عشقتها يا سعود وحبت اخوي

14

خالد : ياسعود حبيتها من قلب وبالحب ولعتني وصارت تتغلى علي يوم اني اغليتها !
سعود : ليكون بتوافق على محمد ؟
خالد : هذا الي قالته وياسعود حبيب القلب يحب اخوي وانا الي صديت الكثير عشانها
سعود بستغراب : تحب اخوك ؟؟!
خالد : عشقتها يا سعود وحبت اخوي
سعود ضرب خالد كف : ياخالد صحصح معي و رد علي
خالد : معك انا
سعود : منت معي ، وش الي تحب اخوك !
خالد : ايه ياسعود
سعود : كيف صار ذا
خالد : اعترفت لها وقالت لي احب اخوك
سعود : ماتوقع يا خالد تحبه يمكن السالفه كلها عناد منها
خالد : بتذبحني بعنادها

راح الجد فهد ومحمد و سوير يخطبون ريم لمحمد
الجد فهد : ها يابنيتي موافقه على محمد ؟
ريم : ياجدي عطني وقت بفكر واستخير وارد لكم خبر
الجد فهد : عجلي علينا الولد تراه مستعجل
فاطمه بضحكه : خل بنتنا على راحتها ياابوي
الجد فهد : بنخليها على راحتها بس لا تطول علينا

مر الوقت وصارت الساعه 2 الليل
دخل خالد غرفته وسكر الباب
دخلت بعده روان : وينك ياخالد طول اليوم
خالد : ريم وافقت ؟
روان : لا
خالد تنهد وقال بقلبه يارب السالفه كلها عناد
روان : خالد تراني اختك قول وفضفض لي اعرف مشكلتك لا تخبي عني شي
خالد : وش اقول يا روان وش اقول القاها من اخوك ولا من جدي ولا من ريم
روان : ليش وشفيها ريم امس وش تكلمتم عنه
خالد : ريم تحب محمد يا روان
روان بصدمه : مستحيل
خالد : هذي كلمتها لي
روان : ياخالد انا اقولك مستحيل تحب محمد عندي يقين بس ودها تحرق دمك وتكابر ولا لو تحبه كانت وافقت عليه
خالد : اختنقت حاط كل الامل فيها وعدم موافقتها ولو وافقت على اخوي بنجن ياروان
روان : يا خالد ريم ماراح توافق الا اذا غصبها جدي على محمد
خالد : وش الي يغصبها على محمد !!
روان : ايه بيحاولون فيها كثير صدقني بس صالح ماتوقع بيزوج بنته بالغصب
خالد بغضب : والله لا جدي ولا محمد ياخذونها بالغصب
روان : قوم ياخالد ابيك توديني عند ريم
خالد : ليش ؟
روان : ابي اكلمها ولا بطول خلك في السياره

راحو خالد و روان لبيت ريم
روان : الحين انتي منجدك تحبين اخوي محمد !
ريم ماقدرت تمسك دموعها وانفجرت عليها من عدم فهم مشاعرها : يا روان انا مدري احبه ولا اكرهه واذا عن محمد والله مابيه ولا احبه كل هذا بس عشان خالد وحرقة دم ابوي منه
روان : خلاص وشفيك لا تبكين
ريم : تعبت ياروان تعبت
روان : بس بنفس الوقت لعبتي بمشاعر اخوي لا ترمين الكلام وتمشين تدرين وش عاش بعد كلمة احب اخوك ولا ماتدرين
ريم : وش عااش !
روان : مدري وش عاش بس مارجع من البيت الا متاخر وواضح عليه الحزن والتعب ولا ندري وينه طول اليوم مره متغير من بعد سالفة الخطوبه وانتي زديتها بكلمة احب اخوك
ريم : طيب والله ماكانت في البال طلعت من قلب مقهور منه قاعده احذف الكلام ولا ادري عنه
روان : اههخ بس تعبتوني معكم لا تحذفين الكلام ياريم اف
ريم : وينه الحين
روان : برا في السياره ينتظرني
ريم : اها
روان : ايه يلا انا ماشيه مابي اطول عليه
ريم : تمام