم هنا
الجد فهد : محمد اعتذر من سعود الان
محمد : ماني بمعتذر
عبدالعزيز ضغط على يده بقوه وهمس : اعتذر عشان خاطر جدي
محمد اعتذر من سعود مجاملتً لـ جده وتفرقوا
سوير : والله ماتوقعتها من ولدي محمد اعذريه ياام سعود
تهاني : ولا انا توقعتها بس معذور
شيخه : والله انا لاني عاذرته ولا شي رفع ضغطي
تهاني : خلاص يا شيخه قفلي الموضوع
ريم : اي والله ياليتكم تقفلون الموضوع طالعين ننبسط
( قسم الرجال )
الجد فهد : قوم ياسعد صب القهوه خلنا نستفيد منك شوي
سعود ضحك : اي والله استفيدوا منه حركوه في البيت ماغير طايح على الجوال
خالد : والا صدق ياجدي وش معجلك على الروحه لديره
الجد فهد : اشتقت لـ محلي وديرتي ياخالد
خالد : كلنا ياجدي اشتقنا لديره وقريب ان شاءالله واحنا زايرينكم
عبدالعزيز : عاد اكثر شي مشتاق له المزرعه
خالد : يوه عشنا قصص فيها
عبدالعزيز : تذكر يوم ريم فقعت عينك بالحصى ؟
خالد : بالله عليك ذيك ريم ؟
عبدالعزيز بضحكه : ايه ريم الي خلتك طايح ايام
سعود ناظره وهز راسه له
خالد ابتسم وهو ساكت
( غابت الشمس وعند قسم الحريم )
فاطمه : الليله عشاكم على يدي يابنات
سوير : لا والله ياام ناجي خليها على يدي
فاطمه : لا والله على يدي ان شاءالله انتي استريحي
شيخه : يلا يابنات قومو خلونا نتمشى الجو يهبل وبراد
ريم : اي والله قمنا احس فيني طاقة ودي افرغها
روان : انا طاقتي تفرغت اليوم الظهر
ريم ضحكت : يلا عاد قومي ماراح نمشي والا انتي معنا
قاموا البنات يمشون وماخذتهم السوالف
فاطمه تصّوت لريم : يا ريمم
رنيم : لبيه يمه
فاطمه : ريم وينها
رنيم : تتمشى مع البنات وش تبين فيها ؟
فاطمه : خليها تجيني
راحت رنيم عند البنات
رنيم : ريم امي تبيك
ريم : وش تبي
رنيم : مدري تبيك في المطبخ يمكن تبيك تساعدينها
ريم راحت لعند امها
فاطمه : البسي عباتك وروحي لقسم الرجال جيبي الملح والبهارات
ريم : ابشري يمه
لبست ريم عباتها وراحت لقسم الرياجيل خذت الملح والبهارات
محمد : ريم وش تسوين هنا
ريم : لا بس امي تبي الملح والبهارات
محمد : اعتذر من الي صار اليوم ماكان ودي بس فقدت السيطره من بعد ماسمعت صرخت روان وسعود عندها اتمنى تتقبلين اعتذاري
ريم ابتسمت له : لا عادي بس كان المفروض تسمع منه
محمد ابتسم : المفروض بس عاد صارت شنسوي
شافهم خالد من بعيد وكانت ثاني جمره تطيح على قلبه راحت ريم و راح خالد لعند محمد
خالد : وش كانت تسوي ريم هنا
محمد : جت تاخذ الملح والبهارات
خالد : وليش تضحك لك ؟؟
محمد : وانت وش دخلك
مشى محمد وعطاه ضهره
خالد مسكه : لا تعطيني ضهرك ماخلصت كلامي انا
محمد : ها قول وش الي عندك
خالد : وش كنت تقول لريم
محمد : اعتذرت منها عن الي صار
خالد : لا ماشاءالله اعتذر انت من شيخه وسعود ب الاول وشدخل ريم تعتذر منها ؟
محمد : اعتذرت من سعود
خالد : تجامل عشان جدي
محمد : يووه ياخالد لا تكمل الي ناقص ابعد عني
مشى محمد وخالد جلس لوحده يفكر
جاه سعود
سعود : وشفيك قاعد لحالك هنا
خالد : مافيني شي ياسعود
سعود : لا فيك شي
خالد : قلت لك ياسعود مافيني شي
