عشقتها يا سعود وحبت اخوي

19

ريم قربت منها : شوفي انا سكت في المجلس واتهمت نفسي معك بس هنا لحالنا اقدر اذبحك ومحد بيدري
امجاد دفتها : ابعدي بس تذبحين مين
روان مسكت ريم : خلاص مو وقته خليها
ريم : الا وقته فكي
امجاد : فكيها يا روان ذا الكلب اذا مسكوه بدا يتفلت واذا فكوه هج
فكتها روان وسحبتها ريم من شعرها شوي ودخلت عليهم الجده غزيل : هيي علامتسن ؟
ريم : هلا جده قمتي انتي
غزيل : ايه قمت عسى ماشر ليش ساحبه شعر امجاد
امجاد : جده ذي مريضه نفسياً
ريم : انتي الي مريضه والله
غزيل : احترمي نفستس يا امجاد و روحي لغرفتس
امجاد : مابي ياجده
غزيل : قلت لتس اذلفي لغرفتس بسرعه !
امجاد : اف طيب
غزيل : و انتي ياريم روحي اخمدي عند امتس
ريم : ابشري ياجده بس بساعد روان في الفطور
غزيل : شيخه تساعدها روحي انتي
ريم : طيب ياجده انا جوعانه
غزيل : طيب لا اسمع صوتس
ريم : ابشري ياجده
بدو يسوون الفطور لهم ولخالد وسعود بعد ماخلصوا راحت روان تودي الفطور دقت الباب : خالد
خالد : حي هالصوت
روان : امسك هذا فطوركم
خالد حب راسها : تسلم يدك
روان ابتسمت : الله يسلمك بالعافيه
خالد : الله يعافيك
روان : من عندك ؟
خالد : سعود ليش من بغيتي
روان : لا بس أسأل لاني ماحسبت الا لك ولسعود
خالد : اها زين

بدو يفطرون البنات : وشفيك ياريم على امجاد
ريم : امجاد ياجده ماتستحي الصدق
غزيل : وليش ماتستحي
ريم : ياجده اسلوبها معي سيئ
غزيل : عموماً دام هذي سواليفكن اليوم بتروحون معي
روان : وين بنروح ياجده ؟
غزيل : عند منيره
ريم : جده منيره سليم ؟
غزيل : ايه وكلكن بتروحون معي حتى امجاد ووضحى
ريم : ابشري ياجده

مر الوقت وغابت الشمس
امجاد : من بيودينا ياجده ؟
غزيل : خالد
امجاد : اجل بروح البس انا ياجده
راحت تلبس امجاد شوي و دخلت عليها ريم : سلامات وش ذا اللبس !
امجاد : وشدخلتس انتي
ريم بضحكه : لا بس مره قصير وفاكه شعرك ووجهك مصبوغ ب الالوان وين رايحه انتي ترا منيره سليم جارتنا
امجاد : ادري حبيبتي ويلا اطلعي برا
ريم : الحمدلله والشكر بس

غزيل : يلا يابنات خالد برا
امجاد : يلا تراني طلعت ياجده
طلعت امجاد من الباب بدون ماتسكر عبايتها ولا تلف شالها على شعرها
شافها خالد جمال جمال خالد يناظرها وهو مصدوم بنت من هذي كانت لابسه فستان قصير لحد فخذها وشعرها طالع ركبت السياره امجاد : السلام عليكم
خالد وهو يناظرها من المرايه : وعليكم السلام و رحمة الله
استوعب على نفسه وبعد النظره : وين جدتي والبنات ؟
امجاد : طالعين الحين
طلعت ريم وطلعت وراها روان
فتحت الباب ريم وبوجهها امجاد ركبوا السياره

