عشقتها يا سعود وحبت اخوي

11

روان ابتسمت له : ريم وينها جدي وش بغى فيها ؟
سعود : مدري والله وش يبغى فيها بس هم الحين في الخيمه
جو العيال والجد فهد المخيم
روان بشك : هذا هو جدي توه جاي !
سعود راح لهم بسرعه بتوتر : جيتووا ؟؟
الجد فهد : اي جينا
سعود : مسرعكم تجون
عبدالعزيز : دقت امي تقول العشاء جهز

( عند ورا المطبخ )
خالد : يعني ياريم ابداً مو واضح
ريم تنهدت : وش الي مو واضح يا خالد وش هوو ؟
خالد : يا ريم انا احـ..
قاطعه سعود وهو يقول بصوت عالي عشان يسمع خالد : ياهلا بـ جدي حياكم حياكم على العشاء
ريم خافت وشهقت بقوه
سحبها خالد وحط يده على فمها : اششش لا تخافين بنطلع لو ماجبتي فينا العيد

عبدالعزيز : روح يامحمد جب اللبن في المطبخ
سعود : لا لا لا انا اجيبه لكم انتم استريحوا وتعشوا وعينوا من الله خير
الجد فهد : وخالد وينه ؟ ناده خله يجي يتعشى معنا
سعود : ابشر ياجدي

راح سعود للمطبخ يجيب اللبن دخل بعده خالد
خالد : اههخ يا سعود وش الي انت سويته
سعود ضحك ويسوي نفسه غبي : وش الي سويته ؟
خالد بضحكه : مسوي غبي
سعود : وينها ريم طيب
خالد : راحت خلاص
سعود : ايه زين يلا امش جدي يبيك الحين
خالد : لو ماجاء جدي ياسعود كان اعترفت لها
سعود : الحين روح تعش جدي يبيك وبعدها باخذ كل العلم منك

( عند قسم الحريم )
روان : وين كنتي يا ريم ؟
ريم بتوتر : كنت عند جدي فهد
روان : بس جدي فهد ماكان موجود وتوه يجي
فاطمه : يلا يا بنات العشاء وينكم
روان : ابشري يا خاله جايين
ريم : يلا يمه جينا
روان : بعد العشاء بتفاهم معك
ريم : اففف مافيه مفر منك
روان بضحكه : لا مافيه مفر ارتاحي

( قسم الرجال )
محمد : وين رحتوا ياجدي
الجد فهد : لفينا على المنطقه شوي وجينا
عبدالعزيز: فاتكم الخضار الي شفناه
سعود : وينه فيه الخضار
عبدالعزيز: هنا قريب من المخيم
الجد فهد : وشفيك ياخالد سرحان ومبسوط
خالد بضحكه : لا ياجدي مافيه شي بس قاعد افكر
الجد فهد : وش تفكر فيه
خالد : افكر بالدوام ياجدي

قاموا يغسلون بعد ماتعشوا
سعود همس باذن خالد : على فكره ترا تحمست اعرف وش الي صار
خالد تنهد : اهخخ يا سعود ريحتها للحين في خشمي
سعود : يعنني اصبر خلنا نغسل وبتقول لي كل شي صار

( عند قسم الحريم )
روان : يلا اسمعك
ريم : مو صح دق سعود على شيخه يقول ان جدي يبيني في الخيمه الي جنب المطبخ
روان : ايه
ريم : لقيت خالد مالقيت جدي
روان ضحكت : وش قالك
ريم : ماقال شي بس سالته عن جدي
روان : بس ؟ ليش طولتي اجل
ريم : جو العيال وجدي بعدها ماعرفت شلون اطلع خايفه يفهمون غلط وتجينا مشكله فوق مشاكلنا
روان : وليش سعود قال كذا
ريم تنهدت : مدري ياروان مدري