سعود : ضايق صدرك من ريم
خالد : لا
سعود : الا توني اشوفها تحكي مع محمد
خالد : وانا وش دخلني خلها تحكي معه
سعود : خالد انت تحبها ليش ماتتقدم لها
خالد : وشلون ياسعود وشلون انا مدري هي تحبني ولا وانا اخاف بكره تعشق اخوي وتخليني
وكل حكينا هواش تبيني اتقدم لها وترفضني ؟
سعود : توها يا خالد لقائكم كانت بمشكله اكيد بتكون ردة فعلها كذا
خالد : مدري ياسعود
( عند قسم الحريم )
ريم : ها يمه وهذا الملح اي اوامر ثانيه ؟
فاطمه : سلامتك وين بتروحين الحين
ريم : وين بروح ؟ بروح عند البنات بنتمشى
فاطمه : خلي جوالك مفتوح العشاء مابيطول
ريم : يمه جوالي مفتوح في كل وقت ارتاحي
دق سعود على شيخه : وينك
شيخه : مع البنات وش بغيت
سعود : وش تسوون
شيخه : قاعدين نمشي وش تبي انت
سعود : خلي ريم تجي جدها يبيها في الخيمه الي جنب المطبخ
شيخه : طيب بنجي معها
سعود : قال ريم
شيخه : طيبب
راحت ريم لقسم الرجال عند الخيمه
ريم : خالد ! وين جدي
خالد : جدي مشى مع عبدالعزيز
ريم : كيف مشى تو سعود قايل لشيخه انه يبيني هنا
خالد فهمها : انا الي ابيك ياريم مو جدي
ريم بضحكه : وش تبي يا خالد وش جديدك بعد
خالد : وش بينك وبين اخوي ؟
ريم : وش دخلك
خالد تنرفز من كلمتها الي على لسانها في كل وقت : قلت لك وش بينك وبين اخووي
ريم : مابينا شي يا خالد
خالد : ليش تتضاحكين معه وتكلمينه وماسكه يده اليوم الظهر وكانه زوجك !
ريم : زي ماتكلمني انت بعد
خالد : يا ريم مو واضح يعني
ريم رفعت صوتها : وش الي واضح ياخالد لا تتكلم ب الالغاز
سعود شاف محمد متوجه للخيمه قام ركض له
سعود بتوتر وبصوت عالي عشان يسمع خالد : وين رايح يا محمد ؟
محمد : وش تبي يا سعود
سعود : لا مابغيت شي بس اسال
خالد سمعهم طلع بسرعه وسحب ريم معه
راحو ورا المطبخ وكانت ريم قريبه منه
ريم : شفت المصيبه الي سويتها الحين يلا طلعنا منها
خالد : دامك قريبه مني لهدرجه جعلنا مانطلع منها
ريم استوعبت وبعدت عنه وعطته كف : خالد صحصح الوضع الي احنا فيه غلط فـ غلط لا تزيد مشاكلنا
خالد مو هامه شي كثرها سحبها لصدره : ريم يعني ابداً مو واضح ؟
( عند قسم الحريم )
سوير : ها يا فاطمه عشاك جهز ولا باقي
فاطمه : ايه يلا عشر دقايق وهو جاهز
سوير : يلا ياروان البسي عباتك وتعالي ودي صحن الرياجيل
روان : ابشري يمه ثواني
راحت روان لقسم الرياجيل شافت سعود بدت تهمس له : هي سعود
سعود لف عليها وجاها بسرعه : هلا
روان : امسك هذا عشاكم واذا احتجتوا شي كلموني
سعود : تسلمين
روان : حبيت اعتذر لك عن الموقف الي صار اليوم
سعود : شدعوه اي اعتذار مامنك غلط
روان : والله ياسعود ان ضميري يأنبني عن الي صار
سعود : لو ماصارختي كان ماصار هذا كله
روان : تبي ضميري يأنبني زياده انت ؟
سعود ضحك : لا والله وشدعوه ماسويتي شي انتي
روان ابتسمت له : ريم وينها جدي وش بغى فيها ؟
جو العيال والجد فهد المخيم : ....
أنت تقرأ
عشقتها يا سعود وحبت اخوي
Mystery / Thriller( القصة واقعيه سردها لي شخص الاسماء مختلفه لكن الشخصيات نفسها ) اسم الكاتب / راكان ...
