عشقتها يا سعود وحبت اخوي

17

ريم : امجاد وش قاعده تسوين انتي
امجاد : وش تشوفين انتي قهوه
ريم : ايه لمن ؟
امجاد : لرياجيل
ريم : الرياجيل عندهم لا تسوين
امجاد : وشدخلتس للمره المليون تراتس قاعده تتمادين ياريم
ريم : انتي الي تتمادين ، تضحكين ترا شكلك جداً غبي وانتي ورا خالد
امجاد رفعت صوتها : يعع وانتي وشدخلتس صدق كيفي الاحق خالد مالاحقتك
ريم بضحكه : بس خالد مو معطيك وجه خلي عندك شوي كرامه
امجاد ضربتها على كتفها : بديتي تتمادين انتي بزياده
ريم : معتوهه انتي ولا وش مدي يدك مره ثانيه وشوفي وش بيصير لك
امجاد بضحكه : وش بتسوين يعني
ريم : لا بس ممكن اعلم سلطان اخوك او ادبغك هنا
امجاد دفتها : تدبغين مين انتي !
مسكت ريم شعرها وبدت تسحبه وامجاد تصارخ لين دخلو عليهم البنات
روان : هي هي سلامات فكي شعرهااا ريم !
ريم بصراخ : خليها احسن
وضحى : خير ريم فكي شعرها
روان سحبت ريم بالقوه
ريم وهي تضحك : ها كيف ؟
امجاد : اصبري علي والله ماتشوفين مني خير
ريم بضحكه : حاولي بس

سحبتها روان وطلعتها : خير وشفيكم
ريم : مافينا شي قاهرتني
روان : وش الي قاهرتك سلامات ساحبه شعرها قولي وشفيكم
ريم : اسلوبها معي جداً قبيح ياروان
روان : اسلوبها قبيح وش قالت لك !
ريم نزلت راسها : وفوقها تتقرب من خالد
روان : اها بس وضحت السالفه
ريم : ايه احسن خليها واضحه وللحين ترا ادور زله عليها
روان ضحكت : امشي امشي بس

( عند خيمة الرجال )
فيصل : القهوة ياسلطان
سلطان : يلا يبه
خالد : هاتها عنك
سلطان : لا والله انت استريح
فيصل : خالد انا ابيك تجيب العشاء خل سلطان يقهويهم
خالد : ابشر يا خال بس على الساعه كم بتحط عشاك
فيصل : مدري بس بعطيك خبر خلك قريب مني
خالد : ابشر

مشعل : اسمع يافهد انا امس شفت لي بنيه طالعه من مزرعتكم ومتوجهه لبيتكم
الجد فهد : منهي !
مشعل : والله هذا الي شفته يافهد كانت طالعه ولافه عليها شماغ رجال
الجد فهد : شماغ رجال وطالعه من مزرعتي ومتوجهه لبيتي !
مشعل : ايه نعم
الجد فهد : وانت وش تدور طالع برا تراقب محارمي وبيتي ؟
مشعل : انت تعرفني يافهد جيران من سنين مو سنه ولا ثلاث وخمس كبير بالسن اتمشى والف على الحاره
الجد فهد : ايه خابرينك خابرينك

( عند الحريم )
ريم : روان منهي ذيك الي جنب الجازي
روان : بنتها وسن
ريم : يمه تهبل كم عمرها
روان : 19
ريم : امشي خلينا نسلم عليها
روان : يلا تعالي
راحوا يسلمون عليها
وسن : ياحليلكم وين هالغيبه
ريم : انتي الي غايبه وينك ماشفناك في زواج اخوي
وسن : ايه في يوم زواج اخوك كان عندي مناسبة حفلة تخرجي
روان : ماشاءالله خريجه
وسن : ايه خلاص جامعيه بأذن الله
ريم : لا تتحمسين عاد والله بيضغطونك ضغط
وسن : شنسوي الله يعين مجبورين