( عند قسم الرجال )
خالد : دخلت علي في الخيمه وقتها فزيت من مكاني
سعود بضحكه : ايوه وش قالت
خالد : سألت عن جدي تقول انك دقيت على شيخه وطلبتها لجدها
سعود بغمزه : ايه تخطى ذا نبي نعرف وش الي صار ورا المطبخ
خالد ضحك : وش دخلك انت
سعود : ايه اجحدها ولا كأن انا الي جامعكم
خالد : لا تحمس ما صار شي
سعود : وفي المطبخ تقولي لو ماجاء جدي كان اعترفت لها
خالد : ايه
سعود : وشلون ياخبل تبي تعترف لها وانت اصلاً منت متاكد هي تحبك ولا لا
خالد : انا ادري انها تحبني بس تحاول تكابر ولا تفهم علي
سعود : وليش طيب
خالد : مدري بس اتوقع عشاني تدخلت بمشكلتهم وعلمت جدي فهد
سعود : عاد من حقها وش دخلك بمشاكلهم
خالد : تكفى يا سعود انا اخلص من روان وتجيني انت مابي اعيد كلامي
سعود : ايوه تقولي ادري انها تحبك وشلون دريت
خالد : نظراتها لي يا سعود وحتى لما كانت تكلم اخوي احس مستقصدتها عشان اشوف
سعود : وليش طيب ؟؟
خالد : اقولك عشان موضوع هالناجي ودها تقهرني وتلعب بنفسيتي

( عند قسم الحريم )
شيخه : وش قالك جدي ياريم
ريم : يسال عن ابوي
شيخه : والا صدق ابوك وينه ليش ماجاء
ريم تنهدت : زعلان عليه جدي كله من خالد
روان : للحين
ريم : ايه

ناموا كل الموجودين الا روان و ريم
روان : انتي تحبين اخوي خالد ياريم ؟
ريم بضحكه : خير وش جاب الطاري
روان : تدرين انه هايم فيك ؟
ريم بخجل : ادري يا روان بس اسوي نفسي مو فاهمه
روان : ليش تسوين نفسك مو فاهمه تراه واضح انه عاشقك
ريم وهي ماسكه دموعها : روان هو قهرني بتدخله بمشكلتنا ليش يعلم جدي وهو يدري عن الي بيصير شوفي جدي زعل من ابوي وهو ماله علاقه وبنتتظر الحين ناجي يرجع ونشوف جدي وش بيسوي فيه
روان : هو بعد صح ماكان المفروض يقول لجدي دامكم حليتوها بين بعضكم بس ماعلم جدي ياريم الا وهو يحبك ولا يرضى عليك اي اذيه
ريم : شعوري اتجاهه اذاني ياروان مرات احبه ومرات اكرهه شعوري متناقض ويضايق حتى انا مو فاهمته

اصبح صبح يوم الاثنين ( عند قسم الحريم )
تهاني : سوير فطورك ماخلص للحين تحتاجين مساعده
سوير : لا ماحتاج خمس دقايق وهو على سفرتكم
فاطمه : البنات للحين ماقاموا ؟
تهاني : لا للحين شكلهم ماناموا الا على الفجر
سوير : صحيهم بسرعه بحط الفطور
راحت تهاني تصحي البنات
سوير : ريماس تعالي ودي فطور الرياجيل
ريماس : ابشري يمه

ودت ريماس فطور الرجال
الجد فهد : ليش جايبه سفره وحده ؟
ريماس : لكم ياجدي
الجد فهد : وانتم وين بتفطرون ؟
ريماس : عند قسمنا
الجد فهد : خليهم يجون يفطرون عندنا عندي كلام بقوله
ريماس : مدري والله بس بشوف امي

جو البنات وبدو ياكلون والجد فهد يروي لهم قصص الطفوله والكل كان مركز معه
الا خالد هايم بعيون ريم وسرحان معها
الجد فهد لمح خالد ونظراته لريم : خالد
خالد وتفكيره كله مع ريم
لفو عليه كلهم والكل كان انظاره على خالد ...