عشقتها يا سعود وحبت اخوي

8

ريم قعدت تطالع بعيونه ثواني و دخلت عليهم روان
روان بصدمه : خالدد وش تسوووي هنااا !!
طلع خالد بسرعه برا
ريم حكت جبهتها : ااا تعشيتي ؟
روان بضحكه : تعشيت ؟ تعشينا سوا
ريم : اي صح نسيت
روان : وش يسوي خالد هنا ؟
ريم : لا بس يقول نادي اهلي
روان بشك : داخل عليك عشان يقولك نادي اهلي ؟
سكتت ريم بتوتر ووجها حمر من الموقف
روان : لعلمك الي شفته مابفوته بتقولي لي الي حصل

راحوا ريم و روان عند البنات
روان : انا ماشيه الحين بس يابنات ماودكم نسهر ببيتي نسولف عن الزواج ترا ماخذت راحتي معكم
شيخه : اي والله يا روان توني كنت بقول
ريم بتردد : مدري بشوف امي
روان : لا لا انتي بترجعين معي اصلاً
ريم : بترجعين مع مين ؟
روان بغمزه : مع خالد
سوير : يلا ياروان مشينا اخوك ينتظرنا برا
روان : ترا البنات بيسهرون عندي
سوير : الله يحييهم بس يلا لا نتاخر على اخوك
روان : اي يمه معليك ، شيخه الحقينا عاد بزعل عليك لو ماجيتي
شيخه : لا لا بجي ان شاءالله
البسوا ريم و روان عباياتهم و ركبوا السياره
خالد مشى وهو ساكت
و ريم ميته من الخجل ومو قادره تنطق
سوير : كيف عرسكم يالرجال
خالد : لا ابشرك استمتعنا فيه
سوير : اهم شي ابوي انبسط
خالد بضحكه : انبسط انبسط
روان : لعبتوا بالسيوف ولا ؟
خالد : ايه لعبنا
روان : خير ماصورتوا شي
خالد : شوفيه بجوال محمد

وصلوا البيت وطول الطريق خالد يسرق النظرات
روان : خالد ترانا في الحديقه عيوني لا تشوفك
خالد : وش قصدك ؟
روان : انت عارف قصدي

جلسوا روان و ريم في الحديقه
روان : يلا قولي
ريم : وش اقول
روان بضحكه : مسويه غبيه قولي الي عيني شافته
ريم : افف منك ياروان تكفين انسي
روان : والله بنسى بس قولي لي وش صار
ريم : كنت عند الباب انتظر يزن ولد خالتي الصغيربقوله ينادي خالي عبدالله
فجاءه جاني خالد يقول وش تسوين ياريم هنا
قلت له وشدخلك
روان ضحكت : احح ليش تكلمينه كذا
ريم : لان فعلاً وش دخله
روان : طيب كملي
ريم : المهم عصب علي فجاءه ودخل علي يقول اذا كان الموضوع يخصك فـ لي دخل
روان ضحكت : كنتوا قريبين من بعض
ريم : سحبني الكلب شسوي
دخلت عليهم شيخهه : هااايي
البنات بصوت واحد : اهليين
روان : جيتي ؟
شيخه : ايه جيت
روان : مع مين ؟
شيخه : مع سعود وايه على فكره روحي قومي نادي اخوك خالد سعود يبيه بالسياره برا
روان : ليش مايرسل له تكفين مالي خلق
شيخه : يرسل ويدق جواله مقفل
روان : تمام بشوفه

روان راحت لغرفة خالد : وينك عن جوالك انت ؟
خالد : قاعد اشحنه ليش وشتبين
روان : لا بس سعود يبيك برا
خالد : غريبه وش جابه
روان : والله مدري دخلت علينا شيخه وقالت لي
خالد : اها عشان كذا
روان تقلد حركاته : ايه عشان كذا يلا قوم

طلع خالد : هلا ب ابو سالم
سعود : هلابك وش تسوي ؟
خالد : والله على فراشي ليش وش بغيت
سعود : شوف لي الطريق اجل بقعد اسولف معك لين يخلصون البنات
خالد ضحك : سهرانين بعد زواج والله مابيخلصون الا اذا اصبح الصبح
سعود : والله انك صادق بس شنسوي
سعود نزل من السياره ودخل
خالد : هي هي وين المجلس نايم فيه جدي فهد تعال الصاله
سعود : وانا وشدراني وين صالتكم ماتقلطني الا في المجلس
خالد : الحقني انت