ريم : ماتشوفين خالد انتي !
امجاد : الا اشوفه وشفيه
ريم : تغطي طيب !
امجاد ماردت وسفهتها ريم
وكانت كل نظراتها على خالد
خالد : كيفك ياريم
ريم : الحمدلله وشخبارك انت
خالد : الحمدلله جدتي وينها ليش ماطلعت معكم
ريم : الحين طالعه مع شيخه
طلعت غزيل وشيخه ركبوا السياره و توجهوا لمنيره
وصلوا البيت ونزلوا من السياره
على المدخل غزيل : سلامات امجاد وش ذا اللبس !!
امجاد : وشفيه ياجده لبسي
غزيل : لا اشوفك منزله عباتس وادخلي عليهم كذا
امجاد : وشلون ياجده اجلس معهم بعباتي
ريم : قلت لك بالله ذا لبس تسيرين فيه عند ناس كبار !
غزيل : حسابتس في البيت مو هنا
دخلوا يسلمون على الحريم
وسن : هذي الساعه المباركه الي شفناكم فيها
روان : ياقلبي انتي وشلونك
وسن : الحمدلله بخير وشفيتس واقفه استريحي

دق جوال امجاد قامت وراحت ترد كان رقم غريب : الو
محمد : هلا انتي امجاد ؟
امجاد : ايه انا من وين جبت رقمي ؟
محمد : خذيته من جدي
امجاد : طيب وش تبي ؟
محمد : ابي رقم ريم
امجاد استغربت : وش تبي فيه !
محمد : مالك شغل ارسليه علي
امجاد : ماني براسلته لين تقولي وش تبي فيه
محمد : ارسليه علي
امجاد فكرت وبراسها خطه جهنميه : تمام برسله الان
ارسلت امجاد رقم ريم

مر الوقت وتعشوا جاء خالد وركبوا معه
شوي ويدق جوال ريم : الو ؟
محمد : هلا
ريم : وش تبي انت من وين جبت رقمي
محمد : مالك دخل من وين جبته وينك انتي
ريم : ولا انت لك دخل وين انا فيه
خالد : مين يا ريم هذا ؟
ريم : محد
خالد رفع صوته : مين هذا يا ريم
امجاد : محمد اخوك
خالد : كيف جاب رقمك الحيوان !
ريم : مدري
خالد : وش يبغى فيك
ريم : يسأل ويني
سحب خالد جوالها وعطاه بلوك : عطيته بلوك لا اشوفك فاكته
امجاد : وانت وش دخلك فيها
خالد : انتي محد كلمك
ريم بضحكه : انتي الي وش دخلك الحين
غزيل : حتى في السياره تتهاوشون
روان : خلاص ياجده خاطرك لا يضيق بيسكتون الحين

وصلوا البيت و راح خالد عند محمد : من وين جبت رقمها انت !
محمد بضحكه : هي عطتني
خالد بقسه على وجهه وضحك : لا تستهبل معي
محمد : من جدي فهد
خالد : وجدي فهد ليش يعطيك رقمها !
محمد : نسيت انها خطيبتي
خالد بصراخ : مهي خطيبتك ياكلب ماتفهم انت حتى هي ماتبيك
جاء الجد فهد : تتهاوش مع اخوك ياخالد عشان بنيه
خالد : ايه عشانها ياجدي عشانها اتهاوش مع اخوي
الجد فهد : انسى ريم ياخالد
خالد : ليش انساها !
الجد فهد : ريم لـ اخوك
خالد : ريم ماوافقت ولا بتوافق
الجد فهد : لا بتوافق وغصب
خالد رفع صوته : والله ماياخذها بالغصب واذا هي وافقت برضاها الله يوفقهم

مر الوقت وعلى الفجر الكل نايم الا روان كعادتها طلعت و راحت لفزاع لقت سعود يداعبه ويعطيه اكل
روان : ماشاءالله ياسعود صرت تسبقني بخيلي وتوكله وتهتم فيه قبلي
سعود ضحك : خيلك صار خيلي يا روان خلاص
روان : قم بس مااسمح لك
سعود بضحكه : وليش ماتسمحين لي ياانسة روان
روان : والله خيلي واغار عليه واشوفك فليتها معه
قاطع حديثهم رجل كان رجل غريب ملامحه مو واضحه مع هذا الظلام
سحبها سعود وعطاها ضهره : مين انت
مشعل :انا جاركم هذي بنت من ياسعود
روان جت بتتكلم وسكتها سعود : هذي زوجتي يامشعل ...